ສຸດຍອດ!!! ໂຮງຮຽນແຫ່ງທໍາອິດ ໃນ ສປປ ລາວ ຈະປາສະຈາກ ຈອກ ແລະ ທໍ່ດູດ ພລາສຕິກ ??

ມາແລ້ວ ໂຮງຮຽນທໍາອິດ ໃນ ສປປ ລາວ ສະແດງເຈດຈໍານົງ ຢ່າງໜັກແໜ້ນ ເປັນໂຮງຮຽນ ປາດສະຈາກ ຈອກ ແລະ ທໍ່ດູດ ພລາສຕິກ ໂຮງຮຽນທໍາອິດ ໃນປະເທດລາວ ??!!!

ທ່ານ ຄໍາແກ້ວ ອຸນນານົງນຸດ, ອໍານວຍການໂຮງຮຽນ ແກ້ວປັນຍາ, ເມືອງຊໍາເໜືອ ແຂວງຫົວພັນ ກ່າວວ່າ:

ທາງໂຮງຮຽນກໍາລັງດໍາເນີນການປູກຈິດສໍານຶກ ແລະ ຝຶກວິໄນ ໃຫ້ແກ່ນ້ອງໆນັກຮຽນ ແລະ ຄູອາຈານ ໃນໂຮງ ຮຽນ ໃນການປະກອບສ່ວນຮັກສາສິ່ງແວດລ້ອມ ໂດຍເລີ້ມທົດລອງໃຫ້ນັກຮຽນ ເອົາວັດຖຸ(ໄມ້ໄຜ່) ທີ່ມີຈາກທຳມະຊາດມາຜະລິດ ເປັນຈອກ ແລະ ທໍ່ດູດ ໃຫ້ຕົນເອງ

ເພື່ອຈຸດປະສົງ ໃນການຫຼຸດຜ່ອນ ການຊື້ນໍ້າ ແລະ ເຄື່ອງດື່ມ ທີ່ບັນຈຸຂວດ ພລາສຕິກ.

ໃນເບື້ອງຕົ້ນ ເຖິງແມ່ນວ່າ ມັນຈະຫຍຸ້ງຍາກແດ່ ທີ່ຈະໃຊ້ວັດຖຸທໍາມະຊາດໄມ້ໄຜ່ມາທົດແທນ ພາຊະນະປະເພດພລາສຕິກ ແຕ່ເຊື່ອແນ່ວ່ານ້ອງໆແຕ່ລະຄົນ ຈະເຫັນຄວາມສໍາຄັນ ແລະ ຄ່ອຍໆປັບປ່ຽນແນວຄິດມັກງ່າຍ ກິນງ່າຍຂອງຕົນເອງລົງ ເພື່ອໂລກທີ່ງົດງາມຂອງພວກເຮົາໃຫ້ໜ້າຢູ່ຂຶ້ນ.