Friday, April 18, 2025

ປະກາດ! ວິທະຍາໄລຣັຕນະບໍລິຫານທຸລະກິດ ຍົກ​ຖາ​ນະເປັນສະຖາບັນ​ແລ້ວ!

ທີ່ນະຄອນຫຼວງວຽງຈັນ ວິທະຍາໄລຣັຕນະບໍລິຫານທຸລະກິດ ໄດ້ມີພິທີປະກາດຍົກຖານະວິທະຍາໄລຣັຕນະບໍລິຫານທຸລະກິດຂຶ້ນເປັນສະຖາບັນຣັຕນະບໍລິຫານທຸລະກິດຢ່າງເປັນທາງການໂດຍເຂົ້າຮ່ວມຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະກິລາ, ທ່ານ ສົມເພັດ ຣັຕນະສິມ ປະທານສະຖາບັນຣັຕນະບໍລິຫານທຸລະກິດ, ມີຫົວໜ້າກົມ, ພະແນກການກ່ຽວຂ້ອງ ພ້ອມດ້ວຍບັນດາຄູອາຈານ ແລະນັກສຶກສາເຂົ້າຮ່ວມ.

ທ່ານ ບຸນເທືອງ ມຸນລາສີ ຫົວໜ້າສະຖາບັນຣັຕນະບໍລິຫານທຸລະກິດກ່າວວ່າ: ວິທະຍາໄລຣັຕະບໍລິຫານທຸລະກິດໄດ້ກຳເນີດມາຈາກໂຮງຮຽນຣັຕນະການຄ້າສ້າງຕັ້ງຂຶ້ນໃນປີ 1974, ໂຮງຮຽນຣັຕນະການຄ້າໄດ້ຖືກຍົກຖານະຂຶ້ນເປັນວິທິຍາໄລຣັຕນະບໍລິຫານທຸລະກິດໃນປີ 1994 ຊຶ່ງໃນເບື້ອງຕົ້ນໄດ້ສອນວິຊາຊີບ ໄລຍະສັ້ນດ້ານພິມດີດ, ເລຂານຸການ, ການບັນຊີ ແລະພາສາອັງກິດ, ຕໍ່ມາໄດ້ ສອນລະດັບປະລິນຍາຕີໃນປີ 2002, ຜະລິດນັກສຶກສາອອກຮັບໃຊ້ປະເທດຊາດ ແລະສັງຄົມໄດ້ 13 ລຸ້ນ, ມີຫຼັກສູດ 5 ສາຂາວິຊາຄື: ການຈັດການທົ່ວໄປ, ການເງິນ-ການທະນາຄານ, ການຕະຫຼາດ, ການບັນຊີ ແລະພາສາອັງກິດທຸລະກິດ, ປີ2006 ໄດ້ສອນລະດັບປະລິນຍາໂທຜະລິດນັກສຶກສາໄດ້ 8 ລຸ້ນ ມີ 5 ສາ ຂາວິຊາຄື: ການຈັດການ, ການເງິນ, ການບັນຊີ, ການຕະຫຼາດ ແລະເຕັກໂນໂລຊີຂໍ້ມູນຂ່າວສານ (IT) ມີຜູ້ສໍາເລັດການສຶກສາຫຼາຍພັນຄົນ, 90% ຂອງ ຜູ້ສຳເລັດການສຶກສາມີວຽກເຮັດງານທຳ, ວິທະຍາໄລຣັຕນະບໍລິຫານທຸລະກິດມີສຳນັກງານໃຫຍ່ຕັ້ງຢູ່ບ້ານສະພານທອງ ເມືອງສີສັດຕະນາກ ແລະ ອີກບ່ອນຕັ້ງຢູ່ບ້ານອີໄລ ເມືອງນາຊາຍ ທອງ ນະຄອນຫຼວງວຽງຈັນ ແລະມີ ສາຂາ 2 ແຫ່ງຄື ແຂວງອຸດົມໄຊ ແລະ ແຂວງໄຊຍະບູລີ.

ທ່ານ ບຸນເທືອງ ມຸນລາສີ ກ່າວວ່າ: ກອງປະຊຸມສະພາການສຶກສາຊັ້ນສູງ ໄດ້ຈັດຂຶ້ນໃນທ້າຍປີຜ່ານມາຊຶ່ງໄດ້ຕົກລົງເຫັນດີເປັນເອກະພາບຍົກຖານະວິທະ ຍາໄລຣັຕນະບໍລິຫານທຸລະກິດຂຶ້ນເປັນ ສະຖາບັນຣັຕນະບໍລິຫານທຸລະກິດ ແລະ ໃນວັນທີ 6 ກຸມພາ 2019 ທ່ານລັດຖະ ມົນຕີກະຊວງສຶກສາທິການ ແລະກິລາ ກໍໄດ້ລົງນາມໃນຂໍ້ຕົກລົງວ່າດ້ວຍການ ຍົກຖານະວິທະຍາໄລຣັຕນະບໍລິຫານທຸລະກິດ ຂຶ້ນເປັນສະຖາບັນຣັຕນະບໍລິຫານທຸລະກິດ ແລະຂໍ້ຕົກລົງວ່າດ້ວຍການຮັບຮອງ ແລະອະນຸມັດນຳໃຊ້ຫຼັກສູດປະລິນຍາຕີ ໃຫ້ແກ່ສະຖາບັນຣັຕນະບໍລິຫານທຸລະກິດ ເພື່ອຈັດຕັ້ງການຮຽນການສອນຕໍ່ໄປ, ໂດນເພື່ອຈັດຕັ້ງປະຕິບັດຕາມຂໍ້ຕົກລົງ ດັ່ງກ່າວ ທາງວິທະຍາໄບຣັຕນະບໍລິຫານທຸລະກິດຈຶ່ງໄດ້ຈັດພິທີເປີດສະຖາບັນຣັຕນະບໍລິຫານທຸລະກິດຢ່າງເປັນທາງການ.

ທີ່​ມາ: ນສພ ເສດຖະກິດສັງຄົມ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.

VietJet ລົງນາມໃນຂໍ້ຕົກລົງ 300 ລ້ານໂດລາສະຫະລັດ ເພື່ອສົ່ງເສີມການຂະຫຍາຍຕົວຂອງກອງທັບເຮືອ, ລວມຍອດມູນຄ່າການຄ້າຂອງອາເມລິກາເຖິງ 64 ຕື້ໂດລາສະຫະລັດ

(ນະຄອນຫຼວງວຽງຈັນ, 11 ເມສາ 2025) – ສາຍການບິນ VietJet ແລະ AV Air Finance ໄດ້ລົງນາມໃນຂໍ້ຕົກລົງດ້ານການເງິນລວມມູນຄ່າ 300 ລ້ານໂດລາສະຫະລັດ. ພິທີລົງນາມຄັ້ງນີ້ໄດ້ມີການພົບປະຂອງທ່ານຮອງນາຍົກລັດຖະມົນຕີຫວຽດນາມ Ho Duc Phuc  ແລະ ບັນດາເຈົ້າໜ້າທີ່ຂັ້ນສູງລັດຖະບານຫວຽດນາມ ເພື່ອແນ່ໃສ່ເພີ່ມທະວີການພົວພັນດ້ານເສດຖະກິດ ແລະ ການຄ້າຂອງ ຫວຽດນາມ - ອາເມລິກາ.