ກອງປະຊຸມໃກຍ່ຄັ້ງທີ 5 ຂອງສະມາຄົມໂຮງແຮມ,ເຮືອນພັກ ແລະຮ້ານອາຫານ ແຂວງຈຳປາສັກໄຂຂື້ນໃນຕອນບ່າຍ ຢູ່ທີ່ໂຮງແຮມຈຳປາສັກແກຣນ ໃຫ້ກຽດເຂົ້າຮ່ວມຂອງທ່ານ ບົວລິນ ວົງພະຈັນ ຮອງເຈົ້າແຂວງໆຈໍາປາສັກ, ມີຮອງຫົວໜ້າພະແນກ ຖວທ ແຂວງ,ປະທານ,ຮອງປະທານ ຄະນະບໍລິຫານງານ ແລະ ສະມາຊິກສະມາຄົມໂຮງແຮມ,ເຮືອນພັກ ແລະຮ້ານອາຫານເຂົ້າຮ່ວມ.
ກອງປະຊຸມຄັ້ງນີ້ ທ່ານ ທຸຍ ເພັດສະຫວັນ ປະທານສະມາຄົມໂຮງແຮມ,ເຮືອນພັກ ແລະຮ້ານອາຫານ ແຂວງຈຳປາສັກ ໄດ້ສະຫຼຸບການເຄື່ອນໄຫວຂອງສະມາຄົມໃນໄລຍະ 3 ປີທີ່ຜ່ານມາ(2116 -2018) ແລະ ທິດທາງແຜນ ການ 3 ປີຕໍ່ໜ້າ(2019-2021),ໂດຍຍົກໃຫ້ເຫັນຫຼາຍໜ້າວຽກ ທີ່ສະມາຄົມໄດ້ເອົາໃຈໃສ່ ເຊັ່ນ:
ການໂຄສະນາບັນດາໂຮງແຮມຜ່ານເວບໄຊ, ການຊອກແຫຼ່ງທຶນເຂົ້າມາຝຶກອົບຮົມ ແລະ ພັດທະນາວິຊາຊີບໃຫ້ແກ່ພະນັກງານ,ຜູ້ປະກອບການ ດ້ານໂຮງແຮມ,ເຮືອນພັກ ແລະຮ້ານອາຫານ ຊຶ່ງສ້າງພື້ນຖານເງື່ອນໄຂໃຫ້ການຮອງຮັບນັກທ່ອງທ່ຽວເດີນທາງມາຢ້ຽມຢາມທ່ອງທ່ຽວແຂວງຈຳປາສັກໃຫ້ນັບມື້ເພີ່ມຂື້ນເລື້ອຍໆ.
ໃນກອງປະຊຸມຍັງໄດ້ສະໄດ້ຜ່ານຮ່າງກົດລະບຽບຂອງສະມາຄົມໂຮງແຮມ,ເຮືອນພັກ ແລະ ຮ້ານອາຫານ ສະໄໝທີ 5 ແລະ ປ່ອນບັດຄັດເລືອກເອົາຄະນະບໍລິຫານງານສະມາຄົມຊຸດໃໝ່ອີກດ້ວຍ.
ແຫຼງຂໍ້ມູນ: MediaLaos
