​ຍ້ອນ​ເຫດ​ຜົນ​ນີ້! ສະ​ພາ​ຈຶ່ງ​ເຫັນ​ດີ ໃຫ້​ມີ​ກົດ​ໝາຍ​ວ່າ​ດ້​ວຍ​ການ​ລົດ​ໄຟ

ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 6 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ເມື່ອ​ທ້າຍ​ອາ​ທິດ​ຜ່ານ​ມາ, ສະ­ມາ­ຊິກ​ສະ­ພາ​ແຫ່ງ​ຊາດ (ສສຊ) ໄດ້​ຮັບ­ຮອງ​ເອົາ​ຮ່າງ​ກົດ­ໝາຍ​ວ່າ​ດ້ວຍ​ການ​ລົດ­ໄຟ (ສ້າງ​ໃໝ່) ດ້ວຍ​ຄະ­ແນນ​ສຽງ​ເປັນ​ສ່ວນ​ຫຼາຍ ໂດຍ​ເປັນ​ປະ­ທານ​ຂອງ​ທ່ານ ສົມ​ພັນ ແພງ​ຄຳ​ມີ ຮອງ​ປະ­ທານ​ສະ­ພາ​ແຫ່ງ​ຊາດ.

 ການ​ລົດ­ໄຟ​ແມ່ນ​ຂະ​ບວນ​ການ​ວາງ​ແຜນ ສຳ​ຫຼວດ ອອກ​ແບບ ກໍ່­ສ້າງ ບູ­ລະ­ນະ​ສ້ອມ­ແປງ ແລະ ຄຸ້ມ​ຄອງ​ໂຄງ​ລ່າງ​ພື້ນ­ຖານ ການ​ປະ­ກອບ ແລະ ຕິດ​ຕັ້ງ​ສິ່ງ​ອຳ­ນວຍ​ຄວາມ​ສະ­ດວກ​ກ່ຽວ​ກັບ​ທາງ​ລົດ­ໄຟ ການ​ຄວບ​ຄຸມ ການ​ແລ່ນ​ລົດ­ໄຟ ການ​ຂົນ­ສົ່ງ​ຜູ້­ໂດຍ­ສານ ສິນ­ຄ້າ ທຸ­ລະ​ກິດ​ການ​ລົດ­ໄຟ ແລະ ການ​ບໍ­ລິ­ການ​ອື່ນໆ​ກ່ຽວ​ກັບ​ການ​ລົດ­ໄຟ ຮ່າງ​ກົດ­ໝາຍ​ວ່າ​ດ້ວຍ​ການ​ລົດ­ໄຟ​ສະ­ບັບ​ນີ້​ກຳ­ນົດ ຫຼັກ­ການ ລະ­ບຽບ​ການ ແລະ ມາດ​ຕະ­ການ​ກ່ຽວ​ກັບ​ການ​ຄຸ້ມ​ຄອງ ຕິດ­ຕາມ ກວດ­ກາ​ວຽກ​ງານ​ການ​ລົດ­ໄຟ ເພື່ອ​ໃຫ້​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ດັ່ງ­ກ່າວ​ມີ​ປະ­ສິດ­ທິ­ພາບ ປະ​ສິດ­ທິ​ຜົນ ທັນ​ສະ­ໄໝ ຍືນ​ຍົງ ແລະ ເປັນ​ມິດ​ກັບ​ສິ່ງ­ແວ­ດລ້ອມ ແນ­ໃສ່​ຮັບ­ປະ­ກັນ​ໃຫ້­ການ​ດຳ­ເນີນ​ກິດ­ຈະ­ການ​ການ​ລົດ­ໄຟ ແລະ ການ​ຂົນ­ສົ່ງ​ທາງ​ລົດ­ໄຟ​ມີ​ຄວາມ​ສະ­ດວກ ໂລ່ງ​ລ່ຽນ ວ່ອງ­ໄວ ເປັນ​ລະ­ບຽບ​ຮຽບ​ຮ້ອຍ ປອດ​ໄພ ສາ­ມາດ​ເຊື່ອມ​ຈອດ ເຊື່ອມ​ໂຍງ​ກັບ​ພາກ​ພື້ນ ແລະ ສາ­ກົນ ປະ­ກອບ­ສ່ວນ​ເຂົ້າ​ໃນ​ວຽກ​ງານ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະ­ຫງົບ ແລະ ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ຊາດ ສຳ­ລັບ​ຮ່າງ​ກົດ­ໝາຍ​ວ່າ​ດ້ວຍ​ການ​ລົດ­ໄຟ (ສ້າງ​ໃໝ່) ມີ​ທັງ​ໝົດ 14 ພາກ 21 ໝວດ ແລະ 165 ມາດ­ຕາ.

