ກອງປະຊຸມຄົບຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າສະພາປະຊາຊົນແຂວງໄຊຍະບູລີ, ໄດ້ຈັດຂຶ້ນໃນມື້ວານນີ້ ຢູ່ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງ, ໂດຍການເປັນປະທານຂອງທ່ານ ນາງ ວິລະພອນ ທອງພິມ ຄະນະປະຈຳສະພາປະຊາຊົນແຂວງ ປະທານຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າ, ເປັນກຽດເຂົ້າຮ່ວມຂອງທ່ານ ນາງ ອິດມະນີ ຈັນທະຄຸນ ຮອງປະທານສະພາປະຊາຊົນແຂວງໄຊຍະບູລີ, ມີສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ, ຫົວໜ້າ, ຮອງຫົວໜ້າພະແນກການ, ອົງການ, ແຂກຖືກເຊີນຕະຫລອດຮອດພະນັກງານລັດຖະກອນຂົງເຂດວັດທະນະທຳ-ສັງຄົມເຂົ້າຮ່ວມ.
ໃນກອງປະຊຸມທ່ານ ນາງ ວິລະພອນ ທອງພິມ ຄະນະປະຈຳສະພາປະຊາຊົນແຂວງ ປະທານຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າ ໄດ້ກ່າວເປີດກອງປະຊຸມຢ່າງເປັນທາງການ, ໃນກອງປະຊຸມຄັ້ງນີ້ແມ່ນຈະໄດ້ສຸມໃສ່ຄົ້ນຄ້ວາ, ພິຈາລະນາ, ຕົກລົງບາງບັນຫາທີ່ສຳຄັນ ແລະ ຮັບຟັງການຜ່ານຮ່າງຂໍ້ຕົກລົງວ່າດ້ວຍການປະສານງານລະຫວ່າງຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າກັບບັນດາພະແນກການ, ອົງການໃນຂົງເຂດວັດທະນະທຳ-ສັງຄົມ ແລະ ຂົງເຂດເຜົ່າ.
ຮັບຟັງການລາຍງາຍກ່ຽວກັບການຈັດຕັ້ງປະຕິບັດເປົ້າໝາຍສະຫັດສະຫັວດການດ້ານການພັດທະນາ( MDGs ) ໃນການຈັດຕັ້ງປະຕິບັດຄາດໝາຍສູ້ຊົນ 13 ຕົວຊີ້ບອກໃນຂົງເຂດສຶກສາທິການ ແລະ ກິລາ, ການຈັດຕັ້ງປະຕິບັດຄາດໝາຍສູ້ຊົນ 10 ຕົວຊີວັດ ແລະ ເປົ້າໝາຍສະຫັດສະຫວັດດ້ານການພັດທະນາ( MDGs ) ໃນນີ້ເລັ່ງໃສ່ເປົ້າໝາຍ6, ສະກັດກັ້ນ ແລະ ຕ້ານເຊື້ອ HIV/ AIDS, ມະເລເລຍ ແລະ ພະຍາດຕິດຕໍ່ອື່ນໆໃນຂົງເຂດສາທາລະນະສຸກ.
ການລາຍງາຍກ່ຽວກັບຂໍ້ສະດວກ ແລະ ຂໍ້ຫຍຸ້ງຍາກໃນການຈັດຕັ້ງປະຕິບັດວຽກງານທ່ອງທ່ຽວໃນໄລຍະເປີດປີທ່ອງທ່ຽວ 2018 ຢູ່ແຂວງໄຊຍະບູລີ, ພ້ອມທັງສະເໜີວິທີການ, ມາດຕະການແກ້ໄຂຈາກພະແນກຖະແຫຼງຂ່າວວັດທະນະທຳ ແລະ ທ່ອງທ່ຽວ, ການຈັດຕັ້ງປະຕິບັດນະໂຍບາຍຕໍ່ພະນັກງານປະຕິວັດອາວຸດໂສບຳນານ, ວິລະຊົນແຫ່ງຊາດ, ນັກຮົບແຂ່ງຂັນ ແລະ ພະນັກງານເສຍອົງຄະໃນໄລຍະຕໍ່ສູ້ກູ້ຊາດ ແລະ ໃນໄລຍະປົດປ່ອຍປະເທດຊາດຈາກພະແນກແຮງງານ ແລະ ສະຫວັດດີການສັງຄົມ.
ສະພາບການເຄື່ອນໄຫວສາສະໜາ, ການເຊື່ອຖືງົມງວາຍຂອງເຜົ່າ ແລະ ວິທີການແກ້ໄຂປະກົດການຫຍໍ້ທໍ້ດ້ານສາສະໜາ ແລະ ການເຊື່ອຖືງົມງວາຍຂອງເຜົາຈາກແນວລາວສ້າງຊາດແຂວງ, ຮັບຟັງການລາງາຍກ່ຽວກັບຄວາມຄືບໜ້າໃນການຍົກຍ້າຍ, ຈັດສັນພູມລຳເນົາ ແລະ ອາຊີບຄົງທີໃຫ້ປະຊາຊົນຢູ່ບ້ານນ້ຳພຽງເມືອງບໍ່ແຕນຈາກພະແນກກະສິກຳ ແລະ ປ່າໄມ້ ແລະ ບົດສະຫຼຸບຕິລາຄາສະພາບການເຄື່ອນໄຫວວຽກງານປະຈຳປີ 2018 ແລະ ທິດທາງແຜນການປີ 2019 ຂອງຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າ.
ໃນກອງປະຊຸມຜູ້ເຂົ້າຮ່ວມຍັງພ້ອມກັນປະກອບຄຳຄິດຄຳເຫັນຕໍ່ບັນດາເນື້ອໃນບົດສະຫຼຸບ ແລະ ແກ້ໄຂບັນຫາທີ່ຍັງຄ້າງຄາ, ເພື່ອກະກຽມຄວາມພ້ອມທາງດ້ານເນື້ອໃນໃຫ້ແກ່ກອງປະຊຸມສະໄໝສາມັນເທື່ອທີ6 ຂອງສະພາປະຊາຊົນແຂວງ ແລະ ເປັນການປະກອບສວນສຳຄັນໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງໃນປີ 2019.
ທີ່ມາ: facebook.com/802628553417706
