Friday, December 13, 2024

ສຸດຍອດ​ນ້ອງໆ! ກອງເຍົາວະຊົນທັນວາ 3 ດີ 4 ຮູ້ ຂອງໂຮງຮຽນ ມສ ມິດຕະພາບ ລາວ-ຫວຽດນາມ

ທີ່ຄະນະບໍລິຫານງານຊາວໜຸ່ມ ປປລ ໂຮງຮຽນ ມສ ມິດຕະພາບ ລາວ-ຫວຽດນາມ ໄດ້ຈັດພິທີ ປະກາດກອງເຍົາວະຊົນທັນວາ 3ດີ 4ຮູ້ ຂອງໂຮງຮຽນ ມສ ມິດຕະພາບ ລາວ-ຫວຽດນາມ ໂດຍການເປັນປະທານຂອງສະຫາຍ ເພັດພູພານ ຫຼຽນພູຄໍາ ເລຂາຄະນະບໍລິຫານງານຊາວໜຸ່ມ ປປລ ໂຮງຮຽນ ມສ ມິດຕະພາບ ລາວ-ຫວຽດນາມ ໃຫ້ກຽດເຂົ້າຮ່ວມຂອງສະຫາຍ ຫຸມແພງ ສີສົມບັດ ຮອງເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ ສະຫາຍ ນາງ ວຽງສີມະນີເພັດ ຮອງຜູ້ອໍານວຍການໂຮງຮຽນ ມສ ມິດຕະພາບ ລາວ-ຫວຽດນາມ ພ້ອມດ້ວຍຄູ-ອາຈານ ນ້ອງນ້ອຍເຍົາວະຊົນ ແລະ ແຂກຖືດເຊີນເຂົ້າຮ່ວມ. 

ໃນພິທີສະຫາຍ ເພັດພູພານ ຫຼຽນພູຄໍາ ເລຂາຄະນະບໍລິຫານງານຊາວໜຸ່ມ ປປລ ໂຮງຮຽນ ມສ ມິດຕະພາບ ລາວ-ຫວຽດນາມ ກ່າວວ່າ: ໂຮງຮຽນ ມສ ມິດຕະພາບ ລາວ-ຫວຽດນາມ ໄດ້ຮັບການສ້າງຕັ້ງຂືຶ້ນໃນປີ 2009 ເຊິ່ງຕັ້ງຢູ່ບ້ານໂພນພະເນົາ ເມືອງໄຊເສດຖາ ນະຄອນຫຼວງວຽງຈັນ ມີກອງເຍົາວະຊົນທັນວາ 3 ກອງ 10 ໝວດ 50 ໝູ່ ເປັນອົງການຈັດຕັ້ງໜຶ່ງ ພາຍໄຕ້ການນໍາພາໂດຍກົງຮອບດ້ານຂອງໜ່ວຍພັກ ໂຮງຮຽນ ມີຄະນະຮັບຜິດຊອບວຽກງານເຍົາວະຊົນທັງໝົດ 1 ສະຫາຍ ຍິງ 1 ສະຫາຍ ມີຫົວໜ້າກອງເຍົາວະຊົນທັນວາ 3 ນ້ອງ ຮອງກອງ 3 ນ້ອງ ປະກອບມີ 10 ໝວດ 50 ໝູ່ ແລະ 40 ຈຸ ມີສະມາຊິກເຍົາວະຊົນທັນວາ ທັງໝົດ 453 ນ້ອງ ເທົ່າກັບ 100% ຂອງຈໍານວນເຍົາວະຊົນທັງໝົດ.

