ທັບນັກກີລາເຕະບານທີມຊາດລາວ ຊຸດໃຫຍ່ ລົງສະໜາມຮອບຄັດເລືອກ ນັດທີສອງ ບຸກໄປສະເໝີ ທີມຊາດບັງກລາເທດ 0-0 ປະຕູ ລວມຜົນ 2 ນັດ ທີມຊາດລາວ ເສຍ ບັງກລາເທດ 0-1 ຕົກຮອບຄັດເລືອກການແຂ່ງຂັນເຕະບານໂລກ 2022 ຮອບຄັດເລືອກ ຮອບທຳອິດ ວັນທີ 11 ມິຖຸນາ ຜ່ານມາ ຢູ່ສະໜາມກີລາແຫ່ງຊາດບັນກາບັນດູ ປະເທດບັງກລາເທດ.
ສະຖິຕິພົບກັນລະຫວ່າງທີມຊາດລາວ ພົບ ທີມຊາດບັງກລາເທດ 5 ນັດ ລາວ ຊະນະ 1 ນັດ ສະເໝີ 2 ນັດ ເສຍ 2 ນັດ ຍິງໄດ້ 4 ປະຕູ ເສຍ 4 ປະຕູ.
ສ່ວນຜົນການແຂ່ງຂັນຄູ່ອື່ນໃນຮອບຄັດເລືອກ ຮອບທີ 1 ນັດທີ 2 ທີມຊາດບຣູໄນ ຊະນະ ທີມຊາດມົງໂກລີ 2-1 (ນັດທີ 1 ມົງໂກລີ ຊະນະ ບູໄນ 2-0 ລວມຜົນ 2 ນັດ ມົງໂກລີ ຊະນະ ບູໄນ 3-2) ປາກີສະຖານ ເສຍໃຫ້ ກຳປູເຈຍ 2-1 (ນັດທີ 1 ກຳປູເຈຍ ຊະນະ ປາກີສະຖານ 2-0 ລວມຜົນ 2 ນັດ ກຳປູເຈຍ ຊະນະ ປາກີສະຖານ 4-1) ກວມ ຊະນະ ພູຖານ 5-0 (ນັດທີ 1 ພູຖານ ຊະນະ ກວມ 1-0 ລວມຜົນ 2 ນັດ ກວມ ຊະນະ ພູຖານ 5-1) ສີລັງກາ ພົບ ມາເກົາ ເລື່ອນການແຂ່ງຂັນ ເນື່ອງຈາກສະພາບອາກາດບໍ່ອຳນວຍ ນັດທີ 1 ມາເກົາ ຊະນະ ສີລັງກາ 1-0.
ສຳລັບການຈັບສະຫຼາກແບ່ງກຸ່ມຮອບຄັດເລືອກ ຮອບທີ 2 ຈະຈັດຂຶ້ນວັນທີ 17 ກໍລະກົດ 2019 ມີ 40 ທີມ ແບ່ງເປັນ 8 ກຸ່ມ ແຂ່ງ 10 ນັດ ຮູບແບບເຈົ້າບ້ານ ແລະ ໄປຢາມ ເລີ່ມແຂ່ງຂັນວັນທີ 5 ກັນຍາ 2019-9 ມິຖຸນາ 2020.
ແຫຼ່ງຂໍ້ມູນ: ນສພ ວຽງຈັນໃໝ່