ໂຄງການຫວາຍແບບຍືນຍົງ ຂອງ ອົງການກອງທຶນອະນຸຮັກທຳມະຊາດໂລກ ປະຈຳ ສປປ ລາວ (WWF-Laos) ຈຸດປະສົງຂອງໂຄງການ ເພື່ອຮັບປະກັນການຮັບຮອງປ່າໄມ້, ສ້າງສາຍການຜະລິດຫວາຍທີ່ມີຄວາມຍືນຍົງ ແລະ ພັດທະນາການລົງທຶນ ທີ່ຍືນຍົງສໍາລັບທຸລະກິດຂະໜາດນ້ອຍ ແລະ ຂະໜາດກາງ ເພື່ອລົງທຶນ, ພ້ອມທັງສ້າງສະພາບແວດລ້ອມ ທີ່ເໝາະສົມສໍາລັບການພັດ ທະນາສາຍພັນຫວາຍ ແລະ ໄມ້ປ່ອງ.
ໂດຍຮ່ວມມືກັບສູນຄົ້ນຄວ້າປ່າໄມ້/ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ ແລະ ກົມປ່າໄມ້ ທີ່ໄດ້ຮັບການສະໜັບສະໜູນຈາກບໍລິສັດ IKEA ແລະ ອົງການພັດທະນາ ແລະ ການຮ່ວມມື ຂອງປະເທດສະວິດເຊີແລນ (SDC), ເຊິ່ງໄດ້ຈັດຕັ້ງປະຕິບັດຢູ່ 6 ເມືອງ ຂອງແຂວງ ບໍລິຄຳໄຊ, ເຊກອງ ແລະ ແຂວງສາລະວັນ.
ທີ່ມາ: ຂປລ