ທ່ານ ບຸນ​ຈັນ ສິນ​ທະ​ວົງ ລັດ­ຖະ­ມົນ­ຕີ​ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ ໄດ້​ກ່າວ​ວ່າ: ຮ່າງ​ກົດ­ໝາຍ​ວ່າ​ດ້ວຍ​ການ​ລົດ­ໄຟ ຖ້າ​ຫາກ​ໄດ້​ຮັບ­ຮອງ ແລະ ປະ­ກາດ​ນຳ​ໃຊ້​ຈະ​ໄດ້​ຮັບ​ຜົນ​ປະ­ໂຫຍດ ຄື: ເປັນ​ການ­ຈັດ­ຕັ້ງ​ຜັນ​ຂະ­ຫຍາຍ​ແນວ­ທາງ​ນະ­ໂຍ­ບາຍ​ຂອງ​ພັກ ແລະ ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ລັດ­ຖະ­ບານ ໃນ​ການ​ເຊື່ອມ​ໂຍງ​ເຊື່ອມ​ຈອດ​ກັບ​ສາ­ກົນ ແລະ ພາກ​ພື້ນ ປະ­ຕິ­ບັດ​ນະ­ໂຍ­ບາຍ​ຫັນ​ຈາກ​ປະ­ເທດ​ບໍ່​ມີ​ຊາຍ​ແດນ​ຕິດ​ກັບ​ທະ­ເລ ກາຍ­ເປັນ​ປະ­ເທດ​ບໍ­ລິ­ການ​ທາງ​ຜ່ານ ທາງ​ດ້ານ​ຄົມ­ມະ­ນາ­ຄົມ​ຂົນ­ສົ່ງ ເວົ້າ​ລວມ ເວົ້າ​ສະ­ເພາະ ການ​ພັດ­ທະ­ນາ​ທາງ​ລົດ­ໄຟ​ໃຫ້​ປາ­ກົດ​ຜົນ​ເປັນ​ຈິງ ເຮັດ​ໃຫ້​ຕົ້ນ​ທຶນ​ການ​ຂົນ­ສົ່ງ​ສິນ­ຄ້າ​ຫຼຸດ​ລົງ ລາ­ຄາ​ສິນ­ຄ້າ​ຂອງ​ລາວ ສາ­ມາດ​ແຂ່ງ­ຂັນ​ກັບ​ສາ­ກົນ​ໄດ້​ໃນ​ລະ­ດັບ​ໃດ​ໜຶ່ງ​ທີ່​ຈຳ­ເປັນ ເປັນ​ເຄື່ອງ­ມື​ໃນ​ການ​ຄຸ້ມ​ຄອງ​ວຽກ​ງານ​ການ​ລົດ­ໄຟ ເພື່ອ​ຮອງ​ຮັບ​ການ​ພັດ­ທະ­ນາ​ທາງ​ລົດ­ໄຟ​ໃນ​ສະ­ເພາະ​ໜ້າ ແລະ ຍາວ​ນານ ໃຫ້​ສອດ­ຄ່ອງ​ກັບ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ກໍ່​ຄື ແຜນ​ພັດ­ທະ­ນາ​ວຽກ​ງານ​ການ​ລົດ­ໄຟ​ໃຫ້​ມີ​ປະ­ສິດ­ທິ­ພາບ ປະ​ສິດ­ທິ​ຜົນ ສາ­ມາດ​ເຊື່ອມ​ໂຍງ ເຊື່ອມ​ຈອດ​ກັບ​ພາກ​ພື້ນ ແລະ ສາ­ກົນ ສ້າງ​ເງື່ອນ­ໄຂ​ອຳ­ນວຍ​ຄວາມ​ສະ­ດວກ​ໃຫ້​ແກ່​ການ​ສົ່ງ­ເສີມ​ການ​ຄ້າ ແລະ ການ​ລົງ­ທຶນ​ໃສ່​ໂຄງ­ການ​ພັດ­ທະ­ນາ​ທາງ​ລົດ­ໄຟ​ພາຍ​ໃນ​ປະ­ເທດ​ໃຫ້​ຫຼາຍ​ຂຶ້ນ ເປັນ​ການ​ສ້າງ​ຖານ​ລາຍ​ຮັບ​ໃໝ່​ໃຫ້​ແກ່​ປະ­ເທດ​ຢ່າງ​ໝັ້ນ­ຄົງ ແລະ ເພື່ອ​ເຮັດ​ໃຫ້­ການ​ຄຸ້ມ​ຄອງ ແລະ ການ​ບໍ­ລິ­ຫານ​ວຽກ​ງານ​ການ​ລົດ­ໄຟ​ມີ​ກົນ​ໄກ​ການ​ບໍ­ລິ­ການ​ທີ່​ມີ​ຄວາມ​ສະ­ດວກ ວ່ອງ­ໄວ ມີ​ປະ­ສິດ­ທິ­ພາບ ປະ​ສິດ­ທິ​ຜົນ ແລະ ສ້າງ​ຄວາມ​ໜ້າ​ເຊື່ອ​ຖື​ໃຫ້​ແກ່​ນັກ​ລົງ­ທຶນ​ພາຍ​ໃນ ແລະ ຕ່າງ­ປະ­ເທດ.

