Monday, July 15, 2024
Lenovo

ຄວາມ​ຈິງປາ​ກົດ​ແລ້ວ! ກໍລະນີສື່ຕ່າງປະເທດ ອອກຂ່າວບິດເບືອນຕໍ່ໂຄງການທາງລົດໄຟ ລາວ-ຈີນ

ທ່ານ ຄຳສຸກ ບຸນຍະວົງ ສະມາຊິກສະພາແຫ່ງຊາດ (ສສຊ) ເຂດເລືອກຕັ້ງທີ 2 ແຂວງ ຜົ້ງສາລີ ຢືນຢັນຢ່າງໜັກແໜ້ນ ຕໍ່ສຳນັກຂ່າວສານປະເທດລາວວ່າ: ຕົນເອງບໍ່ໄດ້ໃຫ້ສໍາພາດຕໍ່ນັກຂ່າວ ວີໂອເອ (VOA ສຽງອາ ເມລິກາ) ຄືດັ່ງທີ່ນັກຂ່າວຂອງໂທລະພາບຊ່ອງ Sping News ຂອງໄທ ໄດ້ລາຍງານ ໃນວັນທີ 13 ທັນວາ 2018 ໃນເວລາປະມານ 21:00 ກ່ຽວກັບບັນຫາການກໍ່ສ້າງໂຄງການທາງລົດໄຟ ລາວ-ຈີນ ທີ່ບິດເບືອນຄວາມຈິງ ແລະ ມີລັກສະນະໃສ່ຮ້າຍປ້າຍສີ.

ໃນໂອກາດໃຫ້ສຳພາດ ໃນວັນທີ 20 ທັນວາ 2018, ທ່ານ ຄຳສຸກ ບຸນຍະວົງ ຊີ້ແຈງວ່າ: ໂທລະພາບຊ່ອງ Sping News ອອກຂ່າວໃນຄັ້ງນີ້, ບໍ່ແມ່ນຄໍາເວົ້າຂອງຂ້າພະເຈົ້າ ທີ່ໄດ້ປະກອບຄຳເຫັນ ໃນກອງປະຊຸມສະພາ ສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII ແລະ ຂ້າພະ ເຈົ້າ ບໍ່ໄດ້ໄປໃຫ້ສະພາດ ຕໍ່ນັກຂ່າວວີໂອເອ ແລະ ຖືວ່ານັກຂ່າວຂອງໂທລະພາບຊ່ອງ Sping News (2 ທ່ານ ຍິງ-ຊາຍ) ຂາດຈັນຍາບັນ, ບໍ່ໜ້າເຊື່ອຖື ແລະ ເປັນການໃຫ້ຂ່າວທີ່ບໍ່ຖືກຕ້ອງ ກັບເນື້ອໃນໂຄງການກໍ່ສ້າງທາງລົດໄຟ ລາວ-ຈີນ ແຕ່ປະການໃດ.

ການທີ່ໄດ້ອອກຂ່າວ ວິຈານຂ່າວບິດເບືອນນັ້ນ ແມ່ນເປັນການເສກສັນປັ້ນແຕ່ງ, ສ້າງກະແສຂ່າວໃຫ້ປະຊາຊົນ ແລະ ສັງຄົມເຂົ້າໃຈຜິດ ຕໍ່ການລົງທຶນຮ່ວມມື ລາວ-ຈີນ ໃນໂຄງການນີ້, ໂດຍສັງ ລວມໄດ້ ຄື: ນັກຂ່າວຊ່ອງ Sping News ເວົ້າວ່າ: “ປະຊາຊົນແຂວງຜົ້ງສາລີ ໄດ້ຮັບຜົນກະທົບໂດຍກົງຈາກໂຄງການນີ້” ແມ່ນບໍ່ຖືກຕ້ອງ ເພາະວ່າແຂວງຜົ້ງສາລີ ບໍ່ມີເສັ້ນທາງລົດໄຟຜ່ານເລີຍ, ຊຶ່ງເປັນການວິເຄາະຂ່າວທີ່ບໍ່ຮູ້ເລື່ອງ ເນື່ອງຈາກວ່າ ຕະຫລອດໄລຍະເສັ້ນທາງລົດໄຟ ທີ່ມີຄວາມຍາວທັງໝົດ 409 ກວ່າກິໂລແມັດ ໄດ້ຜ່ານບັນດາແຂວງເຊັ່ນ: ແຂວງຫລວງນ້ຳທາ 16,9 ກິໂລແມັດ, ອຸດົມໄຊ 126,9 ກິໂລແມັດ, ຫລວງພະບາງ 80 ກິໂລແມັດ, ແຂວງວຽງຈັນ 145,5 ກິໂລແມັດ ແລະ ນະຄອນຫລວງວຽງຈັນ 40 ກິໂລແມັດ.

