ຢູ່ທີ່ສະຖານທູດລາວ ປະຈຳ ສສ ຫວຽດນາມ ຮ່ວມກັບມະຫາ ວິທະຍາໄລ ສ້າງຄູເຕັກນິກວິງ ໄດ້ຈັດກອງປະຊຸມ ສະຫລຸບສົກຮຽນ 2017-2018 ແລະ ແຜນການປີ 2018-2019 ຂອງ ນັກສຶກສາລາວ ທີ່ສສ ຫວຽດນາມ, ພ້ອມມອບໃບຍ້ອງຍໍ ຜູ້ທີ່ມີຜົນງານດີເດັ່ນໃນການຮຽນ ແລະ ເຄື່ອນໄຫວນອກຫລັກສູດ.
ໃຫ້ກຽດເຂົ້າຮ່ວມຂອງ ທ່ານ ວຽງໄຊ ດາລາແສນ ອັກຄະລັດຖະທູດ ທີ່ປຶກສາ ແຫ່ງ ສປປ ລາວ ປະຈຳ ສສ ຫວຽດນາມ, ທ່ານ ກອງສີ ແສງມະນີ ຮອງລັດຖະມົນຕີ ກະຊວງສຶກສາ ແລະ ກິລາລາວ, ທ່ານ ຫງວຽນ ຮາຍແທ໋ງ ຮອງກົມພົວພັນຮ່ວມມືສາກົນ ກະຊວງສຶກສາ ແລະ ບຳລຸງສ້າງ ຫວຽດນາມ, ພ້ອມການນຳ ຈາກບັນດາມະຫາວິທະຍາໄລ, ສະຖາບັນ ແລະ ນັກສຶກສາລາວ ເຂົ້າຮ່ວມ.
ກອງປະຊຸມຄັ້ງນີ້, ເພື່ອແນໃສ່ຕີລາຄາການຮໍ່າຮຽນ ຂອງ ນັກສຶກສາລາວ ຢູ່ຫວຽດນາມ ໃນສົກ ຮຽນ 2017-2018 ເຊິ່ງປະຕິບັດຕາມແຜນຮ່າງ “ຍົກສູງຄຸນນະພາບ ແລະ ປະສິດທິຜົນການຮ່ວມມືລະ ຫວ່າງ ຫວຽດນາມ-ລາວ ໃນຂົງເຂດສຶກສາ ແລະ ພັດທະນາແຫລ່ງຊັບພະຍາກອນມະນຸດ” ທີ່ສອງ ລັດຖະບານ ໄດ້ລົງນາມ ແລະ ປະຕິບັດ ໃນໄລຍະ 2011–2020.
ທີ່ມາ: ຂປລ