ພາຍ­ຫຼັງ ສສຊ ໄດ້​ໄປ​ຜັດ­ປ່ຽນ​ກັນ​ຂຶ້ນ​ປະ­ກອບ​ຄຳ​ຄິດ​ຄຳ​ເຫັນ​ຢ່າງ​ສ້າງ­ສັນ ກົງ​ໄປ​ກົງ​ມາ ເພື່ອ​ເຮັດ​ໃຫ້​ຢູ່​ແຕ່​ລະ​ມາດ­ຕາ​ຂອງ​ກົດ­ໝາຍ​ມີ​ເນື້ອ​ຫາ​ຄົບ​ຖ້ວນ ແລະ ຊັດ​ເຈນ​ຂຶ້ນ​ກວ່າ​ເກົ່າ ເປັນ­ຕົ້ນ ການ​ອະ­ທິ­ບາຍ​ຄຳ​ສັບ​ໃຫ້​ລະ­ອຽດ​ຂຶ້ນ​ຕື່ມ ການ​ເລືອກ­ເຟັ້ນ​ມາດ­ຖານ​ພະ­ນັກ­ງານ ສິດ​ໜ້າ­ທີ່​ຄວາມ​ຮັບ­ຜິດ­ຊອບ​ຂອງ​ເຈົ້າ​ໜ້າ­ທີ່​ຕຳ­ຫຼວດ ຫຼື ພະ­ນັກ­ງານ​ທາງ​ລົດ­ໄຟ ການ​ຈັດ​ຕາ­ຕະ­ລາງ​ເດີນ­ທາງ​ລົດ­ໄຟ ການ​ເວັ້ນ​ພື້ນ​ທີ່​ເຂດ​ສະ­ຫງວນ​ຂ້າງ​ລະ 50 ແມັດ ຫຼີກ​ລ່ຽງ​ຜົນ​ກະ­ທົບ​ເນື້ອ­ທີ່​ທຳ​ມາ​ຫາ​ກິນ​ຂອງ​ປະ­ຊາ­ຊົນ ຄ່າ​ຊົດ​ເຊີຍ​ເນື້ອ­ທີ່​ດິນ​ທີ່​ຖືກ​ຜົນ​ກະ­ທົບ​ໂຄງ­ການ​ກໍ່­ສ້າງ​ໃຫ້​ປະ­ຊາ­ຊົນ​ຢ່າງ​ສົມ​ເຫດ​ສົມ​ຜົນ ການ​ອະ­ນຸ­ຍາດ​ນຳ​ສົ່ງ​ສິນ­ຄ້າ​ແຕ່​ລະ​ປະ­ເພດ ຕ້ອງ​ມີ​ການ​ຄວບ​ຄຸມ​ຢ່າງ​ລະ­ອຽດ​ເພື່ອ​ຄວາມ​ປອດ​ໄພ ຕ້ອງ​ມີ​ອົງ­ການ​ກວດ​ສອບ​ພາຍ​ໃນ ເຕັກ­ນິກ ແລະ ຄວາມ​ປອດ​ໄພ​ທາງ​ລົດ­ໄຟ​ຕ້ອງ​ມີ​ມາດ­ຕະ­ຖານ​ສູງ​ສຸດ ການ​ຄວບ​ຄຸມ​ບັນ­ຫາ​ສິ່ງ­ແວ­ດລ້ອມ ແລະ ອື່ນໆ.

