Friday, July 11, 2025
Kbank Laos โอน รับ จ่าย

ເປີດຫ້ອງ​ການ​ທັນ​ສະ​ໄໝ ແບບ E-Office ໃນ​ຍຸກ 4.0 ຂອງ​ກະ​ຊວງ ປ​ທ​ສ


ໃນວັນທີ 15 ມີນາ 2019 ທີ່ນະຄອນຫລວງວຽງຈັນ, ກະຊວງໄປສະນີ ໂທລະຄົມມະນາຄົມ ແລະ ການສື່ສານ(ປທສ) ຮ່ວມກັບ ບໍລິສັດໄປສະນີ, ໂທລະຄົມມະນາຄົມຂອງ ສສ ຫວຽດນາມ (VNPT) ໄດ້ເປີດການຳໃຊ້ລະບົບຫ້ອງການທັນສະໄໝ ຫລື E-Office ເຊິ່ງປະກອບມີ: ລະບົບຄຸ້ມຄອງ ແລະ ຈັດເກັບເອກະສານ ທີ່ສາມາດຕິດຕາມເອກະສານຂາອອກ-ຂາເຂົ້າ, ການຄົ້ນຫານເອກະສານ ແລະ ລາຍງານເອກະສານແຕ່ລະໄລຍະ; ລະບົບຄຸ້ມຄອງການມອບວຽກ; ລະບົບສ້າງວຽກງານສະເພາະກິດໃດໜຶ່ງ; ລະບົບການສ້າງຕາຕະລາງການເຄື່ອນໄຫວຂອງຫ້ອງການ; ລະບົບຄຸ້ມຄອງ ແລະ ບໍລິຫານຫ້ອງປະຊຸມ ແລະ ລະບົບສົນທະນາພາຍໃນຫ້ອງການ.

ທ່ານ ທັນສະໄໝ ກົມມະສິດ ລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ ກ່າວວ່າ: ການພັດທະນາລະບົບບໍລິຫານລັດ ດ້ວຍເອເລັກໂຕຣນິກ ບໍ່ພຽງແຕ່ເປັນການປັບປຸງປະສິດທິພາບ ແລະ ປະສິດທິຜົນຂອງການບໍລິຫານລັດເທົ່ານັ້ນ ແຕ່ຍັງເປັນການສ້າງໂອກາດ ໃຫ້ທຸກພາກສ່ວນໃນສັງຄົມ ສາມາດເຂົ້າເຖິງການບໍລິການຂອງພາກລັດ ຜ່ານລະບົບເອເລັກໂຕຣນິກ ແລະ ດິີຈິີຕອນ; ພະນັກງານລັດຖະກອນສາມາດເຮັດວຽກຮ່ວມກັນຢ່າງມີປະສິດທິພາບ ເຊັ່ນ: ການຊ່ວຍເຫລືອເຊິ່ງກັນ ແລະ ກັນ, ການແລກປ່ຽນຄວາມຮູ້ ແລະ ປະສົບການ ຜ່ານລະບົບການສື່ສານຂໍ້ມູນ-ຂ່າວສານ ແລະ ລະບົບໂປຣແກມທີ່ທັນສະໄໝ.

ທ່ານ ທັນສະໄໝ ກົມມະສິດ ກ່າວຕື່ມວ່າ: ກະຊວງ ປທສ ໃນນາມເປັນຜູ້ຄຸ້ມຄອງມະຫາພາກ ດ້ານວຽກງານຫັນໃຫ້ເປັນທັນສະໄໝ ແລະ ດີຈີຕອນ ຂອງລັດຖະບານ ຈຶ່ງໄດ້ສ້າງແຜນຮ່ວມມືກັບ ບໍລິສັດ VNPT ຂອງຫວຽດນາມ ໃນປີ 2015 ເຊິ່ງຈຸດປະສົງແມ່ນເພື່ອພັດທະນາລະບົບຫ້ອງການທັນສະໄໝ ຂອງກະຊວງ ປທສ ແລະ ສ້າງເປັນລະບົບຕົວແບບໃນການນຳໃຊ້ຂອງບັນດາກະຊວງ ແລະ ຫ້ອງການລັດຕ່າງໆ ໃນການຫັນເປັນທັນສະໄໝ ແລະ ດີຈິີຕອນ ເຊິ່ງໝາກຜົນຂອງການຮ່ວມມືທັງສອງຝ່າຍ ແມ່ນໄດ້ສຳເລັດ ການພັດທະນາລະບົບຫ້ອງການທັນສະໄໝຂອງກະຊວງ ປທສ ແລະ ເປີດນຳໃຊ້ຢ່າງເປັນທາງການໃນຄັ້ງນີ້.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

ຢ່າມົວເຮັດວຽກຈົນລືມໄປທ່ຽວ ກັບ 5 ສະຖານທີ່ທ່ຽວໃນລະດູຝົນ

ເມື່ອເວົ້າເຖິງລະດູຝົນແລ້ວ ຫຼາຍຄົນອາດຄິດວ່າ ບໍ່ເໝາະສຳລັບການທ່ອງທ່ຽວ ຫຼື ແຄ້ມປິ້ງ ເພາະຝົນເຮັດໃຫ້ການເດີນທາງລຳບາກ, ປຽກ ແລະ ເປື້ອນ ແຕ່ຮູ້ບໍ່ວ່າຊ່ວງຝົນນີ້ລະ ເປັນອີກລະດູການທີ່ໜ້າທ່ຽວທີ່ສຸດໂດຍສະເພາະທ່ຽວທຳມະຊາດ ເພາະເຮົາຈະໄດ້ສຳຜັດກັບອາກາດທີ່ເຢັນສະບາຍ, ໃບໄມ້ທີ່ຂຽວງາມ, ໝອກທີ່ຈາງໆ ໃນຍາມເຊົ້າ, ຝົນຝອຍທີ່ຍ້ອຍລົງມາ ເຮັດໃຫ້ຮູ້ສຶກດີ ຜ່ອນຄາຍໄດ້ຫຼາຍທີ່ສຸດ.

“ວັດໂຕະໂມະ” ເມືອງປະທຸມພອນ ແຂວງຈຳປາສັກ

ວັດໂຕະໂມະ ທີ່ຕັ້ງຢູ່ບ້ານໂຕະໂໝະທ່າ, ເມືອງປະທຸມພອນ, ແຂວງຈຳປາສັກ ແມ່ນກຸ່ມສະຖານບູຮານ ທີ່ຕັ້ງຢູ່ທາງທິດຕາເວັນອອກຂອງແມ່ນໍ້າຂອງ ແລະ ຢູ່ຫ່າງຈາກວັດພູໄປທາງທິດຕາເວັນ ອອກສ່ຽງໃຕ້ 11ກມ ຮ່ອງຮອຍຂອງສະຖານບູຮານແຫ່ງນີ້ໄດ້ກະແຈກກະຈາຍຢູ່ຕາມພັກທັງສອງທີ່ໄດ້ຮັບການກໍ່ສ້າງຂື້ນຢູ່ໃນ ກາງປ່າທີ່ເຕັມໄປດ້ວຍຕົ້ນໄມ້ໃຫຍ່, ເທິງແຄມຝັ່ງຫ້ວຍນ້ຳໂຕະໂມະ ທີ່ເປັນອີກສາຂາໜຶ່ຂອງແມ່ນໍ້າຂອງ. ວັດໂຕະໂມະເປັນວັດ ແຫ່ງດຽວຂອງຊາວຂະແມທີ່ຕັ້ງຢູ່ທາງຝັ່ງຊ້າຍຂອງແມ່ນ້ຳຂອງ.