Wednesday, July 17, 2024
Lenovo

ທະນາຄານພັດທະນາລາວ ແລະ ສະຖາ​ບັນ​ພັດທະນາ​ຊັບພະຍາກອນ​ມະນຸດ ​ລາວ-​ຢີ່ປຸ່ນ ຮ່ວມມືສົ່ງເສີມ SMEs


       ໃນວັນທີ 14 ກຸມພາ 2019 ນີ້, ທະນາຄານພັດທະນາລາວ (ທພລ) ແລະສະຖາ​ບັນ​ພັດທະນາ​ຊັບພະຍາກອນ​ມະນຸດ ​ລາວ-​ຢີ່ປຸ່ນ (ສລຍ) ໄດ້ຈັດພິທີເຊັນບົດ​ບັນທຶກ​ຄວາມ​ເຂົ້າ​ໃຈ​ ກ່ຽວກັບການ​ພັດທະນາ SME ລະຫວ່າງທ່ານ ປອ ອາຄົມ ປຣະເສີດ ຜູ້ອໍານວຍການໃຫຍ່ ທພລ ກັບທ່ານ ຮອງສາສະດາຈານ ປອ. ບຸນລ້ວນ ດ້ວງເງິນ ຜູ້ອໍານວຍການ ສລຍ ໂດຍການເຂົ້າ ຮ່ວມເປັນສັກຂີພິຍານຂອງທ່ານນາງ ໂພທິຈັນ ທໍາມະເທວາ ຮອງຫົວໜ້າກົມຄຸ້ມຄອງທະນາຄານທຸລະກິດ ທະນາຄານແຫ່ງ ສປປ ລາວ ແລະ ຜູ້ຕາງໜ້າອົງການໄຈກາປະຈໍາລາວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

   ບົດ​ບັນທຶກ​ຄວາມ​ເຂົ້າ​ໃຈ​ສະບັບ​ນີ້ ໄດ້​ຮັບ​ການ​ລົງ​ນາມ​ພາຍ​ໃຕ້​ການ​ຮ່ວມ​ມື​ຂອງ​ອົງການ​ໄຈ​ກາ​ໃນ​ຂະ​ແໜງ​ການ​ພັດທະນາ SME ໂດຍມີຈຸດປະສົງ​ໃຫ້ ທພລ ​ແລະ ສລຍ ມີການຮ່ວມ​ມື​ຢ່າງຈິງຈັງເພື່ອ​ອໍານວຍ​ຄວາມ​ສະດວກ​ໃນ​ການ​ສົ່ງ​ເສີມ SMEs ​ແນ​ໃສ່​ການ​ສ້າງ​ຄວາມ​ເຂັ້ມ​ແຂງ​ທາງ​ດ້ານ​ຄວາມ​ອາດ​ສາມາດ​ໃຫ້  SMEs ພາຍ​ໃຕ້​ການ​ຮ່ວມ​ມື​ກັນ​ດ້ວຍ​ການ​ສະໜອງ​ການ​ສໍາ​ມະ​ນາ, ​ໂຄງການ​ຝຶກ​ອົບຮົມ, ຂໍ້​ມູນ​ທາງ​ດ້ານ​ການ​ເງິນ ​ແລະ ອື່ນໆ.

        ທ່ານ ທ່ານ ປອ ອາຄົມ ປຣະເສີດ ກ່າວວ່າ: ນັບແຕ່ປີ 2008 ເປັນຕົ້ນມາ ທພລ ໄດ້ຮັບການມອບໝາຍຈາກຂັ້ນເທິງ ໃຫ້ເນັ້ນບໍລິການສິນເຊື່ອ ເພື່ອສົ່ງເສີມ ແລະ ພັດທະນາວິສາຫະກິດ SME ບົນພື້ນຖານການໄລ່ລຽງທຸລະກິດຢ່າງເຕັມສ່ວນ ຊຶ່ງປະຈຸບັນ ມີຍອດສິນເຊື່ອສໍາລັບ SME ກວມເຖິງ 70,54% ຂອງຍອດສິນເຊື່ອທັງໝົດ ແລະ ກວມເອົາ 99,51% ຂອງຈໍານວນລູກຄ້າທັງໝົດ. ທພລ ມີ​ສາຂາ 18 ​ແຫ່ງ, ໜ່ວຍ​ບໍລິການ 79 ​ແຫ່ງ ​ແລະ ​ສະໜອງ​ການ​ບໍລິການ​ທາງ​ດ້ານ​ການ​ເງິນ​ຫຼາຍ​ປະ​ເພດ ​ເພື່ອ​ສົ່ງ​ ເສີມ SMEs ແລະ ໄດ້​ພັດທະນາຫັນ​ເອົາ​ການ​ບໍລິການ​ຂອງ​ທະນາຄານ​ໄປ​ສູ່​ຄວາມ​ທັນ​ສະ​ໄໝ ​ເພື່ອ​ຮອງ​ຮັບ​ກັບ​ການ​ບໍລິການ​ຮັບ​ໃຊ້​ສັງຄົມ, ສ້າງ​ຄວາມ​ສະດວກ, ວ່ອງ​ໄວ, ເພື່ອຮັບປະກັນ​ໃຫ້ ທພລ ສາມາດແຂ່ງຂັນ​ດ້ານ​ການໃຫ້​ບໍລິການໃນ​ຍຸກ​ປະຈຸ​ບັນ.

