Monday, July 15, 2024
Lenovo

ສ​ປ​ປ.ລາວ ເຂົ້າ​ຮ່ວມກອງປະຊຸມໂປອາວ​ເພື່ອມຸ່ງເນັ້ນການພັດທະນາແບບຍືນຍົງ

ກອງປະຊຸມເວທີປຶກສາຫາລືໂປອາວເພື່ອອາຊີປະຈໍາປີ 2019 ໄຂຂຶ້ນຢ່າງເປັນທາງການ, ຜູ້ນໍາສອງຝ່າຍລະຫວ່າງ ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ແລະ ທ່ານ ຫລີ ເຄີ້ ສຽງ ນາຍົກລັດຖະມົນຕີແຫ່ງ ສປ ຈີນ ໄດ້ເຂົ້າຢ້ຽມພົບປະ ແລະ ປຶກສາຫາລືແລກປ່ຽນບັນຫາທີ່ຫນ້າສົນໃຈຮ່ວມກັນໃນວັນທີ 27 ມີນາ 2019 ທີ່ ສປ ຈີນ. 

ກອງປະຊຸມດັ່ງກ່າວພາຍໃຕ້ຫົວຂໍ້ “ຮ່ວມອະນາຄົດ,ຮ່ວມແຮງຮ່ວມໃຈກັນ ແລະ ຮ່ວມກັນພັດທະນາ

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ພ້ອມບັນດາປະມຸກລັດ, ລັດຖະມົນ, ຄູ່ຮ່ວມມື,ອົງການຈັດຕັ້ງຈາກພາກລັດ-ສາກົນ, ຜູ້ປະກອບການ,ສື່ມວນຊົນ ແລະ ເຈົ້າຫນ້າທີ່ກ່ຽວຂ້ອງຈາກ 60 ກວ່າປະເທດກັບ 2.000 ກວ່າຄົນເຂົ້າຮ່ວມ.

ເຊິ່ງຕາງຄະນະຜູ້ແທນໄດ້ຮ່ວມກັນປຶກສາຫາລື ແລະ ແລກປ່ຽນບັນຫາສໍາຄັນພາຍໃນພາກພື້ນ ລວມທັງບັນຫາສາກົນປິ່ນອອ້ມໂດຍສະເພາະການຮ່ວມມືດ້ານການພັດທະນາເສດຖະກິດ-ສັງຄົມ,ການຄ້າ, ການລົງທຶນ, ການພັດທະນາເຕັກໂນໂລຊີ ແລະ ນະວັດຕະກໍາໃຫມ່, ການເຊື່ອມໂຢງ, ນະໂຍບາຍເປີດກວ້າງ ແລະ ອື່ນໆ.

ທ່ານ ຫລີ ເຄີ້ ສຽງ ນາຍົກລັດຖະມົນຕີແຫ່ງ ສປ ຈີນ ໄດ້ກ່າວວ່າ: ຈີນໄດ້ສືບຕໍ່ປັບປຸງກົດຫມາຍ ແລະ ສ້າງກົດລະບຽບຕ່າງໆເພື່ອສະຫນັບສະຫນູນການຈັດຕັ້ງປະຕິບັດການລົງທຶນຕ່າງປະເທດບົນພື້ນຖານຄວາມສະເຫນີພາບລະຫວ່າງນັກລົງທຶນພາຍໃນ-ຕ່າງປະເທດ,ເປີດໂອກາດໃຫ້ມີການເຂົ້າເຖິງຕະຫລາດຫລາຍຂຶ້ນກວ່າເກົ່າ, ເພີ່ມທະວີການຮ່ວມມື, ສ້າງຄວາມອົກເຂົ້າໃຈ; ເພີ່ມໂອກາດການພັດທະນາດ້ານເສດຖະກິດ-ສັງຄົມ, ການຄ້າ,ການລົງທຶນ, ການເງິນ, ການໄປມາຫາສູ່ກັນ ແລະ ອື່ນໆ.

ພ້ອມດຽວກັນນີ້, ທ່ານ ທອງລຸນ ສີສຸລິດ ​ກ່າວ​ວ່າ: ປັດຈຸບັນພວກເຮົາໄດ້ດໍາລົງຊີວິດໃນທ່າມກາງສະພາບການຂອງໂລກຜັນແປຢ່າງວອ່ງໄວ ເຊິ່ງໄດ້ຄວາມກາງວົນຕໍ່ປະຊາຄົມໂລກໂດຍສະເພາະຄວາມຫມັ້ນຄົງດ້ານການເມືອງ, ສັນຕິພາບ, ຄວາມໄວ້ເນື້ອເຊື່ອໃຈເຊິ່ງກັນ-ກັນ ແລະ ອື່ນໆໄດ້ກາຍເປັນບັນຫາອອ່ນໄຫວຄວນລະມັດລະວັງ ແລະ ຄວນມຸ່ງຫມັ້ນເພີ່ມການຮ່ວມມື ຄວາມເຂົ້າໃຈ ແລະ ເພື່ອນມິດສະຫາຍເພື່ອການພັດທະນາຍືນຍົງ. ເສັ້ນທາງແຫ່ງການເປີດກວ້າງເຊິ່ງກັນ-ກັນຈະເປັນນະໂຍບາຍທິ່ດີ ແລະ ເປັນເງື່ອນໄຂໃຫ້ປະເທດດ້ອຍພັດທະນາ, ປະເທດກໍາລັງພັດທະນາ ແລະ ພັດທະນາແລ້ວໄດ້ມີໂອກາດເຂົ້າເຖິງນະໂຍບາຍເປີດກວ້າງເພື່ອການພັດທະນາ, ການເຂົ້າເຖິງແຫລ່ງທຶນ, ການພັດທະນາເຕັກໂນໂລຊີໃຫມ່ ພວກເຮົາມຸ່ງຫນ້າສູ່ການເຊື່ອມໂຍງ ແລະ ການເຊື່ອມຈອດກັນຖືກເປັນຫົວໃຈສໍາຄັນໃນການຮ່ວມແຮງຮ່ວມໃຈ ແລະ ຮ່ວມການພັດທະນາເພື່ອກ້າວໄປສູ່ການຮ່ວມອະນາຄົດທີ່ຈະເລີນກ້າວຫນ້າ, ຮຸ່ງເຮືອງ ແລະ ວັດທະນາຖາວອນຮ່ວມກັນຂອງບັນດາປະຊາຊາດຂອງພວກເຮົາຢ່າງເປັນຮູບປະທໍາ. 

ອ່ານ​ຂ່າວ​ຕົ້ນ​ສະ​ບັບ​ໄດ້​ທີ່: facebook.com/421087478095038

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),