Thursday, July 18, 2024
Lenovo

ແຂວງເຊກອງ ສຸມໃສ່ປະຕິບັດ 60 ກວ່າໂຄງການດ້ານ ຍທຂ

ແຂວງເຊກອງ ສຸມໃສ່ປະຕິບັດ 60 ກວ່າໂຄງການດ້ານ ຍທຂ

ໃນ​ປີຜ່ານມາ ແຂວງເຊກອງໄດ້​ຕັ້ງ­ໜ້າ​ປັບປຸງ ແລະກໍ່­ສ້າງ​ພື້ນ­ຖານ​ໂຄງ​ລ່າງດ້ານ​ວຽກ​ງານ​ໂຍ­ທາ​ທິ​ການ ແລະຂົນ­ສົ່ງ (ຍທຂ) ໃຫ້​ມີຄຸນນະພາບດີ​ຂຶ້ນເປັນ​ກ້າວໆ ເພື່ອ​ການ​ກໍ່­ສ້າງ ແລະສະໜອງ​ໂຄງ​ລ່າງ​ພື້ນຖານ​ໃຫ້ແກ່​ການ​ພັດ­ທະ­ນາ​ດ້ານ​ເສດ​ຖະກິດ-ສັງ­ຄົມ​ຂອງ​ແຂວງ ກໍ​ຄື​ຂອງຊາດ, ທັງແນໃສ່ເຮັດ​ໃຫ້​ຕາ​ໜ່າງ​ຄົມ​ມະນາ​ຄົມ​ຂົນ­ສົ່ງ​ທຸກ​ດ້ານ​ໄດ້​ຮັບການ​ທະ­ລຸ​ໂລ່ງ​ໃນ​ທົ່ວ​ແຂວງທັງເຊື່ອມ​ໂຍງ​ພາຍ​ໃນ ແລະຕ່າງປະ­ເທດ​ຫຼາຍ​ຂຶ້ນ.

ຕາມການລາຍງານຂອງທ່ານ ເຫຼັກໄຫຼ ສີວິໄລ ຮອງເຈົ້າແຂວງໆເຊກອງ​ໃຫ້​ຮູ້​ວ່າ: ໃນ​ປີ 2018 ຜ່ານມາ ແຂວງເຊກອງ ກໍຄືພະແນກໂຍທາທິການ ແລະຂົນສົ່ງແຂວງໄດ້ເອົາໃຈໃສ່ຕິດຕາມ, ກວດກາ ແລະຄຸ້ມຄອງໂຄງການລົງທຶນຂອງລັດໃນຂອບເຂດຄວາມຮັບຜິດຊອບຂອງຕົນລວມມທັງໝົດ 62 ໂຄງການ, ມູນຄ່າລວມ 4,770 ຕື້ກວ່າກີບ, ໃນນີ້ໂຄງການສືບຕໍ່ 24 ໂຄງການມູນຄ່າ 3,899 ຕື້ກວ່າກີບ, ສະເໜີໃໝ່ 9 ໂຄງການມູນຄ່າ 654.9 ຕື້ກວ່າກີບ, ຊໍາລະໜີ້ 20 ໂຄງການມູນຄ່າ 200.8 ຕື້ກວ່າກີບ ແລະອັນພົ້ນເດັ່ນແມ່ນການກໍ່ສ້າງເສັ້ນທາງ 16B (ເຊກອງ-ດາກຈຶງ) ຍາວ 94.6 ກິໂລແມັດມູນຄ່າ 621 ຕື້ກວ່າກີບໂດຍປະຈຸບັນສາມາດປະຕິບັດໄດ້ 88,25% ແລະຄາດວ່າຈະສໍາເລັດ 100% ໃນຕົ້ນປີນີ້.