ທພລ ມີຜະລິດ​ຕະພັນ​ທາງ​ດ້ານ​ສິນ​ເຊື່ອ​ເພື່ອ​ສົ່ງ​ເສີມ SME ຫຼາຍປະ​ເພດໃນທົ່ວ​ປະ​ເທດ ໃນນີ້ມີຕູ້ ATM ຈໍານວນ 227 ຕູ້ ທີ່​ສາມາດ​ບໍລິການຊຳລະຄ່າໄຟຟ້າ, ຄ່ານໍ້າປະປາ, ຄ່າໂທລະສັບແບບຕັ້ງໂຕະ, ມືຖື, ຊໍາລະອາກອນ ແລະຊື້ຫວຍ; ໃຫ້ບໍລິການບັດ Debit Union Pay ເປັນບັດທີ່ມີປະສິດທິພາບ, ມີຄວາມປອດໄພສູງ ແລະ ທພລ ກໍ່ເປັນທະນາຄານທໍາອິດໃນ ສປປ ລາວ ທີ່ໄດ້ຍົກລະດັບການໃຫ້ບໍລິການບັດ ATM ພາຍໃນຈາກບັດທີ່ເປັນແບບແຖບແມ່ເຫຼັກ ມາເປັນບັດ Chip ແລະ ເປັນທັງບັດສາກົນໃນບັດດຽວ ສາມາດນໍາໃຊ້ຫຼາຍກວ່າ 160 ປະເທດທົ່ວໂລກ; ນອກນີ້ ຍັງມີລະບົບ Mobile Banking ​​ຜ່ານ​​ແອັບ LDB Trust ທີ່​ສາມາດ​ໃຊ້ຊໍາລະຄ່າໄຟຟ້າ, ຄ່ານໍ້າປະປາ-ໂທລະສັບ; ຊື້ບັດຕື່ມເງິນ, ຊື້ຫວຍ; ຊໍາລະອາກອນ, ສິນເຊື່ອໂຄລາວ, ຄ່າງວດຜ່ອນເຄື່ອງກັບອີອອນ; ຊໍາລະຄ່າປະກັນສັງຄົມ, ຊໍາລະຄ່າສິນຄ້າ ແລະຄ່າບໍລິການຕ່າງໆດ້ວຍ QR Code (LDB Pay); ໂອນເງິນລະຫວ່າງບັນຊີພາຍໃນ ທພລ; ໂອນເງິນໃຫ້ບູກຄົນທີ່ບໍ່ມີບັນຊີຢູ່ ທພລ ແລະອື່ນໆ.

ນອກນີ້ຍັງມີຜະລິດ​ຕະພັນເຄື່ອງ​ຮູດບັດ EDC; ໃຫ້ບໍລິການບັດສາກົນຖອນເງິນໄດ້ເຊັ່ນ: ບັດ VISA, MASTER, CUP, JCB ແລະ DISCOVER ໄດ້ທົ່ວລະບົບ; ຜະລິດ​ຕະພັນ​ບໍລິການຊໍາລະ​ສະ​ສາງ​ຕ່າງປະ​ເທດ ຜ່ານ​ລະບົບ​ໂອນ​ເງິນ​ດ່ວນ Western Union ​ແລະບໍລິການ​ຊໍາລະ​ສະ​ສາງ​ຕ່າງປະ​ເທດ​ຜ່ານ​ລະ​ບົບ SWIFT ​ແລະ ບໍລິການ​ໜັງສື​ສິນ​ເຊື່ອ LC; ຊໍາລະ​ອາ ກອນ​ຜ່ານ​ທະນາຄານ​ພັດທະນາ​ລາວ ​ຜ່ານ​ລະບົບ Eeasy Tax; ລະບົບ​ສັ່ງ​ຈ່າຍ​ງົບປະມານ​ຜ່ານ​ທະນາຄານ​ພັດທະນາ​ລາວ ຜ່ານ​ລະບົບ Smart Cash ແລະ ນອກ​ນັ້ນ ທພລ ຍັງ​ມີ​ 2 ບໍລິສັດ​ລູກ​ຄື: ບໍລິສັດລ້ານ​ຊ້າງ​ປະ​ກັນ​ໄພ ມະຫາຊົນ ​ແລະບໍລິສັດ​ຫຼັກ​ຊັບ​ລ້ານ​ຊ້າງ​ມະຫາຊົນ.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.