Friday, June 14, 2024
Lenovo

ສປປ.ລາວ ສໍາເລັດການເປັນເຈົ້າພາບກອງປະຊຸມລັດຖະມົນຕີໄອຊີທີ ອາຊຽນ ຄັ້ງທີ 19 ຢ່າງຈົບງາມ

ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ( ປທສ) ໃນນາມຂອງ ສປປ ລາວ ໄດ້ຖະແຫຼງຂ່າວຜົນສໍາເລັດການເປັນເຈົ້າພາບຈັດກອງປະຊຸມລັດຖະມົນຕີ ໄອຊີທີ ອາຊຽນ ຄັ້ງທີ 19 (The 19th ASEAN Telecommunications and Information Technology Ministers Meeting –TELMIN),

ກອງປະຊຸມເຈົ້າໜ້າທີ່ ອາວຸໂສໂທລະຄົມ ອາຊຽນ ຄັ້ງທີ 20 (The 20th ASEAN Telecommunications and Information Technology Senior Officials’ Meeting – TELSOM) ແລະ ກອງປະຊຸມປິ່ນອ້ອມ ທີ່ໂຮງແຮມແລນມາກ, ນະຄອນຫຼວງວຽງຈັນ. ໃຫ້ກຽດຂຶ້ນຖະແຫຼ່ງຂ່າວຜົນສໍາເລັດຂອງກອງປະຊຸມໂດຍ ທ່ານ ປອ ທັນສະໄໝ ກົມມະສິດ, ກໍາມະການສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງ ປທສ, ໂດຍມີບັນດາແຂກທີ່ຖືກເຊີນຈາກທັງພາຍໃນ ແລະ ຕ່າງປະເທດ, ແລະ ສື່ມວນຊົນເຂົ້າຮ່ວມ.

ທ່ານ ປອ ທັນສະໄໝ ກົມມະສິດ ໄດ້ກ່າວວ່າ ໃນການຈັດກອງປະຊຸມໃນຄັ້ງນີ້, ນອກຈາກບັນດາຄະນະລັດຖະມົນຕີ 10 ປະເທດອາຊຽນເຂົ້າຮ່ວມແລ້ວ ຍັງມີຄະນະລັດຖະມົນຕີຈາກປະເທດຄື: ສປ ຈີນ, ຢີ່ປຸ່ນ ແລະ ສ.ເກົາຫຼີ ເຂົ້າຮ່ວມເພື່ອສະຫຼຸບວຽກງານການຮ່ວມມືໃນໄລຍະຜ່ານມາ ແລະ ປຶກສາຫາລືທິດທາງແຜນການໃນຕໍ່ໜ້າ.

ໃນກອງປະຊຸມ, ບັນດາລັດຖະມົນຕີ ໄດ້ເຫັນດີ ແລະ ຮັບຮອງໃນຫຼາຍວຽກງານ ເຊັ່ນ ເຫັນດີປ່ຽນຊື່ ກອງປະຊຸມລັດຖະມົນຕີໄອຊີທີ ອາຊຽນ ມາເປັນ ກອງປະຊຸມລັດຖະມົນຕີ ດິຈິຕອນອາຊຽນ (ADGMIN) ແລະ ປ່ຽນຊື່ ກອງປະຊຸມເຈົ້າໜ້າທີ່ອາວຸໂສໂທລະຄົມອາຊຽນ ມາເປັນ ກອງປະຊຸມເຈົ້າໜ້າທີ່ອາວຸໂສດິຈິຕອນອາຊຽນ (ADGSOM) ເພື່ອໃຫ້ແທດ ເໝາະກັບພາລະບົດບາດ, ສອດຄ່ອງກັບສະພາບການພັດທະນາເຕັກໂນໂລຊີ ແລະ ການຫັນເປັນດິຈິຕອນ. ກອງປະຊຸມ ໄດ້ຮັບຮອງເອົາເອກະສານຂອບໜ້າວຽກຂອງ ລັດຖະມົນຕີ ດິຈິຕອນ (TOR of ADGMIN ) ແລະ ຂອບໜ້າວຽກຂອງເຈົ້າໜ້າທີ່ອາວຸໂສດິຈິຕອນ (TOR of ADGSOM) ເພື່ອນຳໄປຜັນຂະຫຍາຍ ແລະ ສົ່ງເສີມການຮ່ວມມືກັບຂະແໜງການປິ່ນອ້ອມ ແລະ ພາກສ່ວນກ່ຽວຂ້ອງໃຫ້ຫຼາຍຂື້ນ, ເຫັນດີເພິ່ມທະວີການຮ່ວມມື ເພື່ອຈັດຕັ້ງປະຕິບັດເເຜນແມ່ບົດ 2020 ໃຫ້ສຳເລັດ ແລະ ກະກຽມສ້າງແຜນແມ່ບົດ 2025ເພື່ອຂັບເຄຶ່ອນອາຊຽນໄປສູ່ຍຸກ ເສດຖະກິດ ແລະ ສັງຄົມ ດິຈິຕອນ ທີ່ມີຄວາມປອດໄພ, ຍືນຍົງ ແລະ ເປັນຊຸມຊົນນະວັດຕະກຳຂອງອາຊຽນ.

