ກິດຈະກຳຂີ່ຊ້າງອ້ອມຕົວເມືອງ ເປັນອີກກິດຈະກຳໜຶ່ງທີ່ສົ່ງເສີມການທ່ອງທ່ຽວ ໃນງານບຸນຊ້າງປະຈຳປີນີ້ ຂອງແຂວງໄຊຍະບູລີ ທີ່ໄດ້ຮັບຄວາມສົນໃຈ ຈາກຜູ້ທີ່ມາທ່ຽວຊົມທັງພາຍໃນ ແລະ ຕ່າງປະເທດ ຢ່າງຫລວງຫລາຍ, ການຂີ່ຊ້າງອ້ອມຕົວເມືອງເປັນປະເພນີ ອັນໜຶ່ງໃນງານບຸນຊ້າງ ເຊິ່ງໄດ້ປະຕິບັດກັນມາແຕ່ໃດໆມາ, ເຊິ່ງສາມາດສ້າງລາຍຮັບໃຫ້ກັບຄວນຊ້າງ ທີ່ນຳຊ້າງເຂົ້າມາຮ່ວມໃນງານເປັນຢ່າງດີ.
ການຂີ່ຊ້າງອ້ອມຕົວເມືອງ ກໍເປັນອີກສີສັນໜຶ່ງທີ່ຜູ້ທ່ຽວຊົມ ໃຫ້ຄວາມສົນໃຈຫລາຍ ເຊິ່ງເປັນກິດຈະກຳໜຶ່ງ ທີ່ທຸກຄົນມາໃນງານບຸນຊ້າງ ໃນທຸກໆປີຕ້ອງມາຂີ່ຊ້າງຊົມເມືອງ ເຊິ່ງການຂີ່ຊ້າງອ້ອມເມືອງນີ້ ມັນໝາຍເຖິງສິລິມຸງຄຸນອັນໜຶ່ງ ໃຫ້ແກ່ຜູ້ຂີ່ຊ້າງ ທີ່ໄດ້ມີໂອ ກາດເຫັນ, ສຳຜັດກັບສັດປະເພດໃຫຍ່ ແລະ ກໍເປັນກິດຈະກຳທີ່ສ້າງລາຍຮັບໃຫ້ຊ້າງທີ່ເຂົ້າຮ່ວມໃນງານບຸນຊ້າງ ແລະ ໃນການຂີ່ຊ້າງແຕ່ເທື່ອໜຶ່ງ ຕ້ອງໄດ້ຈ່າຍເງິນຄ່າອາຫານ ຊ່ວຍຊ້າງເທື່ອລະ 50.000-100.000 ກີບ.
ການຂີ່ຊ້າງອ້ອມຕົວເມືອງນີ້ ຍັງແມ່ນປະເພນີອັນໜຶ່ງທີ່ສາມາດ ສ້າງສີສັນ ແລະ ດຶງດູດນັກທ່ອງທ່ຽວ ໃຫ້ເຂົ້າມາທ່ອງທ່ຽວໃນງານບຸນຊ້າງ ຂອງແຂວງໄຊຍະບູລີ ຫລາຍຂຶ້ນ. ເຊິ່ງປີນີ້ເຫັນວ່າມີຜູ້ຄົນ ມາທ່ຽວຊົມມີຫລາຍກວ່າທຸກປີຜ່ານມາ./.
ທີ່ມາ: ຂປລ
Hits: 10
