Monday, July 22, 2024
Lenovo

ສ້າງຕັ້ງສະມາຄົມມັນຕົ້ນລາວຢ່າງເປັນທາງການ

ທີ່ໂຮງແຮງລາວພລາຊາ ນະຄອນຫຼວງວຽງຈັນ ໄດ້ມີພິທີເປີດກອງປະຊຸມສ້າງຕັ້ງສະມາຄົມມັນຕົ້ນລາວຢ່າງເປັນທາງການ ໃຫ້ກຽດເຂົ້າຮ່ວມຂອງທ່ານ ບຸນແຂວງ ຄໍາບຸນເຮືອງ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ພ້ອມດ້ວຍຜູ່ຕາງໜ້າຈາກກະຊວງ ແລະ ພະແນກການກ່ຽວຂ້ອງ ຕະຫຼອດຮອດສະມາຊິກສະມາຄົມ ຫົວໜ່ວຍທຸລະກິດ ແລະ ແຂກຖືກເຊີນເຂົ້າຮ່ວມ.

ໃນກອງປະຊຸມ ທ່ານ ຄໍາມະນີ ວົງຊາຕີ ຮອງປະທານຄະນະຂົນຂວາຍສ້າງຕັ້ງສະມາຄົມມັນຕົ້ນລາວ ໄດ້ຜ່ານມະຕິກອງປະຊຸມສ້າງຕັ້ງສະມາຄົມວ່າ:

ກອງປະຊຸມເປັນເອກະພາບຮັບຮອງເອົາຄະນະບໍລິຫານງານສະມາຄົມປະກອບມີ 7 ທ່ານຄື: ທ່ານ ນາງ ອິນແປງ ຊາມຸນຕີ ເປັນປະທານ ທ່ານ ສີສະຫວັດ ໂຄດສີເມືອງ ແລະ ທ່ານ ແກ້ວລໍາພອນ ແສງສຸລິເດດ ເປັນຮອງປະທານ ທ່ານ ຄໍາໄໝ ສຸກປະເສີດ ທ່ານ ບຸນເຖິງ ເທບສຸວັນ ທ່ານ ຄໍາເພັດ ພອນປະເສີດ ແລະ ທ່ານ ຂັນທະວົງ ດາລາວົງ ເປັນຄະນະ ພ້ອມນັ້ນກອງປະຊຸມຍັງໄດ້ເປັນເອກະພາບຮັບຮອງເອົາທ່ານ ຄໍາມະນີ ວົງຊາຕີ ເປັນປະທານກວດກາ ແລະ ທ່ານ ສົມໄຊ ທະນູສິນ ເປັນຮອງ.

ນອກນັ້ນ ບັນດາບໍລິສັດໄດ້ມອບເງິນປະກອບສ່ວນສະໜັບສະໜູນສະມາຄົມປະກອບມີ: ບໍລິສັດ ປາກຊ່ອງພັດທະນາຂາອອກ-ຂາເຂົ້າ ຈໍາກັດຜູ້ດຽວ ສະພາການຄ້າ ແລະ ອຸດສະຫະກໍາແຂວງສາລະວັນ ບໍລິສັດ ແກ້ວທະວີຄູນເພີ່ມພູນຊັບ ຂາອອກ-ຂາເຂົ້າ ຈໍາກັດຜູ້ດຽວ ແລະ ບໍລິສັດ ສຸກໃຈພັດທະນາ ຈໍານວນ 210.000.000 ກີບ ບໍລິສັດ ປາກຊ່ອງໄທກະເສດ ຈໍາກັດ 200.000 ບາດ (ປະມານ 60 ລ້ານກີບ) ກຸ່ມບໍລິສັດ ອຸບົນ-ໄບໂອ ເອທານອນ ແລະ ບໍລິສັດແປ້ງມັນ KPN ບໍລິສັດລະ 100.000 ບາດ ລວມເປັນ 2 ແສນບາດ ປະມານ 60 ລ້ານກີບ.

ແຫຼ່ງຂໍ້ມູນ: ໜັງສືພິມວຽງຈັນໃໝ່

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.