ຂໍຂອບໃຈນຳຜູ້ສະໜັບສະໜູນ

ໃນໂອກາດຊີ້ນໍາຕໍ່ກອງປະຊຸມລັດຖະບານສະໄໝວິສາມັນປະຈໍາເດືອນກຸມພານີ້, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ຮຽກຮ້ອງໃຫ້ທົ່ວສັງຄົມ ກໍຄືສະມາຊິກພັກ, ພະນັກງານລັດຖະກອນ, ຕໍາຫລວດ, ທະຫານ, ນັກຮຽນ-ນັກສຶກສາ, ກໍາມະກອນ, ນັກທຸລະກິດ ຕະຫລອດຮອດປະຊາຊົນບັນດາເຜົ່າ ໃຫ້ຍົກສູງນໍ້າໃຈເປັນເຈົ້າປະເທດຊາດ, ຕັ້ງໜ້າປະຕິບັດສິດ ແລະ ພັນທະຂອງຕົນໃຫ້ຄົບຖ້ວນຕາມລັດຖະທໍາມະນູນ ແລະ ກົດໝາຍ, ເພີ່ມທະວີຄວາມສາມັກຄີເປັນປຶກແຜ່ນໃນທົ່ວວົງສາຄະນະຍາດແຫ່ງຊາດ, ຕັ້ງໜ້າປະຕິບັດໜ້າທີ່ປົກປັກຮັກສາ ແລະ ສ້າງສາປະເທດຊາດຕາມແນວທາງປ່ຽນແປງໃໝ່ຮອບດ້ານທີ່ມີຫລັກການຂອງພັກເຮົາໃຫ້ປະສົບຜົນສໍາເລັດ, ໂດຍະເພາະເອົາໃຈໃສ່ຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກທີ່ວ່າ:

ເພີ່ມທະວີປະສິດທິພາບການຄຸ້ມຄອງ ແລະ ບໍລິຫານລັດ, ພັດທະນາກົດໝາຍໃຫ້ເປັນລະບົບຄົບຊຸດ, ຈະແຈ້ງ, ເປັນເອກະພາບ ແລະ ໃຫ້ທຸກຄົນເຂົ້າເຖິງການບໍລິການຂອງລັດຢ່າງວ່ອງໄວ, ໂປ່ງໃສ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໃນໂອກາດຊີ້ແຈງຕໍ່ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ 8 ເມື່ອບໍ່ດົນມານີ້, ທ່ານນາຍົກລັດຖະມົນຕີ ກໍໄດ້ມີຄໍາເຫັນວ່າ: ໃນຕໍ່ໜ້ານີ້, ລັດຖະບານ ຈະສຸມໃສ່ວຽກງານການສຶກສາອົບຮົມການເມືອງແນວຄິດ ແລະ ຍົກສູງສະຕິຄວາມຮັບພິຊອບຂອງພະນັກງານ ເພື່ອສ້າງຄ່ານິຍົມການບໍລິການ ແລະ ຮັບໃຊ້ສັງຄົມ ກໍຄືປະຊາຊົນດ້ວຍນໍ້າໃຈບໍລິສຸດຂອງພະນັກງານແຕ່ລະຂັ້ນ, ພ້ອມທັງຕ້ານ ແລະ ຕີຖອຍພະຍາດອາຍາສິດ ແລະ ປາກົດການຫຍໍ້ທໍ້ໃນສັງຄົມ ແລະ ເຂັ້ມງວດຕໍ່ພະນັກງານຜູ້ກະທໍາຜິດລະບຽບກົດໝາຍ, ຕ້ານ ແລະ ສະກັດກັ້ນການສໍ້ລາດບັງຫລວງ ແລະ ການກະທໍາຜິດອື່ນໆທີ່ສ້າງຜົນເສຍຫາຍຕໍ່ລັດ ແລະ ປະຊາຊົນ ໃຫ້ໝົດ.

ທີ່​ມາ: ຂ​ປ​ລ

Hits: 8

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້