  • ທີ່​ມາ: ວຽງ​ຈັນ​ໃໝ່

ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 6 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ເມື່ອ​ທ້າຍ​ອາ​ທິດ​ຜ່ານ​ມາ, ສະ­ມາ­ຊິກ​ສະ­ພາ​ແຫ່ງ​ຊາດ (ສສຊ) ໄດ້​ຮັບ­ຮອງ​ເອົາ​ຮ່າງ​ກົດ­ໝາຍ​ວ່າ​ດ້ວຍ​ການ​ລົດ­ໄຟ (ສ້າງ​ໃໝ່) ດ້ວຍ​ຄະ­ແນນ​ສຽງ​ເປັນ​ສ່ວນ​ຫຼາຍ ໂດຍ​ເປັນ​ປະ­ທານ​ຂອງ​ທ່ານ ສົມ​ພັນ ແພງ​ຄຳ​ມີ ຮອງ​ປະ­ທານ​ສະ­ພາ​ແຫ່ງ​ຊາດ.

 ການ​ລົດ­ໄຟ​ແມ່ນ​ຂະ​ບວນ​ການ​ວາງ​ແຜນ ສຳ​ຫຼວດ ອອກ​ແບບ ກໍ່­ສ້າງ ບູ­ລະ­ນະ​ສ້ອມ­ແປງ ແລະ ຄຸ້ມ​ຄອງ​ໂຄງ​ລ່າງ​ພື້ນ­ຖານ ການ​ປະ­ກອບ ແລະ ຕິດ​ຕັ້ງ​ສິ່ງ​ອຳ­ນວຍ​ຄວາມ​ສະ­ດວກ​ກ່ຽວ​ກັບ​ທາງ​ລົດ­ໄຟ ການ​ຄວບ​ຄຸມ ການ​ແລ່ນ​ລົດ­ໄຟ ການ​ຂົນ­ສົ່ງ​ຜູ້­ໂດຍ­ສານ ສິນ­ຄ້າ ທຸ­ລະ​ກິດ​ການ​ລົດ­ໄຟ ແລະ ການ​ບໍ­ລິ­ການ​ອື່ນໆ​ກ່ຽວ​ກັບ​ການ​ລົດ­ໄຟ ຮ່າງ​ກົດ­ໝາຍ​ວ່າ​ດ້ວຍ​ການ​ລົດ­ໄຟ​ສະ­ບັບ​ນີ້​ກຳ­ນົດ ຫຼັກ­ການ ລະ­ບຽບ​ການ ແລະ ມາດ​ຕະ­ການ​ກ່ຽວ​ກັບ​ການ​ຄຸ້ມ​ຄອງ ຕິດ­ຕາມ ກວດ­ກາ​ວຽກ​ງານ​ການ​ລົດ­ໄຟ ເພື່ອ​ໃຫ້​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ດັ່ງ­ກ່າວ​ມີ​ປະ­ສິດ­ທິ­ພາບ ປະ​ສິດ­ທິ​ຜົນ ທັນ​ສະ­ໄໝ ຍືນ​ຍົງ ແລະ ເປັນ​ມິດ​ກັບ​ສິ່ງ­ແວ­ດລ້ອມ ແນ­ໃສ່​ຮັບ­ປະ­ກັນ​ໃຫ້­ການ​ດຳ­ເນີນ​ກິດ­ຈະ­ການ​ການ​ລົດ­ໄຟ ແລະ ການ​ຂົນ­ສົ່ງ​ທາງ​ລົດ­ໄຟ​ມີ​ຄວາມ​ສະ­ດວກ ໂລ່ງ​ລ່ຽນ ວ່ອງ­ໄວ ເປັນ​ລະ­ບຽບ​ຮຽບ​ຮ້ອຍ ປອດ​ໄພ ສາ­ມາດ​ເຊື່ອມ​ຈອດ ເຊື່ອມ​ໂຍງ​ກັບ​ພາກ​ພື້ນ ແລະ ສາ­ກົນ ປະ­ກອບ­ສ່ວນ​ເຂົ້າ​ໃນ​ວຽກ​ງານ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະ­ຫງົບ ແລະ ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ຊາດ ສຳ­ລັບ​ຮ່າງ​ກົດ­ໝາຍ​ວ່າ​ດ້ວຍ​ການ​ລົດ­ໄຟ (ສ້າງ​ໃໝ່) ມີ​ທັງ​ໝົດ 14 ພາກ 21 ໝວດ ແລະ 165 ມາດ­ຕາ.

