ບູຮານອາຈານລາວ ເພິ່ນກ່າວໄວ້ວ່າ ສົງ 14 ນາລີ 11 ສົມລົດ 7 ເຜົາສົບ 15 ນັ້ນ ບໍ່ດີເລີຍ, ຫ້າມເຮັດພິທີມຸງຄຸນເດັດຂາດ ຄວາມໝາຍມັນຄື:
- ຄຳວ່າສົງ 14 ບໍ່ໄດ້ໝາຍເຖິງຈຳນວນພະສົງ 14 ຕົນ ແຕ່ໝາຍຄວາມວ່າ ຫ້າມກະທຳກິດຈະການທຸກຢ່າງກ່ຽວກັບສົງ ທີ່ກົງກັບວັນຂຶ້ນ ຫຼືແຮມ 14 ຄ່ຳ ເຊັ່ນ: ບວດນາກ, ຂຶ້ນບ້ານໃໝ່, ໄປຖອດກະຖິນ ອິຫຍັງກໍແລ້ວແຕ່ ມື້ນີ້, ຖ້າເຮັດກິດກ່ຽວກັບສົງ ຈະເກີດໄພພິບັດໃນຊີວິດ.
- ຄຳວ່ານາລີ 11 ບໍ່ໄດ້ໝາຍເຖິງຜູ້ຍິງ 11 ຄົນ ແຕ່ທ່ານໝາຍຄວາມວ່າ ວັນຂຶ້ນ ຫຼືແຮມ 11 ຄ່ຳນັ້ນ; ຫ້າມເຮັດງານມຸງຄຸນ ກ່ຽວກັບສະຕີທຸກປະເພດ ແລະທຸກໄວ.
- ຄຳວ່າສົມລົດ 7 ບໍ່ໄດ້ໝາຍຄວາມວ່າ 7 ຄູ່ ແຕ່ໝາຍຄວາມວ່າ ວັນຂຶ້ນ ຫຼືແຮມ 7 ຄ່ຳ ໂດຍສະເພາະຂຶ້ນ 7 ຄ່ຳ ຖ້າກົງກັບວັນສຸກ ທ່ານຫ້າມເຮັດພິທີມຸງຄົນສົມລົດ ຖ້າບໍ່ກົງກັບມື້ນີ້ ກໍບໍ່ເປັນຫຍັງ?.
- ປົງສົບ 15 ບໍ່ໄດ້ໝາຍຄວາມວ່າ ຄົນໄປຮ່ວມງານສົບ 15 ຄົນ ແຕ່ໝາຍຄວາມວ່າ ວັນຂຶ້ນ ຫຼື ແຮມ 15 ຄ່ຳ ເປັນວັນທຳມັດສະວະນະ ແລະວັນອຸໂປສົດ; ຫ້າມເຜົາສົບເດັດຂາດ ໂດຍສະເພາະຢ່າງຍິ່ງຖ້າກົງກັບວັນສຸກ ເປັນວັນກົງກັບວັນປົງພະສົບຂອງພະສຳມາສຳພຸດທະເຈົ້າແລ້ວ ບູຮານທ່ານຫ້າມເດັດຂາດເລີຍ ບໍ່ດີແລ.