ຂ່າວໄທລະບຸວ່າ: ລັດຖະບານລາວໄປຢືມເງິນນໍາຈີນ ແລ້ວຈ້າງຈີນ ມາເປັນຜູ້ກໍ່ສ້າງໃຫ້ ອັນນີ້ແມ່ນບໍ່ຖືກຕ້ອງ ເພາະວ່າພາຍຫລັງທີ່ມີ ບົດວິພາກເສດຖະກິດ-ເຕັກນິກ ຂອງໂຄງການນີ້ແລ້ວ ສອງລັດຖະບານ ລາວ-ຈີນ ໄດ້ມີການຮັບຮອງເອົາ ແລະ ເຫັນດີລົງທຶນຮ່ວມກັນ, ໂດຍແມ່ນຝ່າຍລາວ ຖືຮຸ້ນ 30% ແລະ ຝ່າຍຈີນ ຖືຮຸ້ນ 70% ແລ້ວທັງສອງຝ່າຍ ໄດ້ຕົກລົງສ້າງເປັນບໍລິສັດ ຮ່ວມທຶນທາງລົດໄຟ ລາວ-ຈີນ, ລວມທັງໄດ້ດຳເນີນການປະມູນ ເພື່ອຄັດເລືອກເອົາ 6 ບໍລິສັດກໍ່ສ້າງ, 3 ບໍລິສັດທີ່ປຶກສາ ແລະ 3 ບໍລິສັດ ທີ່ປຶກສາພາກສ່ວນທີ່ສາມ, ພ້ອມໄດ້ດຳເນີນການປະມູນ ຈັດຊື້-ຈັດຈ້າງຕາມລະບຽບການ. ຂ່າວລະບຸຕື່ມວ່າ: ທ້າວ ຄຳສຸກ ສສຊ ແຂວງຜົ້ງສາລີ ໄປໃຫ້ສຳພາດແກ່ວີໂອເອ ສຽງອາເມລິກາ ພາກພາສາລາວ ແລະ ເວົ້າວ່າ ຈີນ ກຳລັງທຳລາຍຄວາມ ໄວ້ເນື້ອເຊື່ອໃຈ ລະຫວ່າງກັນ, ລະຫວ່າງ ລາວ-ຈີນ, ແຕ່ຄວາມຈິງຂ້າພະເຈົ້າ ບໍ່ໄດ້ໃຫ້ສໍາພາດ ແລະ ບໍ່ໄດ້ເວົ້າແນວນີ້ເລີຍ. ຄຳເວົ້າທີ່ນັກຂ່າວທັງສອງ ເວົ້າອອກມານີ້ ເປັນການແບ່ງແຍກ ສາຍພົວພັນຮ່ວມມື ຍຸດທະສາດ ລະຫວ່າງລາວ-ຈີນ ແລະ ບໍ່ແມ່ນຄຳເວົ້າ ທີ່ປະກອບເຂົ້າໃນທິດທາງທີ່ດີ.