 ປະຈຸບັນ ທົ່ວແຂວງເຊກອງມີຕາໜ່າງເສັ້ນທາງຄົມມະນາຄົມທັງໝົດ 250 ເສັ້ນ, ຍາວ 2,028 ກິໂລແມັດ ໃນນັ້ນທາງປູອັດສະຟານ 5.8 ກິໂລແມັດ, ເສັ້ນທາງປູຢາງ 234 ກິໂລແມັດ, ເສັ້ນທາງປູແຮ-ດິນແດງ 796.6 ກິໂລແມັດ ແລະປູດິນທໍາມະຊາດ 992.34 ກິໂລແມັດ, ມີບ້ານທີ່ມີເສັ້ນທາງເຂົ້າເຖິງແລ້ວ 195 ບ້ານກວມເອົາ 98,98% ທຽວໄດ້ສອງລະດູລວມມີ 100 ບ້ານກວມເອົາ 50,7% ສ່ວນ​ດ້ານ​ການ​ຄຸ້ມ​ຄອງການ​ຂົນ­ສົ່ງ​ເຫັນ​ວ່າຂະ­ຫຍາຍຕົວ​ຂຶ້ນ​ພໍ​ສົມ­ຄວນ ໂດຍ​ສະ­ເພາະການ​ຂົນ­ສົ່ງ​ທາງ­ບົກໃນ​ນັ້ນ ບໍ​ລິ​ມາດ​ຂົນ­ສົ່ງ​ສິນ­ຄ້າປະ­ຕິ­ບັດ​ໄດ້ 186,346 ໂຕນ, ຂົນສົ່ງ​ໂດຍ­ສານ​ທັງ​ໝົດ 23,681 ຄົນ ແລະບໍ​ລິ​ມາດ​ຈໍລະ​ຈອນ​ຂົນ­ສົ່ງ​ໂດຍ­ສານ​ມີ 3,481,107 ຄົນ​ຕໍ່​ກິ­ໂລ­ແມັດ, ສ້າງຕັ້ງສະມາຄົມຂົນສົ່ງໂດຍສານໄດ້ 3 ແຫ່ງ, ສະຖານີໂດຍສານໄດ້ 1 ແຫ່ງ, ຂຶ້ນທະບຽນລົດໄດ້ 596 ຄັນ ແລະຕໍ່ເຕັກນິກໄດ້ 316 ຄັນ.

ທ່ານຮອງເຈົ້າແຂວງເຊກອງໃຫ້ຮູ້ຕື່ມວ່າ: ໃນ​ປີ 2019 ນີ້ ແຂວງ​ຈະ​ໄດ້​ສືບ­ຕໍ່​ພັດທະ​ນາ​ໃນ​ວຽກ​ງານ ຍທຂ ໃຫ້ທົ່ວ​ເຖິງ​ກວ່າ​ເກົ່າ, ໃນນີ້ສືບຕໍ່ກໍ່ສ້າງທາງປູຢາງແຕ່ທາງແຍກທາງ 16B ຫາເມືອງກະລຶມໃໝ່ ແລະກໍ່ສ້າງຂົວ 7 ແຫ່ງລວງຍາວ 352.48 ແມັດໃຫ້ສໍາເລັດ, ຊຸກຍູ້ໂຄງການກໍ່ສ້າງທາ 4 ເລນແຕ່ສວນຫຼັກເມືອງຫາປະຕູໂຂງບ້ານຮ່ອງໄລ່ ແລະແຕ່ຂົວຫ້ວຍເຫີບຫາປະຕູໂຂງບ້ານໂມໃຫ້ມີຄວາມຄືບໜ້າຕໍ່ເນື່ອງ, ພ້ອມດຽວກັນນັ້ນ ກໍ​ຈະ​ຫັນ​ບັນດາ​ແຜນງານ​ຕ່າງໆໃນຂົງເຂດ (ຍທຂ) ​ໃຫ້​ເປັນ​ໂຄງການ​ລະ­ອຽດ ເພື່ອ​ນໍາໄປຈັດຕັ້ງປະຕິບັດ ແລະປັບ­ປຸງ​ແກ້​ໄຂໃຫ້​ສອດ­ຄ່ອງ​ກັບ​ເງື່ອນ­ໄຂຄວາມ​ເປັນ​ຈິງ.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.