ໃນປີ 2018 ທົ່ວນະຄອນຫລວງວຽງຈັນ (ນວ) ມີອຸບັດຕິເຫດເກີດຂຶ້ນ 1.223 ກໍລະນີ ມີຜູ້ເສຍຊີວິດ 238 ຄົນ ທຽບໃສ່ປີຜ່ານມາ ຫລຸດລົງ 324 ກໍລະນີ, ຜູ້ເສຍຊີວິດຫລຸດລົງ 13 ຄົນ ໃນນີ້ ເກີດຫລາຍກວ່າໝູ່ ແມ່ນ ເມືອງໄຊທານີ ລວມມູນຄ່າຄວາມເສຍຫາຍ 8,69 ຕື້ກີບ.
ອຸບັດຕິເຫດທີ່ເກີດແຕ່ລະຄັ້ງ ເຮັດໃຫ້ມີຜູ້ໄດ້ຮັບບາດເຈັບເລັກນ້ອຍ 397 ຄົນ, ສົມຄວນ 868 ຄົນ, ສາຫັດ 257 ຄົນ, ພາຫະນະເປ່ເພ ເລັກນ້ອຍ 983 ຄັນ, ສົມຄວນ 1.439 ຄັນ, ໃຊ້ການບໍ່ໄດ້ 24 ຄັນ, ຜູ້ຂັບໄດ້ຮັບບາດເຈັບເລັກນ້ອຍ 340 ຄົນ, ສົມຄວນ 494 ຄົນ, ສາຫັດ 220 ຄົນ, ເສຍຊີວິດ 188 ຄົນ, ຜູ້ຊ້ອນທ້າຍ ໄດ້ຮັບບາດເຈັບເລັກນ້ອຍ 64 ຄົນ, ສົມຄວນ 163 ຄົນ, ສາຫັດ 26 ຄົນ, ເສຍຊີວິດ 24 ຄົນ. ນອກນີ້ ຍັງມີລົດຕຳຄົນຍ່າງເສຍຊີວິດ 8 ຄົນ ໃນນັ້ນ, ເມືອງທີ່ມີອຸບັດຕິເຫດເກີດຂຶ້ນຫລາຍກວ່າໝູ່ແມ່ນ ເມືອງໄຊທານີ 301 ຄັ້ງ, ຮອງລົງມາແມ່ນ ເມືອງສີສັດຕະນາກ165 ຄັ້ງ, ເມືອງໄຊເຊດຖາ 165 ຄັ້ງ, ເມືອງສີໂຄດຕະບອງ 162 ຄັ້ງ, ເມືອງຈັນທະບູລີ 157 ຄັ້ງ, ເມືອງຫາດຊາຍຟອງ 147 ຄັ້ງ, ເມືອງນາຊາຍທອງ 78 ຄັ້ງ, ເມືອງປາກງື່ມ 16 ຄັ້ງ ແລະ ເມືອງສັງທອງ 32 ຄັ້ງ.
ສາເຫດຕົ້ນຕໍ ຂອງການເກີດອຸບັດຕິເຫດ ແມ່ນຍ້ອນເມົາແລ້ວຂັບ, ຂັບລົດໄວເກີນກຳນົດ, ລ້ຽວຊ້າຍ-ຂວາ ບໍ່ຮັບປະກັນຄວາມປອດໄພ, ຂາດທັກສະຈິດສຳນຶກ ຂັບຂີ່ປອດໄພ ແລະ ອື່ນໆ.
ທີ່ມາ: ຂປລ
