Friday, April 18, 2025

ນັກຂ່າວລາວໄດ້ຮັບທຶນການສຶກສາຈາກສະຖາບັນພາລະສຶກສາຂອງໄທ

ປີ 2019 ສະຖາບັນພະລະສຶກສາ ວິທະຍາເຂດເພັດສະບູນ ໄດ້ໃຫ້ທຶນການສຶກສາ ສົກຮຽນ 2019 ໃນລະດັບປະລິນຍາຕີສາຂາສື່ສານການກິລາສຳຫລັບບຸກຄະລາກອນ ສະມາຄົມນັກ ຂ່າວແຫ່ງ ສປປ ລາວ ຈຳນວນ 10 ທຶນ ແລະ ສາຂາການຈັດການກິລາສຳຫຼັບບຸກຄະລາກອນສະມາຄົມນັກຂ່າວແຫ່ງ ສປປ ລາວ ຈຳນວນ 5 ທຶນ. 

ທ່ານ ສະຫວັນຄອນ ຣາຊາມຸນຕີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ປະທານສະມາຄົມນັກຂ່າວແຫ່ງ ສປປ ລາວ ໄດ້ເຊັນບົດບັນທຶກ MOU ຮ່ວມກັບສະຖາບັນການພາລະສຶກສາ ວິທະຍາເຂດເພັດຊະບູນ ແລະ ສະມາຄົມນັກວິທະຍຸ-ໂທລະທັດ ແຂວງເພັດສະບູນ ເພື່ອສືບຕໍ່ພັດທະນາບຸກຄະລາກອນລາວ ດ້ານສື່ມວນຊົນ ປີ 2019 ໃນວັນທີ 15 ກຸມພານີ້.

ມາຮອດປະຈຸບັນມີນັກສຶກສາລາວ 3 ລຸ້ນ ທີ່ກຳລັງສຶກສາ ສາຂາສື່ສານການກິລາຢູ່ ສະຖາບັນການພາລະສຶກສາ ວິທະຍາເຂດເພັດສະບູນ ຈຳນວນ 32 ຄົນ ເປັນ ຍິງ 11 ຄົນ.

ໃນໂອກາດດັ່ງກ່າວນີ້ ທ່ານ ສະຫວັນຄອນ ໄດ້ກ່າວສະແດງຄວາມຂອບໃຈສະຖາບັນການສຶກ ສາຂອງໄທທີ່ໄດ້ຊ່ວຍເຫລືອນັກຂ່າວມາຫລາຍລຸ້ນຄົນ ແລະ ສ້າງເງື່ອນໄຂ ໃຫ້ສອງຝ່າຍໄດ້ມີ ການຮ່ວມມື, ສ້າງຄວາມສະດວກໃຫ້ນັກສຶກສາຂອງລາວ ອັນເປັນການປະກອບສ່ວນທີ່ສຳ ຄັນຕໍ່ການພັດທະນາຊັບພະຍາກອນມະນຸດ ແລະ ໃຫ້ຄຳໝັ້ນສັນຍາຈະສືບຕໍ່ເສີມຂະຫຍາຍການຮ່ວມມື, ແລກປ່ຽນຢ້ຽມຢາມ ແລະ ແລກປ່ຽນບົດຮຽນເຊິ່ງກັນ ແລະ ກັນຕໍ່ໄປ.

ທີ່​ມາ: ຂ​ປ​ລ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ໂປຣໂມຊັນຈຳກັດເວລາ: VietJet ມອບສ່ວນຫຼຸດ 50% ປີ້ຍົນທົ່ວທຸກເສັ້ນທາງ

(ນະຄອນຫຼວງວຽງຈັນ, ວັນທີ 18 ເມສາ 2025) – ເພື່ອສະເຫຼີມສະຫຼອງວັນການຕ້ອນໂຮມປະເທດຊາດຫວຽດນາມ, VietJet ມອບສ່ວນຫຼຸດ ໃຫ້ນັກທ່ອງທ່ຽວເຖິງ 50% (ບໍ່ລວມພາສີ ແລະ ຄ່າທຳນຽມ) ໃນຄ່າໂດຍສານຊັ້ນ Eco-class ໃນທົ່ວເຄືອຂ່າຍຖ້ຽວບິນ ຕັ້ງແຕ່ມື້ນີ້ຈົນຮອດວັນທີ 18 ເມສາ 2025. ນັກທ່ອງທ່ຽວສາມາດເພີດເພີນກັບຂໍ້ສະເໜີນີ້ໄດ້ໂດຍການໃຊ້ລະຫັດໂປຣໂມຊັນ VJ50 ເມື່ອຈອງຜ່ານທາງ www.vietjetair.com ເຊິ່ງເລີ່ມເດີນທາງຕັ້ງແຕ່ວັນທີ 28 ເມສາ ເຖິງ 30 ພະຈິກ 2025 (ບໍ່ລວມວັນພັກລັດຖະການ).

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.