ໃນວັນທີ 25 ທັນວາ 2018 ທີ່ຫໍວັດທະນະທຳແຫ່ງຊາດ ນະຄອນຫລວງວຽງຈັນ, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດພິທີ ປາຖະກະຖາ ວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ (20 ມັງກອນ 1949-20 ມັງກອນ 2019), ໂດຍໃຫ້ກຽດປາຖະກະຖາ ຂອງທ່ານ ພົນຈັດຕະວາ ຜາລົມ ລິນທອງ ຮອງຫົວໜ້າກົມໃຫຍ່ການເມືອງກອງທັບ, ມີ ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ພ້ອມດ້ວຍພະນັກງານ-ລັດຖະກອນ, ວິຊາການອ້ອມຂ້າງກະຊວງ, ພະນັກງານຫລັກແຫລ່ງ ແລະ ພາກສ່ວນກ່ຽວຂ້ອງເຂົ້າຮ່ວມ. ການປາຖະກະຖາດັ່ງກ່າວ, ກໍເພື່ອໃຫ້ບັນດາພະນັກງານພາຍໃນກະຊວງ ໄດ້ຮັບຮູ້, ເຂົ້າໃຈ ແລະ ສືບຕໍ່ຜັນຂະຫຍາຍມູນເຊື້ອ ອັນດີງາມຂອງກອງທັບປະຊາຊົນປະຕິວັດລາວ.
ທີ່ມາ: ຂປລ