Tuesday, February 11, 2025

ເມືອງໄຊເສດຖາ ເປີດການສອບເສັງຈົບຊັ້ນ ປ.5

ຫ້ອງ­ການ​ສຶກ​ສາ ແລະ ກີ­ລາ ເມືອງ​ໄຊ​ເສດ​ຖາ ນະ­ຄອນ­ຫຼວງ​ວຽງ​ຈັນ (ນວ) ໄຂ​ການ​ສອບ­ເສັງ​ຈົບ​ຊັ້ນ​ປະ­ຖົມ ປ5 ທົ່ວ​ເມືອງ ຂຶ້ນ​ວັນ​ທີ 27 ພຶດ­ສະ­ພາ 2019 ຢູ່​ຫ້ອງ­ການ​ດັ່ງ­ກ່າວ ໂດຍ​ມີ​ທ່ານ ຄຳ​ສະ­ຫວັນ ໂຄດ​ໄຊ ຮອງ​ເຈົ້າເມືອງ​ໄຊ​ເສດ​ຖາ ທ່ານ ສົມ​ພອນ ສອນ​ດາ­ລາ ຮອງ​ຫົວ­ໜ້າ​ພະ​ແນກ​ສຶກ​ສາ ແລະ ກີ­ລາ ນວ ພ້ອມ​ດ້ວຍ​ຄະ­ນະ​ກຳ­ມະ­ການ ພະ­ນັກ­ງານ ຄູ-ອາ­ຈານ ແລະ ນັກ­ຮຽນ ເຂົ້າ​ຮ່ວມ.

ທ່ານ ຈັນ​ແດງ ພົງ​ສະ​ຫວັດ ຫົວ­ໜ້າ​ຫ້ອງ­ການ​ສຶກ​ສາ ແລະ ກີ­ລາ ເມືອງ​ໄຊ​ເສດ​ຖາ ກ່າວ​ວ່າ: ເພື່ອ​ເປັນ​ການ​ຕິດ­ຕາມ​ກວດ­ກາ ແລະ ປະ​ເມີນ​ຜົນ​ຕໍ່​ການ​ບໍ­ລິ­ຫານ​ຄຸ້ມ​ຄອງ​ໂຮງ­ຮຽນ​ສາ­ມັນ​ສຶກ​ສາ​ທົ່ວ​ເມືອງ​ໄຊ​ເສດ​ຖາ ໂດຍ​ສະ­ເພາະ​ການ​ຮຽນ-ການ​ສອນ ການ​ປະ­ຕິ­ບັດ​ໂຄງ­ການ​ຫຼັກ­ສູດ 3 ຂໍ້​ແຂ່ງ­ຂັນ​ທີ່​ກະ­ຊວງ​ສຶກ​ສາ​ທິ​ການ ແລະ ກິ­ລາ​ວາງ​ອອກ ໃຫ້​ປາ­ກົດ​ຜົນ​ເປັນ​ຈິງ.

ເພື່ອ​ປະ­ຕິ­ບັດ​ຕາມ​ແຜນ­ການ​ສຶກ​ສາ​ຂອງ​ຫ້ອງ­ການ​ສຶກ​ສາ ແລະ ກີ­ລາ ເມືອງ​ໄຊ​ເສດ​ຖາ ປະ­ຈຳ​ສົກ­ຮຽນ 2018-2019 ເພື່ອ​ເຮັດ​ໃຫ້​ລະ­ບົບ​ການ­ຈັດ­ຕັ້ງ​ສອບ­ເສັງ​ຈົບ​ຊັ້ນ​ປະ­ຖົມ​ສຶກ​ສາ­ມີ​ຄວາມ​ເໝາະ​ສົມ ແລະ ສອດ­ຄ່ອງ​ກັບ​ຫຼັກ­ສູດ​ໃໝ່ ທີ່​ກຳ­ລັງ​ຈັດ​ຕັ້ງ​ປະ­ຕິ­ບັດ​ຢູ່​ໃນ​ປັດ­ຈຸ­ບັນ ໃຫ້​ມີ​ຄວາມ​ເປັນ​ເອ­ກະ​ພາບ​ກັນ​ດ້ານ​ທິດ​ທາງ ເນື້ອ​ໃນ ຮູບ​ການ ແລະ ວິ­ທີ​ການ​ໃນ​ການ­ຈັດ­ຕັ້ງ​ປະ­ຕິ­ບັດ​ການ​ສອບ­ເສັງ​ຈົບ​ຊັ້ນ​ປະ­ຖົມ ທີ່​ກະ­ຊວງ​ສຶກ​ສາ​ທິ​ການ ແລະ ກິ­ລາ​ວາງ​ອອກ.