ທ່ານ ບຸນ​ຈັນ ສິນ​ທະ​ວົງ ລັດ­ຖະ­ມົນ­ຕີ​ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ ໄດ້​ກ່າວ​ວ່າ: ຮ່າງ​ກົດ­ໝາຍ​ວ່າ​ດ້ວຍ​ການ​ລົດ­ໄຟ ຖ້າ​ຫາກ​ໄດ້​ຮັບ­ຮອງ ແລະ ປະ­ກາດ​ນຳ​ໃຊ້​ຈະ​ໄດ້​ຮັບ​ຜົນ​ປະ­ໂຫຍດ ຄື: ເປັນ​ການ­ຈັດ­ຕັ້ງ​ຜັນ​ຂະ­ຫຍາຍ​ແນວ­ທາງ​ນະ­ໂຍ­ບາຍ​ຂອງ​ພັກ ແລະ ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ລັດ­ຖະ­ບານ ໃນ​ການ​ເຊື່ອມ​ໂຍງ​ເຊື່ອມ​ຈອດ​ກັບ​ສາ­ກົນ ແລະ ພາກ​ພື້ນ ປະ­ຕິ­ບັດ​ນະ­ໂຍ­ບາຍ​ຫັນ​ຈາກ​ປະ­ເທດ​ບໍ່​ມີ​ຊາຍ​ແດນ​ຕິດ​ກັບ​ທະ­ເລ ກາຍ­ເປັນ​ປະ­ເທດ​ບໍ­ລິ­ການ​ທາງ​ຜ່ານ ທາງ​ດ້ານ​ຄົມ­ມະ­ນາ­ຄົມ​ຂົນ­ສົ່ງ ເວົ້າ​ລວມ ເວົ້າ​ສະ­ເພາະ ການ​ພັດ­ທະ­ນາ​ທາງ​ລົດ­ໄຟ​ໃຫ້​ປາ­ກົດ​ຜົນ​ເປັນ​ຈິງ ເຮັດ​ໃຫ້​ຕົ້ນ​ທຶນ​ການ​ຂົນ­ສົ່ງ​ສິນ­ຄ້າ​ຫຼຸດ​ລົງ ລາ­ຄາ​ສິນ­ຄ້າ​ຂອງ​ລາວ ສາ­ມາດ​ແຂ່ງ­ຂັນ​ກັບ​ສາ­ກົນ​ໄດ້​ໃນ​ລະ­ດັບ​ໃດ​ໜຶ່ງ​ທີ່​ຈຳ­ເປັນ ເປັນ​ເຄື່ອງ­ມື​ໃນ​ການ​ຄຸ້ມ​ຄອງ​ວຽກ​ງານ​ການ​ລົດ­ໄຟ ເພື່ອ​ຮອງ​ຮັບ​ການ​ພັດ­ທະ­ນາ​ທາງ​ລົດ­ໄຟ​ໃນ​ສະ­ເພາະ​ໜ້າ ແລະ ຍາວ​ນານ ໃຫ້​ສອດ­ຄ່ອງ​ກັບ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ກໍ່​ຄື ແຜນ​ພັດ­ທະ­ນາ​ວຽກ​ງານ​ການ​ລົດ­ໄຟ​ໃຫ້​ມີ​ປະ­ສິດ­ທິ­ພາບ ປະ​ສິດ­ທິ​ຜົນ ສາ­ມາດ​ເຊື່ອມ​ໂຍງ ເຊື່ອມ​ຈອດ​ກັບ​ພາກ​ພື້ນ ແລະ ສາ­ກົນ ສ້າງ​ເງື່ອນ­ໄຂ​ອຳ­ນວຍ​ຄວາມ​ສະ­ດວກ​ໃຫ້​ແກ່​ການ​ສົ່ງ­ເສີມ​ການ​ຄ້າ ແລະ ການ​ລົງ­ທຶນ​ໃສ່​ໂຄງ­ການ​ພັດ­ທະ­ນາ​ທາງ​ລົດ­ໄຟ​ພາຍ​ໃນ​ປະ­ເທດ​ໃຫ້​ຫຼາຍ​ຂຶ້ນ ເປັນ​ການ​ສ້າງ​ຖານ​ລາຍ​ຮັບ​ໃໝ່​ໃຫ້​ແກ່​ປະ­ເທດ​ຢ່າງ​ໝັ້ນ­ຄົງ ແລະ ເພື່ອ​ເຮັດ​ໃຫ້­ການ​ຄຸ້ມ​ຄອງ ແລະ ການ​ບໍ­ລິ­ຫານ​ວຽກ​ງານ​ການ​ລົດ­ໄຟ​ມີ​ກົນ​ໄກ​ການ​ບໍ­ລິ­ການ​ທີ່​ມີ​ຄວາມ​ສະ­ດວກ ວ່ອງ­ໄວ ມີ​ປະ­ສິດ­ທິ­ພາບ ປະ​ສິດ­ທິ​ຜົນ ແລະ ສ້າງ​ຄວາມ​ໜ້າ​ເຊື່ອ​ຖື​ໃຫ້​ແກ່​ນັກ​ລົງ­ທຶນ​ພາຍ​ໃນ ແລະ ຕ່າງ­ປະ­ເທດ.

