ທີ່ ມະຫາວິທະຍາໄລແຫ່ງຊາດ, ບໍລິສັດ ລ້ານຊ້າງ ປະກັນໄພ ມະຫາຊົນ ໄດ້ມອບທຶນການສຶກສາ ຈຳນວນ 10 ທືນ, ທືນລະ 4 ລ້ານກີບ, ພ້ອມດ້ວຍອຸປະກອນດົນຕີ 1 ຊຸດ, ໂທລະພາບ 55 ນິ້ວ 01 ໜ່ວຍ, ວັດຈະ ນານຸກົມ ທີ່ສັ່ງມາຈາກ ປະເທດ ສ ເກົາຫລີ ຈຳ ນວນໜຶ່ງ, ລວມມູນຄ່າທັງໝົດ 60 ລ້ານກີບ ໃຫ້ມະຫາວິທະ ຍາໄລແຫ່ງຊາດ ແລະ ນັກສຶກສາ ຜູ້ທີ່ມີສະຖານະຄອບຄົວທຸກຍາກ ແຕ່ຮູ້ວິທີທີ່ຈະເອົາຊະນະ ແລະ ຂ້າມຜ່ານສະຖານະການ ເພື່ອປະສົບຜົນສຳ ເລັດໃນການສຶກສາ.
ເປັນກຽດເຂົ້າຮ່ວມ, ໂດຍມີ ທ່ານ ສົມສີ ຍໍພັນໄຊ ຜູ້ວ່າການອະທິການບໍດີ ມະຫາວິທະຍາໄລແຫ່ງຊາດ, ທ່ານ ໂດງ ດັງ ຄ່າງ ອໍານວຍການໃຫຍ່ ບໍລິສັດ ປະກັນໄພ ລ້ານຊ້າງ ມະຫາຊົນ, ທ່ານ ຄິມ ຄາງວຸກ kim kang wook ປະທານມູນນິທິກອງທືນ ວັດທະນະທໍາ ດີບີ ກິມ ຈຸນກິ DB Kim Jun Ki, ຕາງໜ້າສະຖານທູດຫວຽດນາມ ປະຈຳລາວ, ຕາງໜ້າທະນາຄານ ພັດທະນາລາວ, ພ້ອມດ້ວຍຄູ-ອາ ຈານ ແລະ ນ້ອງນັກສຶກສາ ເຂົ້າຮ່ວມ.
ໃນໂອກາດດັ່ງກ່າວ, ທ່ານ ໂດ ດັງ ຄ່າງ ກ່າວວ່າ: ບໍລິສັດປະກັນໄພ ລ້ານຊ້າງ ມະຫາຊົນ ມີຈຸດປະສົງ ມອບທຶນການສຶກສາ ແລະ ອຸປະກອນການສຶກສາໃນຄັ້ງນີ້, ເພື່ອເປັນການປະກອບສ່ວນ ຊ່ວຍ ເຫລືອສັງຄົມ ເຂົ້າໃນການພັດທະນາ ຊັບພະຍາກອນມະນຸດຂອງລາວ, ກໍ່ຄື ນ້ອງໆນັກຮຽນ ຜູ້ທີ່ມີຜົນການຮຽນດີ, ຮຽນເກັ່ງ, ມີການປະພຶດທີ່ດີ, ມີຖານະຄອບຄົວທຸກຍາກ ແຕ່ຮູ້ວິທີເອົາຊະນະ ແລະ ຂ້າມຜ່ານສະ ຖານະການ ເພື່ອປະສົບຜົນສຳເລັດ ໃນການສຶກສາ ໃຫ້ນັບມື້ດີຂຶ້ນເລື້ອຍໆ.
ບໍລິສັດ ປະກັນໄພ ລ້ານຊ້າງ ມະຫາຊົນ ໄດ້ສ້າງຕັ້ງຂຶ້ນໃນເດືອນຕຸລາ 2010, ບົນພື້ນຖານການຮ່ວມມື ຮ່ວມທືນ ຂອງ 2 ຫຸ້ນສ່ວນ ຄື: ທະນາຄານ ພັດທະນາລາວ (ທພລ) ດ້ວຍທືນ 50% ແລະ ກຸ່ມບໍລິສັດ ຫຸ້ນສ່ວນປະກັນໄພ ໄປສະນີ ຫວຽດນາມ (PTI), ເປັນບໍລິສັດ ປະກັນໄພ ໃຫ່ຍອັນດັບ 3 ທີ່ ສສ ຫວຽດນາມ ດ້ວຍທືນ 50%.
ທີ່ມາ: ຂປລ