ກ່ຽວກັບບັນຫາແຮງງານ, “ນັກຂ່າວຊ່ອງ Sping News ກໍມີຄໍາເຫັນວ່າ: ເປັນເລື່ອງທີ່ທຸເລດນັ້ນ” ຊຶ່ງແປເປັນພາສາລາວ ກໍມີຄວາມໝາຍດູໝິ່ນປະມາດ ປະຊາຊົນລາວ ແລະ ຊາດລາວ ຊຶ່ງເປັນຄຳເຫັນ ທີ່ບໍ່ກົງກັບ ເວລາທີ່ຂ້າພະເຈົ້າ ປະກອບຄຳເຫັນ ໃນກອງປະຊຸມສະພາແຫ່ງຊາດ.

ນັກຂ່າວເວົ້າວ່າ: “ຈີນຕິດໜີ້ຄ່າຊົດເຊີຍ” ຊຶ່ງປະເດັນນີ້ ກໍເຫັນວ່າເຂົ້າໃຈບໍ່ຖືກຕ້ອງ ເພາະໃນສັນຍາສໍາປະທານໄດ້ລະບຸວ່າ ຄ່າຊົດເຊີຍທີ່ດິນ ແມ່ນລັດຖະບານລາວ ເປັນຜູ້ຮັບຜິດຊອບ ແລະ ຄ່າຊົດເຊີຍ ສິ່ງປຸກສ້າງ, ສິ່ງກີດຂວາງ ແມ່ນບໍລິສັດຮ່ວມທຶນ ລາວ-ຈີນ ເປັນຜູ້ຮັບຜິດຊອບ.

ນັກຂ່າວທັງສອງຄົນນັ້ນ ໄດ້ສະຫລຸບວ່າ: “ລາວຫາກະຮູ້ວ່າຕົນ ໄດ້ແຕ່ເສດເນື້ອ” ຫລື ຄວາມໝາຍພາສາລາວແປວ່າ ໄດ້ແຕ່ເສດຊີ້ນຕ່ອນນ້ອຍໆ ໃນໂຄງການກໍ່ສ້າງທາງລົດໄຟນີ້ ຊຶ່ງເປັນຄຳເວົ້າທີ່ບໍ່ສ້າງສັນ ແລະ ບໍ່ສອດ ຄ່ອງກັບຂໍ້ຕົກລົງ ລະຫວ່າງ ສະມາຊິກອາຊຽນ ກັບ ລັດຖະບານຈີນ ແລະ ເປັນຄຳເວົ້າທີ່ໄຮ້ສາລະ, ຊຶ່ງຂ້າພະເຈົ້າຜູ້ຖືກກ່າວຫາ, ປະຊາຊົນລາວ ແລະ ຄົນລາວ ບໍ່ຍອມຮັບເອົາໄດ້. ຕໍ່ບັນຫາເຫລົ້ານີ້, ທ່ານ ຄຳສຸກ ບຸນຍະວົງ ຜູ້ຊຶ່ງເປັນຫົວໜ້າ ຄະນະສະເພາະກິດ ຕິດຕາມກວດກາແຕ່ຫົວທີ ໂຄງການກໍ່ສ້າງທາງລົດໄຟ ລາວ-ຈີນ ຈຶ່ງຮຽກ ຮ້ອງໃຫ້ຄົນລາວ ມີຄວາມເຂົ້າໃຈຕາມການສະເໜີຂອງທ່ານ, ພ້ອມທັງຮຽກຮ້ອງ ແລະ ສະເໜີ ໃຫ້ຂະແໜງການທີ່ກ່ຽວຂ້ອງ ດຳເນີນມາດຕະການ ຕາມກົດໝາຍສື່ມວນຊົນຂອງລາວ, ພ້ອມທັງໄດ້ຮຽກຮ້ອງໃຫ້ນັກຂ່າວ ຂອງໂທລະພາບຊ່ອງ Sping News ທັງສອງຄົນ ຈົ່ງອອກມາສະແດງ ຄວາມຮັບຜິດຊອບ ແລະ ສະແດງຄວາມຂໍໂທດ ຕໍ່ປະຊາຊົນລາວ ທີ່ໄດ້ອອກຂ່າວ ວິຈານບິດເບືອນ ແລະ ບໍ່ຖືກຕ້ອງຕາມ ຄວາມເປັນຈິງ.

ທີ່​ມາ: ຂ​ປ​ລ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),