ພາຍ­ຫຼັງ ສສຊ ໄດ້​ໄປ​ຜັດ­ປ່ຽນ​ກັນ​ຂຶ້ນ​ປະ­ກອບ​ຄຳ​ຄິດ​ຄຳ​ເຫັນ​ຢ່າງ​ສ້າງ­ສັນ ກົງ​ໄປ​ກົງ​ມາ ເພື່ອ​ເຮັດ​ໃຫ້​ຢູ່​ແຕ່​ລະ​ມາດ­ຕາ​ຂອງ​ກົດ­ໝາຍ​ມີ​ເນື້ອ​ຫາ​ຄົບ​ຖ້ວນ ແລະ ຊັດ​ເຈນ​ຂຶ້ນ​ກວ່າ​ເກົ່າ ເປັນ­ຕົ້ນ ການ​ອະ­ທິ­ບາຍ​ຄຳ​ສັບ​ໃຫ້​ລະ­ອຽດ​ຂຶ້ນ​ຕື່ມ ການ​ເລືອກ­ເຟັ້ນ​ມາດ­ຖານ​ພະ­ນັກ­ງານ ສິດ​ໜ້າ­ທີ່​ຄວາມ​ຮັບ­ຜິດ­ຊອບ​ຂອງ​ເຈົ້າ​ໜ້າ­ທີ່​ຕຳ­ຫຼວດ ຫຼື ພະ­ນັກ­ງານ​ທາງ​ລົດ­ໄຟ ການ​ຈັດ​ຕາ­ຕະ­ລາງ​ເດີນ­ທາງ​ລົດ­ໄຟ ການ​ເວັ້ນ​ພື້ນ​ທີ່​ເຂດ​ສະ­ຫງວນ​ຂ້າງ​ລະ 50 ແມັດ ຫຼີກ​ລ່ຽງ​ຜົນ​ກະ­ທົບ​ເນື້ອ­ທີ່​ທຳ​ມາ​ຫາ​ກິນ​ຂອງ​ປະ­ຊາ­ຊົນ ຄ່າ​ຊົດ​ເຊີຍ​ເນື້ອ­ທີ່​ດິນ​ທີ່​ຖືກ​ຜົນ​ກະ­ທົບ​ໂຄງ­ການ​ກໍ່­ສ້າງ​ໃຫ້​ປະ­ຊາ­ຊົນ​ຢ່າງ​ສົມ​ເຫດ​ສົມ​ຜົນ ການ​ອະ­ນຸ­ຍາດ​ນຳ​ສົ່ງ​ສິນ­ຄ້າ​ແຕ່​ລະ​ປະ­ເພດ ຕ້ອງ​ມີ​ການ​ຄວບ​ຄຸມ​ຢ່າງ​ລະ­ອຽດ​ເພື່ອ​ຄວາມ​ປອດ​ໄພ ຕ້ອງ​ມີ​ອົງ­ການ​ກວດ​ສອບ​ພາຍ​ໃນ ເຕັກ­ນິກ ແລະ ຄວາມ​ປອດ​ໄພ​ທາງ​ລົດ­ໄຟ​ຕ້ອງ​ມີ​ມາດ­ຕະ­ຖານ​ສູງ​ສຸດ ການ​ຄວບ​ຄຸມ​ບັນ­ຫາ​ສິ່ງ­ແວ­ດລ້ອມ ແລະ ອື່ນໆ.

