ຫ້ອງວ່າການສູນກາງພັກ ໄດ້ອອກແຈ້ງການໃນທົ່ວປະເທດ ບໍ່ໃຫ້ຈັດຕັ້ງລະດົມທຶນສົມ ທົບ ໃນຂະບວນການ ສະເຫລີມສະຫລອງວັນສ້າງຕັ້ງ ກອງທັບປະຊາຊົນປະຕິວັດລາວ ຄົບຮອບ 70 ປີ, ໂດຍປະຕິບັດຕາມແຈ້ງການເລກທີ 400/ຫສພ ລົງວັນທີ 20 ທັນວາ 2018 ແລະ ປະຕິບັດຕາມຈິດໃຈຊີ້ນຳ ຂອງກົມການເມືອງສູນກາງພັກ ກ່ຽວກັບການສະເຫລີມສະຫລອງວັນດັ່ງກ່າວ ແລະ ການຊີ້ນຳເພີ່ມເຕີມ ຂອງສະຫາຍເລຂາທິການໃຫຍ່ ຄະນະບໍລິຫານງານສູນກາງພັກ ຄັ້ງວັນທີ 19 ທັນວາ 2018.
ເນື່ອງຈາກສະພາບເສດຖະກິດ-ການເງິນ-ງົບປະມານ ຂອງປະເທດເຮົາຢູ່ໃນສະພາບທີ່ຫຍຸ້ງຍາກ ບວກກັບເກີດໄພພິບັດອັນໜັກໜ່ວງ. ສະນັ້ນ, ການສະເຫລີມສະຫລອງວັນສ້າງຕັ້ງກອງທັບປະ ຊາຊົນປະຕິວັດລາວ ຄົບ ຮອບ 70 ປີ ແລະ ການສະເຫລີມສະຫລອງວັນສຳຄັນອື່ນໆ ຂອງພັກ, ຂອງຊາດ ໃຫ້ເນັ້ນດ້ານເນື້ອໃນເປັນຫລັກ, ບົນຈິດໃຈປະຢັດສູງສຸດ, ການໃຊ້ຈ່າຍເຂົ້າໃນການສະເຫລີມສະຫລອງ ແມ່ນບໍ່ເກີນຈຳນວນງົບປະມານທີ່ລັດຖະບານໄດ້ອະນຸມັດແລ້ວ ແລະ ບໍ່ໃຫ້ຈັດຕັ້ງການລະດົມທຶນສົມທົບຕື່ມອີກ. ຖ້າແຂວງໃດ ຫລື ການຈັດຕັ້ງຂັ້ນໃດ ຫາກໄດ້ມີການລະດົມການປະກອບສ່ວນຈາກສັງຄົມ ແມ່ນໃຫ້ແຈ້ງໂຈະການປະຕິບັດ, ສ່ວນເງິນທີ່ລະດົມໄດ້ແລ້ວ ກໍໃຫ້ສົ່ງຄືນເຂົາເຈົ້າ.
ທີ່ມາ: ຂປລ
Hits: 9
