ແຂວງເຊກອງ ສົ່ງອອກສິນຄ້າກະສິກຳ 100 ຕື້ກວ່າກີບ

Laos, Sekong Province

ການປູກພືດເປັນສິນຄ້າແຂວງເຊກອງ ຍັງສືບຕໍ່ຂະຫຍາຍຕົວດີພໍສົມຄວນໂດຍສະເພາະແມ່ນການປູກກາເຟ, ມັນຕົ້ນທາດແປ້ງ, ໝາກແໜ່ງ, ສາລີ, ຢາງພາລາ ແລະພືດຜັກໄດ້ກາຍເປັນທີ່ຕ້ອງການຢ່າງຍິ່ງຂອງຕະຫຼາດພາຍໃນ ແລະຕ່າງປະເທດໂດຍໃນປີ 2018 ຜ່ານມາມູນຄ່າສົ່ງອອກສິນຄ້າກະສິກໍາຂອງແຂວງບັນລຸ 100 ຕື້ກວ່າກີບ.

ພາບປະກອບ

ຕາມຂໍ້ມູນລາຍງານຈາກພະແນກກະສິກໍາ ແລະປ່າໄມ້ແຂວງເຊກອງໃຫ້ຮູ້ວ່າ:

ຂະບວນການປູກພືດເປັນສິນຄ້າຂອງປະຊາຊົນບັນດາເຜົ່າທົ່ວແຂວງເຊກອງໃນປີຜ່ານມາເຫັນວ່າມີການຂະ ຫຍາຍຕົວດີພໍສົມຄວນສ່ວນພືດທີ່ເປັນຫຼັກໃນການສົ່ງອອກແມ່ນກາເຟ,ໝາກແໜ່ງ, ຢາງພາລາ, ຜັກກະລໍ່າປີ, ກ້ວຍ, ມັນຕົ້ນທາດແປ້ງ ແລະສາລີອາຫານສັດ.

ນອກນັ້ນຍັງມີພິກໄທ, ຖົ່ວດິນໝາກເຜັດ, ທັງນີ້ກໍເນື່ອງຈາກພືດດັ່ງກ່າວແມ່ນມີທ່າແຮງດ້ານການຕະຫຼາດຮອງຮັບໃນລາຄາທີ່ຊາວກະສິກອນຍອມຮັບໄດ້ຊຶ່ງສະແດງອອກຜົນຜະລິດປີຜ່ານມາກາເຟຜະລິດໄດ້ 41,6 ພັນໂຕນ; ມັນຕົ້ນທາດແປ້ງ 34,9 ພັນໂຕນ; ຜັກກະ ລໍ່າປີ36,4 ພັນໂຕນ; ຜັກກາດຫໍ່ 10,9 ພັນໂຕນ ແລະຖົ່ວດິນ 581 ໂຕນ.

ຈາກການຂະຫຍາຍຕົວຂອງຜົນຜະລິດດັ່ງກ່າວນັ້ນໄດ້ເຮັດໃຫ້ໃນປີ 2018 ຜ່ານມາແຂວງເຊກອງສາມາດສົ່ງ ອອກສິນຄ້າກະສິກໍາໄດ້ທັງໝົດ 14,25 ລ້ານ ກວ່າໂດລາ ຫຼື ປະມານ 114 ຕື້ກວ່າກີບທຽບໃສ່ປີ 2017 ເພີ່ມ ຂຶ້ນ 12% ໃນນີ້ເດັ່ນກວ່າໝູ່ແມ່ນການສົ່ງອອກຢາງພາລາກ້ອນ 26,01 ພັນໂຕນ ມູນຄ່າ 52,17 ຕື້ກີບ; ຮອງມາແມ່ນກາເຟ 1,7 ພັນໂຕນ ມູນຄ່າ 31,6 ຕື້ກວ່າກີບ; ໝາກເຜັດ 1,4 ພັນໂຕນ ມູນຄ່າ 9,13 ຕື້ກີບ.

