ເມືອງບາຈຽງຈະເລີນສຸກ ແຂວງຈຳປາສັກ ໄດ້ຈັດງານຕະຫຼາດນັດວາງສະແດງສິນຄ້າກະສິກຳ ແລະຫັດຖະກຳຄັ້ງທີ 15 ຂຶ້ນໃນລະຫວ່າງວັນທີ 31 ພຶດສະພາ 2019 ທີ່ບ້ານຫວ້ຍແຫ່ ຫັກ 21, ໂດຍການເຂົ້າຮ່ວມຂອງທ່ານ ເມກສະຫັວນ ພົມພິທັກ ປະທານສານປະຊາຊົນ ແຂວງຈໍາປາສັກ, ມີຄະນະມີບັນດາແຂກຖືກເຊີນ, ພາຍໃນ ແລະຕ່າງແຂວງ, ຜູ້ປະກອບການທາງດ້ານກະສິກໍາຕົວແບບການຜະລິດ ເຂົ້າຮວ່ມ.
ທ່ານ ໂສມ ບຸດຕະກຸນ ເຈົ້າເມຶອງບາຈງງ ຈະເລີນສຸກ ກ່າວວ່າ:
ການຈັດງານຄັ້ງນີ້: ເພື່ອເປັນການສືບທອດພູມປັນຍາ ແລະສົ່ງເສີມຜູ້ປະກອບການທາງດ້ານກະສິກຳ ແລະຫັດຖະ ກຳທີ່ກາຍເປັນສິນຄ້າພາຍໃນເມືອງ, ໃຫ້ສັງຄົມໄດ້ຮັບຮູ້ ແລະກ້າວເຂົ້າສູ່ຕະຫລາດຢ່າງກວ້າງຂວາງ, ເລັ່ງໃສ່ໃຫ້ມີການພັດທະນາ ສິນຄ້າກະສິກຳ ແລະຫັດຖະກຳໄປສູ່ຕະຫຼາດພາຍໃນ ແລະຕ່າງປະເທດ, ທັງກ້າວໄປສູ່ຄຸນນະ ພາບ, ສະອາດປອດໄພຕໍ່ຜູບໍລິໂພກ, ທັງເປັນການດຶງດູດການທ່ອງທ່ຽວພາຍໃນເມືອງບາຈຽງ ໃຫ້ມີບັນຍາກາດຄືກຄັກຍິ່ງໆຂຶ້ນ, ອີກຢ່າງໜຶ່ງກໍເປັນການເພີ່ມຖານລາຍຮັບ, ພ້ອມກັບສ້າງຂະບວນການຕ້ອນຮັບວັນປູກຕົ້ນໄມ້ແຫ່ງຊາດ ແລະວັນເດັກນ້ອຍສາກົນ ແລະກອງປະຊຸມໃຫຍ່ຄັ້ງທີ 8 ຂອງອົງຄະນະພັກເມືອງຄັ້ງທີ 8 ທີ່ຈະໄຂໃນມໍໆນີ້.
ງານຕະຫລາດນັດວາງສະແດງສິນຄ້າກະສິກຳ ແລະຫັດຖະກຳຄັ້ງທີ15 ນີ້ ຈັດຂຶ້ນພາຍໃຕ້ຄຳຂວັນ ໝາກໄມ້ດີມີຄຸນະພາບ ປອດໄພຕໍ່ຜູ້ບໍລິໂພກ, ໂດຍມີຫລາຍກວ່າ 60 ພາກສວ່ນເຂົ້າຮວ່ມ ທັງພາຍໃນ ແລະຕ່າງແຂວງ, ສະເພາະຜະລິດຕະພັນກະສິກໍາປະກອບມີ: ໝາກຖົວລຽນ, ໝາກກວ້ຍ, ໝາກເງະ ແລະໝາກໄມ້ອື່ນໆ ແລະສິ້ນຄ້າຫັດຖະກຳຈຳນວນໜຶ່ງ, ເຊິ່ງງານແມ່ນໄດ້ດໍາເນີນແຕ່ວັນທີ 31 ພຶດສະພາ ໄປຈົນເຖິງ 2 ມີຖຸນາ 2019 ນີ້.
