ອີງຕາມຂໍ້ມູນຈາກ ກະຊວງສຶກສາທິການ ແລະ ກິລາ ໃຫ້ຮູ້ວ່າ ສຳລັບປີ 2019 ກະຊວງສຶກສາທິການ ແລະ ກິລາ ຈະສຸມໃສ່ການຂະຫຍາຍໂອກາດການເຂົ້າຮຽນຂອງ ນັກຮຽນໃນສະຖາບັນການສຶກສາຊັ້ນສູງ, ຈະສືບຕໍ່ ປະຕິບັດນະໂຍບາຍໃຫ້ທຶນການສຶກສາ ແກ່ນັກຮຽນເກັ່ງ ເພດຍິງ ແລະ ຜູ້ດ້ອຍໂອກາດຈາກຄອບຄົວທຸກຍາກ ຊຶ່ງຈຳນວນ 20% ແມ່ນໄດ້ຮັບເບ້ຍລ້ຽງຈາກລັດຖະບານ ໃນນີ້ 10% ແມ່ນຈະມອບໃຫ້ມະຫາວິທະຍາໄລ ຄົ້ນຄວ້າ ຄັດ ເລືອກ ແລະ ອີກ 10% ຈະມອບໃຫ້ພະແນກ ສຶກສາທິການ ແລະ ກິລາ.
ແຕ່ລະແຂວງຄົ້ນຄວ້າ ຄັດເລືອກ ແລະ 80% ແມ່ນຈ່າຍຄ່າຮຽນ ໂດຍການສອບເສັງລະດັບຊາດ, ຊຸກຍູ້ການແລກປ່ຽນ ແລະ ຮ່ວມມືກັບຕ່າງປະເທດ ລະຫວ່າງນັກສຶກສາ ຄູ-ອາຈານ ເພື່ອພັດທະນາການ ສຶກສາຊັ້ນສູງ ໃຫ້ມີ ຄຸນນະພາບກ້າວສູ່ຂົງເຂດ ແລະ ສາກົນ, ສືບຕໍ່ປະເມີນ ບັນດາວິທະຍາໄລ ຕິດຕາມການສອບເສັງເຂົ້າຮຽນ ມະຫາ ວິທະຍາໄລ 4 ແຫ່ງ ແລະ ສະຖາບັນການສຶກສາຊັ້ນສູງ ແຫ່ງຕ່າງໆ ປະຈຳສົກສຶກສາ 2019-2020 ແລະ ອື່ນໆ.
ປັດຈຸບັນທົ່ວປະເທດມີສະຖາບັນການສຶກສາຊັ້ນສູງ 80 ແຫ່ງ ໃນນີ້ ພາກລັດ 21 ແຫ່ງ ເອກະຊົນ 59 ແຫ່ງ.
ທີ່ມາ:
https://www.laothai.net
