Monday, July 22, 2024
Lenovo

ເປີດສູນເຝິກອົບຮົມ ລາວ-ຈີນ ດ້ານອາຊີວະສຶກສາ ແລະ ເຝິກອົບຮົມວິຊາຊີບ

ພິ­ທີ​ໄຂ​ສູນ​ເຝິກ­ອົບ­ຮົມ ລາວ-ຈີນ ດ້ານ​ອາ­ຊີ­ວະ​ສຶກ​ສາ ແລະ ເຝິກ­ອົບ­ຮົມ​ວິ­ຊາ​ຊີບ ແລະ ໄຂ​ເຝິກ­ອົບ­ຮົມ​ຄູ​ກ່ຽວ​ກັບ​ວິ­ຊາ​ການ​ນຳ​ທ່ຽວ ຈັດ​ຂຶ້ນຢູ່​ສູນ​ພັດ­ທະ­ນາ​ຄູ​ອາ­ຊີ­ວະ​ສຶກ​ສາ ໂດຍ​ມີ​ທ່ານ​ນາງ ສູນ​ທອນ ໄຊ​ຍະ​ຈັກ ຫົວ­ໜ້າ​ຄະ­ນະ​ພົວ­ພັນ​ຕ່າງ­ປະ­ເທດ​ສູນ​ກາງ​ພັກ ທ່ານ ກອງ​ສີ ແສງ​ມະ­ນີ ຮອງ​ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ (ສສກ) ທ່ານ ອາດ​ສະ­ພັງ​ທອງ ສີ​ພັນ​ດອນ ຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ທ່ານ ວັນ​ກຸຍ​ຊູ ຮອງ​ຫົວ­ໜ້າ​ພະ­ແນກ­ການ​ສຶກ​ສາ​ແຂວງ​ຫູ​ໜານ ສປ ຈີນ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ທ່ານ ໜູ​ພັນ ອຸດ​ສາ ຫົວ­ໜ້າ​ກົມ​ອາ­ຊີ­ວະ ກະ­ຊວງ ສສກ ກ່າວ​ວ່າ:

ການ​ໄຂ​ສູນ ແລະ ເຝິກ­ອົບ­ຮົມ​ຄັ້ງ​ນີ້ ແມ່ນ​ການ​ຮ່ວມ​ມື​ລະ­ຫວ່າງ​ສະ​ຖາ​ບັນ​ພັດ­ທະ­ນາ​ອາ­ຊີ­ວະ​ສຶກ​ສາ ສປປ ລາວ ແລະ ວິ­ທະ­ຍາ­ໄລ​ເຕັກ­ນິກ​ກິດ­ຈະ­ກຳ​ພົນ​ລະ​ເຮືອນ​ຊາງ​ຊາ ແຂວງ​ຫູ​ໜານ ສປ ຈີນ ເຊິ່ງ​ໄດ້​ລົງ​ນາມ​ບົດ​ບັນ­ທຶກ​ການ​ຮ່ວມ​ມື ໃນ​ປີ 2018 ຈາກ​ນັ້ນ ສອງ​ຝ່າຍ​ກໍ​ໄດ້​ວາງ​ແຜນ​ພັດ­ທະ­ນາ​ສູນ​ເຝິກ ອົບ­ຮົມ ລາວ-ຈີນ ດ້ານ​ອາ­ຊີ­ວະ​ສຶກ​ສາ ແລະ ເຝິກ­ອົບ­ຮົມ​ວິ­ຊາ​ຊີບ​ເຂົ້າ​ສູ່​ລວງ​ເລິກ ພ້ອມ​ທັງ​ໄດ້​ຮ່ວມ​ກັນ​ໄຂ​ສູນ​ເຝິກ­ອົບ­ຮົມ​ຢູ່​ວິ­ທະ­ຍາ­ໄລ​ເຕັກ­ນິກ​ກິດ­ຈະ­ກຳ​ພົນ​ລະ​ເຮືອນ​ຊາງ​ຊາ ໃນ​ເດືອນ​ເມ­ສາ 2019 ແລະ ໄຂ​ເຝິກ­ອົບ­ຮົມ​ໃຫ້​ຄູ​ສອນ​ອາ­ຊີ­ວະ​ສຶກ​ສາ​ຂອງ​ລາວ 14 ຄົນ ສາ­ຂາ​ວິ­ຊາ ເມ​ກາ​ໂຕຣ​ນິກ ແລະ ຄັ້ງ​ນີ້​ກໍ​ໄດ້​ໄຂ​ສູນ​ເຝິກ­ອົບ­ຮົມ ລາວ-ຈີນ ດ້ານ​ອາ­ຊີ­ວະ​ສຶກ​ສາ ແລະ ເຝິກ­ອົບ­ຮົມ​ວິ­ຊາ​ຊີບ ແລະ ໄຂ​ເຝິກ­ອົບ­ຮົມ​ຄູ​ກ່ຽວ​ກັບ​ວິ­ຊາ​ການ​ນຳ​ທ່ຽວ ໂດຍ​ມີ​ສຳ​ມະ​ນາ​ກອນ 24 ຄົນ ໄລ­ຍະ​ເຝິກ­ອົບ­ຮົມ 10 ວັນ ຮູບ​ແບບ​ການ​ຮ່ວມ​ມື ແລະ ກິດ­ຈະ­ກຳ​ຂອງ​ທັງ​ສອງ​ສະ​ຖາ​ບັນ ແມ່ນ​ມີ​ຄວາມ​ໝາຍ​ສຳ­ຄັນ​ຫຼາຍ​ຕໍ່​ການ​ພັດ­ທະ­ນາ​ວຽກ​ງານ​ອາ­ຊີ­ວະ​ສຶກ​ສາ ແລະ ເຝິກ­ອົບ­ຮົມ​ວິ­ຊາ​ຊີບ​ຂອງ ສປປ ລາວ ທັງ​ເປັນ​ການ​ສືບ­ຕໍ່​ຈັດ​ຕັ້ງ​ປະ­ຕິ­ບັດ​ນະ­ໂຍ­ບາຍ “ໜຶ່ງ​ແລວ ໜຶ່ງ​ເສັ້ນ­ທາງ” ຂອງ​ປະ­ທານ ສີ ຈິ້ນ​ຜິງ ເລ­ຂາ­ທິ­ການ​ໃຫຍ່​ພັກ​ກອມ​ມູ​ນິດ​ຈີນ ການ​ຮ່ວມ​ມື​ຄັ້ງ​ນີ້​ຈະ​ເປັນ​ການ​ປະ­ກອບ­ສ່ວນ​ໃນ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ເວົ້າ​ສະ­ເພາະ ການ​ພັດ­ທະ­ນາ​ກໍ່­ສ້າງ ແລະ ບຳ­ລຸງ​ຄູ​ອາ­ຊີ­ວະ​ສຶກ​ສາ ແລະ ການ​ພັດ­ທະ­ນາ​ທັກ​ສະ ສີ­ມື​ແກ່​ແຮງ​ງານ​ລາວ​ໃຫ້​ສາ­ມາດ​ສ້າງ​ວຽກ​ເຮັດ​ງານ​ທຳ ແລະ ປັບ­ປຸງ​ຊີ­ວິດ​ການ​ເປັນ​ຢູ່​ນັບ​ມື້​ດີ​ຂຶ້ນ.

