ອາກາດເຢັນໆແບບນີ້ ຕ້ອງໄປຊົມທະເລໝອກ ແລະ ແຊ່ນ້ຳຮ້ອນນ້ຳອຸ່ນ ຢູ່ແຂວງຫົວພັນ.
ບໍ່ນໍ້າຮ້ອນເມືອງຮ້ຽມ, ບໍ່ນໍ້າອຸ່ນນາເມືອງ ຢູ່ແຂວງຫົວພັນ ເຊິ່ງຫລາຍທ່ານທີ່ຢູ່ໃກ້ ແລະ ໄກອາດຈະເຄີຍໄປມາແລ້ວ. ບໍ່ນໍ້າຮ້ອນທັງສອງແຫ່ງນີ້ ແມ່ນເກີດມາຈາກແຮ່ທາດທີ່ຢູ່ພື້ນດິນ ມີສັບພະຄຸນພິເສດໃນການປິ່ນປົວພະຍາດຜິວໜັງ ເປັນຕົ້ນແມ່ນຂີ້ຫິດ ແລະ ຂີ້ກາກ.
ດ້ວຍເຫດນີ້ ບໍ່ນໍ້າອຸ່ນ ແລະ ບໍ່ນໍ້າຮ້ອນທັງສອງແຫ່ງ ຈຶ່ງເປັນທີ່ນິຍົມຂອງປະຊາຊົນແຂວງຫົວພັນ ແລະ ນັກທ່ອງທ່ຽວທັງພາຍໃນ ແລະຕ່າງປະເທດ ເປັນຕົ້ນໃນໄລະຍະລະດູໜາວແບບນີ້ ນັກທ່ອງທ່ຽວທີ່ໄປທ່ຽວຊົມກໍຍັງສາມາດອາບນໍ້າໄດ້ຢ່າງສະດວກສະບາຍ, ອາບໄດ້ດົນຕາມຄວາມພໍໃຈ ເພາະທາງບໍ່ນໍ້າອຸ່ນ ແລະ ບໍ່ນໍ້າຮ້ອນມີອ່າງອາບໄວ້ຄອຍໃຫ້ບໍລິການແກ່ນັກທ່ອງທ່ຽວ.