ລັດຖະບານຫວຽດນາມໄດ້ນຳເອົາປຶ້ມທິດສະດີການເມືອງນຳມາມອບໃຫ້ກະຊວງຖະແຫຼງຂ່າວ,ວັດທະນະທຳ ແລະທ່ອງທ່ຽວ ຊຶ່ງຕາງໜ້າມອບໂດຍທ່ານ ຫວູ ຈອງເລີ່ມ ຮອງອຳນວຍການ,ຮອງບັນນາທິການໃຫຍ່ ສຳນັກພິມການເມືອງແຫ່ງຊາດຫວຽດນາມ ແລະ ກ່າວຮັບໂດຍ ທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫຼງຂ່າວ,ວັດທະນະທຳ ແລະທ່ອງທ່ຽວ ພ້ອມບັນດາແຂກທັງສອງຝ່າຍເຂົ້າຮ່ວມ.
ປຶ້ມທີ່ນຳມາມອບຄັ້ງນີ້ຈຳນວນ 15 ພັນຫົວ ໂດຍແປຈາກພາສາຫວຽດມາເປັນພາສາລາວ ໃນນັ້ນປະກອບມີ 15 ຫົວເລື່ອງເຊັ່ນ:
- ເລື່ອງລາວຕ່າງໆກ່ຽວກັບລຸງໂຮ່ໃນການເຄື່ອນໄຫວ
- ແນວຄິດໂຮ່ຈິມິນ ແລະ ແນວທາງການປະຕິວັດຂອງຫວຽດນາມ
- ການປ່ຽນແປງໃໝ່ການນໍາພາຂອງພັກໃນເງື່ອນໄຂສ້າງລັກແຫ່ງອຳນາດກົດໝາຍສັງຄົມນິຍົມຢູ່ຫວຽດນາມ
- ຮູບແບບການຂະຫຍາຍຕົວທາງດ້ານເສດຖະກິດຂອງຫວຽດນາມ
- ເລື່ອງຕ່າງໆກ່ຽວກັບຮູບແບບຢ່າງ ຄຸນສົມບັດໂຮ່ຈິມິນ
- ທັງເດີນທັງເລົ່າເລື່ອງ
- ຄວາມຮັບຮູ້ກ່ຽວກັບການຜັນແປງດ້ວຍຕົນເອງການຫັນປ່ຽນຕົນເອງ ແລະວິທີການຕໍ່ສູ້ເພື່ອສະກັດກັ້ນ.
- ກົນໄກທາງກົດໝາຍໃນການກວດກາຕິດຕາມອຳນາດລັດຂອງບັນດາອົງການລັດຢູ່ຫວຽດນາມໃນປັດຈຸບັນ
- ບົດສະຫຼຸບລາຍງານບາງບັນຫາທິດສະດີ ແລະ ພຶດຕິກຳຜ່ານ 30 ປີແຫ່ງການປ່ຽນແປງໃໝ່
- ເລື່ອງຕ່າງໆກ່ຽວກັບແບບຢ່າງຄຸນສົມບັດໂຮ່ຈິມິນ ເຫຼັ້ມ 2
- ການພົວພັນຕ່າງປະເທດຫຼາຍຝ່າຍຂອງຫວຽດນາມ ໃນໄລຍະເປັນເຈົ້າການ ແລະ ຕັ້ງໜ້າເຊື່ອມໂຍງກັບສາກົນ
- ບາງທິດສະດີ, ພຶດຕິກຳກໍ່ສ້າງ ແລະ ປະຕິບັດມະຕິຕົກລົງຂອງສະພາແຫ່ງຊາດ
- ບົດບັນທຶກສົງຄາມ 1,2,3,4,7,5; ປົກປັກຮັກສາເອກະລາດ
- ເປັນເຈົ້າຕົນເອງໃຫ້ໝັ້ນຄົງໃນການເຊື່ອມໂຍງກັບສາກົນ
- ຮູບພາບໂລກ
ໂອກາດດັ່ງກ່າວ ທ່ານ ບົວເງິນ ຊາພູວົງໄດ້ສະແດງຄວາມຂອບໃຈຕໍ່ລັດຖະບານຫວຽດນາມທີ່ໄດ້ນຳເອົາປຶ້ມທິດສະດີການເມືອງມາມອບໃຫ້ ພ້ອມທັງຢືນຢັນວ່າຈະນຳເອົາປຶ້ມຈຳນວນດັ່ງກ່າວໄປແຈກຢາຍ ແລະ ເຜີຍແຜ່ໃຫ້ມວນຊາວລາວ ໃນຂອບເຂດທົ່ວປະເທດຢ່າງທົ່ວເຖິງ.
Hits: 9
