ຢູ່ທີ່ບ້ານຫາດຊຽງດີ ເມືອງໜອງບົກ ແຂວງຄຳມ່ວນ, ພໍ່ແມ່ປະຊາຊົນບ້ານຫາດຊຽງດີ ຈຳນວນ 150 ກວ່າຄົນ ແລະ ອຳນາດການປົກຄອງບ້ານ ແລະ ເມືອງທີ່ກ່ຽວຂ້ອງ ໄດ້ທຳການສ້ອມແປງເສັ້ນທາງທີ່ເປ່ເພໃນລະດູຝົນຜ່ານມາ ເພື່ອເຮັດໃຫ້ການສັນຈອນໄປມາມີຄວາມສະດວກສະບາຍ ພາຍໃນບ້ານຕໍ່ບ້ານ.
ໄລຍະທາງຂອງການສ້ອມແປງແມ່ນເລີ່ມແຕ່ ບ້ານຫາດຊຽງດີ ຫາ ບ້ານດົງສະຫງຳ ເພາະວ່າເສັ້ນທາງດັ່ງກ່າວມີຄວາມຫຍຸ້ງຍາກລຳບາກຫຼາຍສຳລັບການໄປມາຫາສູ່ຍາດຕິພີ່ນ້ອງ ແລະ ການສ້າງເສດຖະກິດຂອງປະຊາຊົນໃນເຂດນັ້ນ. ທຶນໃນການສ້ອງແປງເສັ້ນທາງໃນຄັ້ງນີ້ ແມ່ນໄດ້ຮັບການຊ່ວຍເຫຼືອຈາກໂຄງການສົ່ງເສີມເຂົ້າເຖິງແຫລ່ງທຶນ ຂອງຜູ້ທຸກຍາກໃຫ້ຫລາຍຂຶ້ນ (UNDP) ທີ່ມາປະຈຳຢູ່ແຂວງຄຳມ່ວນ.
Cr. ຫ້ອງການ ຖວທ ເມືອງ ໜອງບົກ
Hits: 3