  • ທີ່​ມາ: ວຽງ​ຈັນ​ໃໝ່
Bounsong InsideLaos
Bounsong InsideLaoshttp://insidelaos.com
Online Journalists at insidelaos.com.

More from author

Related posts

Advertismentspot_img

Latest posts

ການໃຊ້ຊີວິດຍຸກໃໝ່ ຮູ້ຈັກຄົນປະເພດ Introvert ແລະ Extrovert

ສັງຄົມເຮົາໃນປັດຈຸບັນ ໄດ້ແບ່ງອອກເປັນຫຼາຍກຸ່ມຄົນ ເຊິ່ງການທຳຄວາມເຂົ້າໃຈໃນການໃຊ້ຊີວິດຂອງແຕ່ລະກຸ່ມນັ້ນ ຈະຊ່ວຍໃຫ້ເຮົາເຂົ້າໃຈຄົນອື່ນໄດ້ຫຼາຍຂຶ້ນ, ເຊິ່ງມື້ນີ້ເຮົາຈະມາທຳຄວາມຮູ້ຈັກກັົບ 2 ປະເພດກຸ່ມຄົນ Introvert ແລະ Extrovert.

ເປີດຫໍພິພິທະພັນ ຊີວະນານາພັນ ນໍ້າກັດຢໍລະປ່າ

ທ່ານ ສົມເພັດ ມ້າວປະເສີດ, ຜູ້ພັດທະນາແຫຼ່ງທ່ອງທ່ຽວທາງທຳມະຊາດ ຢໍລະປາ ແບບອະນຸລັກ ເພື່ອອະນຸລັກສັດປ່າ ແລະ ປ້ອງກັນການລ່າສັດຕ່າງໆ. ຈາກຄວາມພະຍາຍາມຂອງເພິ່ນຈຶ່ງໄດ້ນຳໄປສູ່ຄວາມສຳເລັດອີກບາດກ້າວໜຶ່ງ ໂດຍການເປີດຫໍພິພິທະພັນຊີວະນານາພັນນ້ຳກັດຢໍລາປ່າ, ເຊິ່ງເປັນເຄື່ອງໝາຍທີ່ສຳຄັນແຫ່ງການອະນຸລັກ ແລະ ຄວາມຍືນຍົງຂອງຂອບເຂດຢໍລະປາ.

ວັດໂພນພະເນົາ ວັດສະໄໝພຣະເຈົ້າວໍຣະວົງສາ

ດໂພນພະເນົາ (ວັດດອນພະເນົາ) ຕັ້ງຢູ່ບ້ານ ໂພນພະເນົາ, ເມືອງໄຊເສດຖາ, ນະຄອນຫຼວງວຽງຈັນ. ຕາມປະຫວັດໄດ້ກ່າວໄວ້ວ່າ: ວັດນີ້ສ້າງຂຶ້ນໃນຊຸມປີ ຄ.ສ 1599 ສະໄໝ ພຣະເຈົ້າວໍຣະວົງສາ ທັມມິກະຣາດ ເປັນວັດປະຈຳພຣະອົງ.

Want to stay up to date with the latest news?

We would love to hear from you! Please fill in your details and we will stay in touch. It's that simple!