ຄູອາຈານ ແລະ ປະຊາຊົນ ບ້ານຫ້ວຍຕົມ ເມືອງສັງທອງ ນະຄອນຫລວງວຽງຈັນ, ມີຄວາມດີອົກດີໃຈ ແລະ ພາກພູມໃຈເປັນຢ່າງຍິ່ງ ທີ່ໄດ້ໂຮງຮຽນອະນຸບານ, ສະໜາມເດັກຫລີ້ນ ແລະ ການບູລະນະສ້ອມແປງໂຮງຮຽນປະຖົມ ເພື່ອອຳນວຍຄວາມສະດວກໃຫ້ລູກໃຫ້ຫລານໄດ້ສຶກສາ, ມ່ວນ ຊື່ນ ແລະ ມີກຳລັງໃຈໃນການຮຽນໜັງສື.
ໂຮງຮຽນອະນຸບານຫລັງໃໝ່, ພ້ອມອຸປະກອນຄົບຊຸດ, ສະໜາມເດັກຫລີ້ນ ແລະ ການບູລະ ນະສ້ອມແປງໂຮງຮຽນປະຖົມຫ້ວຍຕົມ ແມ່ນການສະໜັບສະໜູນຂອງ ບໍລິສັດ ລ້ານຊ້າງ ປະກັນໄພ ມະຫາຊົນ ຮ່ວມກັບກອງທຶນມູນນິທິວັດທະນະທຳ ດີບີ ຄິມ ຈຸນ ກິ (DB Kim Jun Ki Cultural Foundation) ຈາກ ສ. ເກົາຫລີ ລວມມູນຄ່າ 370 ລ້ານກີບ.
ທີ່ມາ: ຂປລ