ໃນມື້ນີ້, ທີ່ໂຮງແຮມລາວພລາຊາ ນະຄອນຫລວງວຽງຈັນ, ໄດ້ມີພິທີນຳສະເໜີບໍລິສັດໃໝ່ ບໍລິສັດ ອີແອນອີ ເອັນຈີເນຍລິ້ງ ແອນເຊີວິດ ຈຳກັດ (E&E) ເພື່ອໃຫ້ການບໍລິການ ຄຸ້ມຄອງການຜະລິດ ແລະ ບຳລຸງຮັກສາເຂື່ອນໄຟຟ້ານ້ຳເທີນ 1 ທີ່ມີກຳລັງຕິດຕັ້ງ 650 mw ທີ່ກຳລັງກໍ່ສ້າງ ເຊິ່ງຄາດວ່າຈະສຳເລັດໃນປີ 2022 ແລະ ເຂື່ອນອື່ນໆ ລວມທັງການໃຫ້ບໍລິການຄຸ້ມຄອງການຜະລິດ ແລະ ບຳລຸງຮັກສາ ໂຮງໄຟຟ້າປະເພດຕ່າງໆ ແລະ ໂຮງງານອຸດສາຫະກຳ ໃນ ສປປ ລາວ.
ນອກຈາກນີ້, ບໍລິສັດດັ່ງກ່າວຍັງບໍລິການວຽກງານອື່ນໆທີ່ຫລາກຫລາຍເປັນຕົ້ນ ບໍລິການສ້ອມແປງຂະໜາດນ້ອຍ ແລະ ໃຫຍ່, ບໍລິການດ້ານວິສາວະກຳ ແລະ ກໍ່ສ້າງ, ບໍລິການສ້ອມແປງໄລຍະຍາວ, ແລະ ບໍລິການຝຶກອົບຮົມດ້ານເຕັກນິກ.
ທີ່ມາ: ຂປລ