ເມືອງ​ໄຊ​ເສດ​ຖາ ມີ​ໂຮງ­ຮຽນ​ປະ­ຖົມ​ສົມ­ບູນ 70 ແຫ່ງ ໃນ​ນີ້ ພາກ​ລັດ 38 ແຫ່ງ ເອ­ກະ​ຊົນ 32 ແຫ່ງ ມີ​ນັກ­ຮຽນ 1.972 ຄົນ ຍິງ 875 ຄົນ ແບ່ງ​ເປັນ 7 ສູນ​ສອບ­ເສັງ ມີ 70 ຫ້ອງ ນຳ​ໃຊ້​ກຳ­ມະ­ການ​ສອບ­ເສັງ 306 ຄົນ.

ໂອ­ກາດ​ນີ້ ທ່ານ ຄຳ​ສະ­ຫວັນ ໂຄດ​ໄຊ ກໍ​ໄດ້​ໃຫ້​ກຽດ​ມອບ​ຫົວ​ບົດ​ສອບ­ເສັງ​ຊັ້ນ ປ5 ໃຫ້ 7 ສູນ​ສອບ­ເສັງ ເພື່ອ​ດຳ­ເນີນ​ການ​ສອບ­ເສັງ​ໃນ​ວັນ​ທີ 28-29 ພຶດ­ສະ­ພາ 2019.

ແຫຼ່ງຂໍ້ມູນ: ໜັງສືພິມວຽງຈັນໃໝ່

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

VietJet ລາຍງານຜົນປະກອບການທຸລະກິດສູງສຸດນັບແຕ່ Covid-19 ໃນປີ 2024

(ນະຄອນຫຼວງວຽງຈັນ, ວັນທີ 07 ກຸມພາ 2025) – VietJet ສໍາເລັດການເຕີບໂຕທາງທຸລະກິດທີ່ໜ້າປະທັບໃຈໃນປີ 2024, ຂະຫຍາຍເຄື່ອຂ່າຍການບິນສາກົນ ແລະ ຝູງເຮືອບິນທີ່ທັນສະໄໝ ຂະນະດຽວກັນກໍ່ຍັງສ້າງລາຍໄດ້ ແລະ ກໍາໄລໃນລະດັບສູງສຸດເປັນປະຫວັດສາດ. ຄວາມສໍາເລັດຢ່າງຕໍ່ເນື່ອງຂອງສາຍການບິນແມ່ນ ບາດກ້າວອັນສໍາຄັນໃນການຟື້ນຕົວ ແລະ ຂະຫຍາຍໂຕຫຼັງຈາກໂລກລະບາດ Covid-19.

ເລີ່ມຕົ້ນປີດ້ວຍການປ່ຽນແປງຕົນເອງ ເພື່ອເປັນຄົນໃໝ່ທີ່ດີກວ່າ

ໃນຊ່ວງປີໃໝ່ແບບນີ້ຫຼາຍຄົນກໍມັກຈະຖືໂອກາດຕັ້ງເປົ້າໝາຍໃຫ້ຕົນເອງ ເພື່ອການປ່ຽນແປງທີ່ດີກວ່າປີທີ່ຜ່ານມາບໍ່ວ່າຈະເປັນດ້ານຄວາມຄິດ, ຄວາມສຳພັນ ແລະ ສັກກາຍະພາບ ຄວາມຮູ້ ຄວາມສາມດຂອງຕົນເອງ ຖ້າໃຜຍັງບໍ່ຮູ້ຈະຕັ້ງເປົ້າໝາຍໃຫ້ກັບຕົນເອງແນວໃດລອງມາເບິ່ງ 10 ວິທີງ່າຍໆໃນການພັດທະນາຕົນເອງທີ່ໃຜໆກໍເຮັດໄດ້:

ເປັນຫຍັງ? ຜົມຈຶ່ງຫງອກກ່ອນໄວ

ມັນເປັນເລື່ອງປົກກະຕິທີ່ເຮົາອາຍຸຫຼາຍຂຶ້ນຜົມຈະຫງອກຂາວໄປຕາມທຳມະຊາດຂອງການເຕີບໂຕ ແຕ່ຖ້າອາຍຸຍັງນ້ອຍແຕ່ຊ້ຳພັດມີຜົມຂາວແລ້ວ ມັນເປັນຍ້ອນຫຍັງແທ້? ປັດຈຸບັນ ໄວໜຸ່ມບາງຄົນອາຍຸຍັງບໍ່ຮອດເລກສາມເທື່ອ ແຕ່ມີຜົມຂາວເປັນຈຳນວນຫຼາຍ ລອງມາເບິ່ງສາເຫດທີ່ພົບເຫັນໄດ້ຫຼາຍນຳກັນ: