Saturday, July 20, 2024
Lenovo

​ພູມ​ໃຈ!ອົງ​ການ​ຊ່ວຍ​ເຫຼືອ​ສາ​ກົນ​ຢືນ​ຢັນ! ເດັກ​ນ້ອຍ​ລາວ​ຢູ່ຊົນ​ນະ​ບົດ ມັກ​ອ່ານ​ໜັງ​ສື​ຫຼາຍ​ຂຶ້ນ

ອົງການຊ່ວຍເຫລືອເດັກສາກົນ ປະຈຳ ສປປ ລາວ ຢືນຢັນວ່າ ທັກສະດ້ານການອ່ານຂອງເດັກນ້ອຍ ໄດ້ຮັບການພັດທະນາດີຂຶ້ນ ແລະ ສາມາດເວົ້າພາສາລາວໄດ້ເກັ່ງຂຶ້ນ ພາຍຫລັງເຂົ້າຮ່ວມໂຄງການປັບປຸງຄຸນນະພາບ ແລະ ຂະຫຍາຍໂອກາດ ການເຂົ້າເຖິງການສຶກສາຂັ້ນພື້ນຖານ ແລະ ໂຄງການສົ່ງເສີມການເຂົ້າເຖິງການສຶກສາກ່ອນໄວຮຽນ ແລະ ປະຖົມສຶກສາ.

ທ່ານ ພູວັນ ແກ້ວມາລາ ຕາງໜ້າອົງການຊ່ວຍເຫລືອເດັກສາກົນ ປະຈຳ ສປປ ລາວ ກ່າວໃນພິທີປິດໂຄງການດັ່ງກ່າວ, ເມື່ອອາທິດຜ່ານມານີ້ວ່າ: ໂຄງການດັ່ງກ່າວ, ໄດ້ຈັດຕັ້ງປະຕິບັດຢູ່ 200 ກວ່າໂຮງຮຽນ ໃນ 3 ເມືອງ ຄື: ເມືອງນໍ້າບາກ, ເມືອງງອຍ ແລະ ເມືອງໂພນທອງ, ແຂວງຫລວງພະບາງ ໃນປີ 2016-2018, ໂດຍມີນັກຮຽນ ອາຍຸ 5-10 ປີ ຫລາຍກວ່າ 15.000 ຄົນ ເຂົ້າຮ່ວມແລະ ໄດ້ຄັດເອົາບ້ານ ທີ່ມີຜົນການຮຽນຍັງຕ່ຳ, ຢູ່ເຂດຫ່າງໄກສອກຫລີກ, ມີເດັກຊົນເຜົ່າຂ້ອນຂ້າງຫລາຍ, ພົບຄວາມຫຍຸ້ງຍາກໃນການຮຽນໜັງສື, ໂດຍສະເພາະວິຊາພາສາລາວ ແລະ ທັກສະການ ອ່່ານຕ່ຳ ເປັນເງື່ອນໄຂ ແລະ ບູລິມະສິດໃນການຈັດຕັ້ງປະຕິບັດ. ຜ່ານການຈັດຕັ້ງປະຕິບັດສອງໂຄງການ, ຜົນການປະເມີນສະແດງໃຫ້ເຫັນວ່າ ທັກສະດ້ານການອ່ານຂອງເດັກໄດ້ຮັບການພັດທະນາດີຂຶ້ນ, ສາມາດເຂົ້າຮ່ວມກິດຈະກໍາສອນຂອງຄູຫລາຍຂຶ້ນ, ມີຄວາມກ້າຫານໃນການຕອບຄຳຖາມຕ່າງໆ ແລະ ມາຮຽນດ້ວຍຄວາມມ່ວນຊື່ນຫລາຍກວ່າເກົ່າ.

ທີ່​ມາ: facebook.com/946305358906578

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