ຜ່ານມາສະມາຊິກເຍົາວະຊົນທັນວາ ແມ່ນສາມາດຈັດຕັ້ງປະຕິບັດຂໍ້ແຂ່ງຂັນຂອງເຍົາວະຊົນທັນວາ 3ດີ 4ຮູ້ ແລະ 6 ຮັກ 3ຊັງ ທີ່ທາງຂັ້ນເທິງວາງອອກໄດ້ເປັນຢ່າງດີ ໃນນັ້ນໄດ້ປະຕິບັດ 3ດີ ຄື: ຮໍ່າຮຽນດີ ສາມັກຄີດີ ແລະ ອະນາໄມດີ ແລະ 4ຮູ້ ຄື: ຮູ້ຮັກປະເທດຊາດ ແລະ ທ່ານຜູ້ນໍາ ຮູ້ຮັກພໍ່ແມ່ ແລະ ຄູອາຈານ ຮູ້ຮັກທໍາມະຊາດ ການອອກແຮງງານ ແລະ ຮູ້ຈໍາແນກມິດສັດຕູຢ່າງຈະແຈ້ງ ເຊິ່ງສະມະຊິກເຍົາວະຊົນແຕ່ລະນ້ອງ ໄດ້ແຂ່ງຂັນຮໍ່າຮຽນຊອກຮູ້ ໝັ່ນອ່ານ ເພື່ອໃຫ້ກາຍເປັນນັກຮຽນດີຮຽນເກັ່ງ ພ້ອມນັ້ນ ຍັງເຫັນວ່າມີຄວາມສາມັກຄີ ຈັດຕັ້ງປະຕິບັດລະບຽບບຽບການນຸ່ງຖືການເຂົ້າໂຮງຮຽນ ແລະ ກໍໄດ້ເປັນເຈົ້າການໃນການອະນາໄມສະຖານ ທີ່ຂອງໂຮງຮຽນ ເພື່ອຮັກສາຄວາມສະອາດຂອງໂຮງຮຽນໃຫ້ເປັນໂຮງຮຽນສີຂຽວປອດມົນລະພິດອື່ນໆ ທີ່ສະມະຊິກເຍົາວະຊົນທັນວາໄດ້ປະຕິບັດ ເຊິ່ງແຕ່ລະຂໍ້ແມ່ນເຫັນວ່າບັນດາສະມາຊິກເຍົາວະຊົນແຕ່ລະລະນ້ອງສາມາດປະຕິບັດໄດ້ກວມອັດຕາສ່ວນສູງ ຈິ່ງສາມາດປະກາດຮັບຮອງໂຮງຮຽນດັ່ງກ່າວເປັນໂຮງຮຽນ 3ດີ 4ຮູ້ ຂອງເຍົາວະຊົນທັນວາ ປະຈໍາປີ 2018 ຢ່າງເປັນທາງການ. 

ໂອກາດດັ່ງກ່າວກໍໄດ້ມອບໃບຢັ້ງຢືນໃຫ້ແກ່ໂຮງຮຽນດັ່ງກ່າວຢ່າງສົມກຽດ ມອບໂດຍສະຫາຍ ຫຸມແພງ ສີສົມບັດ ຮອງເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ ແລະ ຮັບໂດຍ ສະຫາຍ ເພັດພູພານ ຫຼຽນພູຄໍາ ເລຂາຄະນະບໍລິຫານງານຊາວໜຸ່ມ ປປລ ໂຮງຮຽນ ມສ ມິດຕະພາບ ລາວ-ຫວຽດນາມ.

ທີ່​ມາ:

ຄະນະຊາວໜຸ່ມ ນະຄອນຫຼວງວຽງຈັນ Vientiane Capital Youth Union
InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

Vietjet ກັບມາອີກຄັ້ງກັບໂປຣໂມຊັນສ່ວນຫຼຸດພິເສດຕະຫຼອດ 24 ຊົ່ວໂມງ ວັນທີ 12.12.2024 ພ້ອມສ່ວນຫຼຸດປີ້ຍົນເຖິງ 100%