ພາບປະກອບ

ຂໍ້ຍັງມູນຍັງໃຫ້ຮູ້ຕື່ມອີກວ່າ: ນອກຈາກການສົ່ງອອກພືດຜັກແລ້ວການລ້ຽງສັດເປັນສິນຄ້າກໍຂະຫຍາຍຕົວເຊັ່ນກັນ, ພ້ອມມີປັດໄຈໃໝ່ເກີດຂຶ້ນກ້າວໄປສູ່ການລ້ຽງແບບເປັນຟາມໂດຍຂະນະນີ້ທົ່ວແຂວງມີຟາມລ້ຽງສັດທັງ ໝົດ 21 ຟາມ ໃນນີ້ມີຟາມລ້ຽງງົວ 4 ຟາມ ມີງົວ 1,9 ພັນໂຕ; ຟາມລ້ຽງໝູ 5 ຟາມ ມີໝູ 6,2 ພັນໂຕ; ຟາມລ້ຽງແບ້ 1 ຟາມ ມີແບ້ 306 ໂຕ; ຟາມລ້ຽງສັດປີກ 1 ຟາມ ມີສັດປີກ 23,6 ພັນໂຕ ແລະມີຟາມລ້ຽງປາ 10 ຟາມ ມີປາທັງ ໝົດ 3 ລ້ານໂຕ.

ແຫຼ່ງຂໍ້ມູນ: ໜັງສືພິມເສດຖະກິດ-ສັງຄົມ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ເອັສຊີຈີ ສານຕໍ່ ໂຄງການ “SCG Sharing the Dream 2026”

ມອບທຶນການສຶກສາແກ່ເຍົາວະຊົນ ໃນ ສປປ ລາວ ຕໍ່ເນື່ອງເປັນປີທີ 15 ສ້າງຄົນລຸ້ນໃໝ່ "Green Active Generation" ພັດທະນາປະເທດໃຫ້ຍືນຍົງ 5 ພະຈິກ 2026 - ນະຄອນຫຼວງວຽງຈັນ ສປປ ລາວ: ກະຊວງສຶກສາທິການ ແລະ ກິລາ ສປປ ລາວ ຮ່ວມກັບ ເອັສຊີຈີ...

ຊຳຊຸງ ເປີດໂຕ 3 ຮຸ່ນໃໝ່ ຕ້ອນຮັບທ້າຍປີ ເນັ້ນປະສິດທິພາບດີ ໃນລາຄາທີ່ເຂົ້າເຖິງໄດ້

ຊຳຊຸງວາງຈຳໜ່າຍ Galaxy A18, Galaxy A08 ແລະ Galaxy A07s ແລ້ວໃນ ສປປ ລາວ ຍົກຈຸດເດັ່ນດ້ານປະສິດທິພາບ ດ້ວຍຊິບເຊັດລຸ້ນໃໝ່ MediaTek Helio G99+ ແລະ RAM Plus ທີ່ຊ່ວຍເພີ່ມຄວາມໄວໃນການ ຮັບ-ສົ່ງ ຂໍ້ມູນ ຫຼຸດອາການໜ່ວງ ເປີດແອັບພລິເຄຊັນໄດ້ໄວ,...

ປະຫວັດຄວາມເປັນມາຂອງ “ບຸນຊ່ວງເຮືອ” ປະເພນີລາວ.

ບຸນຊ່ວງເຮືອ ແມ່ນບຸນປະເພນີ ທີ່ໄດ້ປະຕິບັດສືບທອດກັນມາ ແຕ່ບູຮານນະການຈົນເຖິງທຸກວັນນີ້ ແລະ ເປັນກິດຈະກຳແຂ່ງຂັນກັນທາງນໍ້າທີ່ສອດຄ່ອງກັບວິຖີຊີວິດ, ຄວາມເປັນຢູ່ຂອງຄົນລາວ ແລະ ມັກມີການແຂ່ງຂັນເຮືອຄວບຄູ່ໄປກັບການເຮັດບຸນຊ່ວຍສ້າງບັນຍາກາດ ເຮັດໃຫ້ພາຍໃນງານບຸນມີຄວາມຄຶກຄື້ນມ່ວນຊື່ນຍິ່ງຂຶ້ນ.