ທ່ານ ວັນ​ກຸຍ​ຊູ ກ່າວ​ວ່າ:

ສູນ​ເຝິກ­ອົບ­ຮົມ ລາວ-ຈີນ ດ້ານ​ອາ­ຊີ­ວະ​ສຶກ​ສາ ແລະ ເຝິກ­ອົບ­ຮົມ​ວິ­ຊາ​ຊີບ ແລະ ໄຂ​ເຝິກ​ອົບ ຮົມ​ຄູ​ກ່ຽວ​ກັບ​ວິ­ຊາ​ການ​ນຳ​ທ່ຽວ ມີ​ຄວາມ​ໝາຍ​ສຳ­ຄັນ​ຍິ່ງ​ຕໍ່​ການ​ເພີ່ມ​ທະ­ວີ​ຄວາມ​ເຂົ້າ­ໃຈ​ກັນ ການ​ຮ່ວມ​ມື​ແລກ­ປ່ຽນ ແລະ ສົ່ງ ເສີມ​ພັດ­ທະ­ນາ​ຮ່ວມ​ກັນ ຫູ​ໜານ ເປັນ​ແຂວງ​ໜຶ່ງ​ທີ່​ມີ​ພົນ­ລະ­ເມືອງ​ຫຼາຍ ວັດ­ທະ­ນະ­ທຳ​ຂອງ​ຫູ​ໜານ​ເຂັ້ມ­ແຂງ ແລະ ເລິກ­ເຊິ່ງ.

ໄລ­ຍະ​ຜ່ານ​ມາ ແຂວງ​ຫູ​ໜານ​ໄດ້​ຢຶດ​ໝັ້ນ​ພັດ­ທະ­ນາ​ການ​ສຶກ​ສາ​ເປັນ​ບຸ­ລິ­ມະ­ສິດ ໂສມ​ໜ້າ­ການ​ສຶກ​ສາ​ໄດ້​ປ່ຽນ­ແປງ​ຢ່າງ​ພິກ​ຟ້າ​ຂວ້າມ​ແຜ່ນ­ດິນ ການ​ພັດ­ທະ­ນາ​ພາ­ລະ­ກິດ​ໄດ້​ຮັບ​ຜົນ­ສຳ­ເລັດ​ຢ່າງ­ຮອບ­ດ້ານ ແລະ ມີ​ລັກ­ສະ­ນະ​ປະ­ດິດ​ສ້າງ ບັນ­ລຸ​ແບບ​ກ້າວ​ກະ­ໂດດ ປີ 2018 ຫູ​ໜານ ມີ​ວິ­ທະ­ຍາ­ໄລ​ທຸກ​ລະ­ດັບ 27.000 ກວ່າ​ແຫ່ງ ຄູ-ອາ­ຈານ 937.000 ຄົນ ນັກ​ສຶກ​ສາ 13.501.000 ຄົນ ຂະ­ໜາດ​ລວມ​ການ​ສຶກ​ສາ​ເປັນ​ອັນ​ດັບ 7 ແລະ ລະ­ດັບ​ການ​ພັດ­ທະ­ນາ​ແບບ​ລວມ​ເປັນ​ອັນ​ດັບ​ແຖວ​ໜ້າ​ໃນ​ທົ່ວ​ປະ­ເທດ.

ແຫຼ່ງຂໍ້ມູນ: ໜັງສືພິມວຽງຈັນໃໝ່

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.