(ນະຄອນຫຼວງວຽງຈັນ, ວັນທີ 10 ທັນວາ 2024) – Vietjet ມີໂປຣໂມຊັນສ່ວນຫຼຸດພິເສດທ້າຍປີ ມອບໂອກາດໃຫ້ນັກທ່ອງທ່ຽວໄດ້ເພີດເພີນກັບປີ້ຍົນໂດຍສານດ້ວຍສ່ວນຫຼຸດສູງສຸດເຖິງ 100% (ບໍ່ລວມພາສີ ແລະ ຄ່າທຳນຽມ), ໂປຣໂມຊັນທີ່ທຸກຄົນລໍຖ້ານີ້ໄດ້ໃຫ້ປີ້ຍົນຫຼາຍສູງສຸດລ້ານປີ້ໃນລາຄາສຸດປະຢັດ ຊ່ວຍ​ໃຫ້​ຜູ້​ທີ່​ມັກ​ການ​ເດີນ​ທາງ​ສຳຫຼວດຫາ​ຈຸດ​ໝາຍ​ທີ່​ໜ້າ​ປະ​ທັບ​ໃຈ​ຢູ່​ຫວຽດ​ນາມ ແລະ ອື່ນໆ.

Vietjet ສືບ​ຕໍ່​ໄດ້​ຮັບ​ເຮືອ​ບິນ​ໃໝ່​ໃນ​ເດືອນ​ສຸດ​ທ້າຍ​ຂອງ​ປີ 2024 ເພື່ອຂະຫຍາຍ​ເຮືອ​ບິນ​ທີ່​ທັນ​ສະ​ໄໝ​

(ນະຄອນຫຼວງວຽງຈັນ, ວັນທີ 09 ທັນວາ 2024) – ສະມາຊິກໃໝ່ສຸດຂອງກອງທັບເຮືອ Vietjet, ເຮືອບິນ Airbus A321neo ACF (Airbus Cabin Flex), ໄດ້ມາຮອດສະໜາມບິນສາກົນເຕິນເຊີນເຍີດ, ນະຄອນໂຮ່ຈີມິນ ປະເທດຫວຽດນາມ ຫຼັງຈາກເດີນທາງອອກຈາກໂຮງງານ Airbus ໃນ Hamburg ປະເທດເຢຍລະມັນ ໂດຍຖືເປັນເຮືອບິນລຳທີ 111 ທີ່ເຂົ້າຮ່ວມເປັນເຮືອບິນທີ່ທັນສະໄໝລະດັບໂລກຂອງສາຍການບິນ.

Vietjet ເປີດໂຕຖ້ຽວບິນໃໝ່ລະຫວ່າງ Hanoi – Kuala Lumpur ເພື່ອເພີ່ມການເຊື່ອມຕໍ່ທີ່ຮັດແໜ້ນຂຶ້ນ

(ນະຄອນຫຼວງວຽງຈັນ, ວັນທີ 26 ພະຈິກ 2024) - ສາຍການບິນ Vietjet ສາຍການບິນລາຄາທີ່ປະຢັດທີ່ສຸດຂອງຫວຽດນາມ ປະກາດເປີດເສັ້ນທາງການບິນໂດຍກົງໃໝ່ລະຫວ່າງ Hanoi ເມືອງຫຼວງປະເທດຫວຽດນາມ ແລະ Kuala Lumpur ເມືອງຫຼວງປະເທດມາເລເຊຍ ເຊິ່ງໄດ້ຮັດ​ແໜ້ນ​ການ​ພົວ​ພັນ​ດ້ານ​ເສດ​ຖະ​ກິດ, ວັດ​ທະ​ນະ​ທຳ ແລະ ການ​ທ່ອງ​ທ່ຽວ​ລະ​ຫວ່າງ 2 ປະ​ເທດ ແລະ ທົ່ວພາກພື້ນອາຊຽນ. ພິທີ​ເປີດ​ເສັ້ນທາງ​ດັ່ງກ່າວ​ໄດ້​ຮັບ​ການ​ເຂົ້າ​ຮ່ວມ​ຂອງ​ທ່ານ ​To Lam ​ເລຂາທິການ​ໃຫຍ່​ພັກ​ກອມ​ມູນິດ​ຫວຽດນາມ ເພື່ອເປັນ​ກຽດເຂົ້າຮ່ວມເປັນສັກ​ຂີ​ພະ​ຍານ​ການ​ຢ້ຽມ​ຢາມ​ມາ​ເລ​ເຊຍ​ຢ່າງ​ເປັນ​ທາງ​ການ.