ກອງປະຊຸມ ໄດ້ຮັບຟັງການລາຍງານຄວາມຄືບໜ້າ ໃນການຮ່ວມມືວຽກງານຄຸ້ມຄອງຂໍ້ມູນຂ່າວສານດິຈິຕອນ (Digital Data Governance) ແລະ ເຫັນດີໃຫ້ສືບຕໍ່ຮ່ວມກັນຄົ້ນຄວ້າກົນໄກການແລກປ່ຽນຂໍ້ມູນຂ້າມຊາຍແດນ (Cross-Border Data Flow Mechanism) ລະຫວ່າງປະເທດສະມາຊິກອາຊຽນ, ຮັບຮອງເອົາທິດທາງຂອງອາຊຽນ ເພື່ອເພີ່ມທະວີການຮ່ວມມື ແລະ ການປັບປຸງລະບົບສາຍສົ່ງໃຕ້ທະເລ, ແລະ ຂອບການຮ່ວມມືຂອງອາຊຽນ ໃນການບໍລິການເພື່ອສັງຄົມ (USO 2.0).

ໃນໂອກາດດຽວກັນນີ້, ບັນດາລັດຖະມົນຕີຍັງໄດ້ສະແດງຄວາມຍິນດີຕໍ່ຜົນການຮ່ວມມື ລະຫວ່າງຄູ່ຮ່ວມເຈລະຈາໃນການຫັນເປັນ ເສດຖະກິດ ແລະ ສັງຄົມ ດິຈິຕອນ ໂດຍສະເພາະການສະໜັບສະໜູນຂອງ ສປ ຈີນ, ຍີ່ປຸ່ນ ແລະ ສ.ເກົາຫຼີ ໃນສົກປີຜ່ານມາ, ໂດຍສຸມໃສ່ ຂົງເຂດຍຸດທະສາດ ເຊັ່ນ: ນະວັດຕະກໍາ, ການເຊຶ່ອມຈອດ, ການພັດທະນາຊັບພະຍາກອນມະນຸດ ແລະ ຄວາມປອດໄພດ້ານຂໍ້ມູນຂ່າວສານ.

ທ່ານ ລັດຖະມົນຕີ ຍັງໄດ້ຢໍ້າຄືນ ຕໍ່ຄວາມມຸງໝັ້ນຂອງອາຊຽນໃນການປຶກສາຫາລື, ແລກປ່ຽນບົດຮຽນ ດ້ານນະໂຍບາຍ ແລະ ລະບຽບການ ກັບບັນດາປະເທດຄູ່ຮ່ວມເຈລະຈາ ລວມທັງການຮ່ວມມືກັບຄູ່ຮ່ວມພັດທະນາ, ຜູ້ປະກອບການພາກເອກະຊົນ ເພື່ອໃຫ້ສອດຄ່ອງກັບເປົ້າໝາຍປະຊາຄົມອາຊຽນ ແລະ ການເຕີບໂຕຂອງເສດຖະກິດ-ສັງຄົມດິຈິຕອນ.

ກອງປະຊຸມຄັ້ງຕໍ່ໄປ ປະເທດມາເລເຊຍ ໄດ້ຮັບກຽດເປັນເຈົ້າພາບ ຈັດກອງປະຊຸມ ລັດຖະມົນຕີດິຈິຕອນອາຊຽນ ຄັ້ງທີ 1 ແລະ ກອງປະຊຸມປິ່ນອ້ອມ ກັບຄູ່ຮ່ວມເຈລະຈາ ແລະ ສະຫະພາບໂທລະຄົມມະນາຄົມສາກົນ ໃນປີ 2020.

ແຫຼ່ງຂໍ້ມູນ: Midia Laos

ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ( ປທສ) ໃນນາມຂອງ ສປປ ລາວ ໄດ້ຖະແຫຼງຂ່າວຜົນສໍາເລັດການເປັນເຈົ້າພາບຈັດກອງປະຊຸມລັດຖະມົນຕີ ໄອຊີທີ ອາຊຽນ ຄັ້ງທີ 19 (The 19th ASEAN Telecommunications and Information Technology Ministers Meeting –TELMIN),

ກອງປະຊຸມເຈົ້າໜ້າທີ່ ອາວຸໂສໂທລະຄົມ ອາຊຽນ ຄັ້ງທີ 20 (The 20th ASEAN Telecommunications and Information Technology Senior Officials’ Meeting – TELSOM) ແລະ ກອງປະຊຸມປິ່ນອ້ອມ ທີ່ໂຮງແຮມແລນມາກ, ນະຄອນຫຼວງວຽງຈັນ. ໃຫ້ກຽດຂຶ້ນຖະແຫຼ່ງຂ່າວຜົນສໍາເລັດຂອງກອງປະຊຸມໂດຍ ທ່ານ ປອ ທັນສະໄໝ ກົມມະສິດ, ກໍາມະການສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງ ປທສ, ໂດຍມີບັນດາແຂກທີ່ຖືກເຊີນຈາກທັງພາຍໃນ ແລະ ຕ່າງປະເທດ, ແລະ ສື່ມວນຊົນເຂົ້າຮ່ວມ.

ທ່ານ ປອ ທັນສະໄໝ ກົມມະສິດ ໄດ້ກ່າວວ່າ ໃນການຈັດກອງປະຊຸມໃນຄັ້ງນີ້, ນອກຈາກບັນດາຄະນະລັດຖະມົນຕີ 10 ປະເທດອາຊຽນເຂົ້າຮ່ວມແລ້ວ ຍັງມີຄະນະລັດຖະມົນຕີຈາກປະເທດຄື: ສປ ຈີນ, ຢີ່ປຸ່ນ ແລະ ສ.ເກົາຫຼີ ເຂົ້າຮ່ວມເພື່ອສະຫຼຸບວຽກງານການຮ່ວມມືໃນໄລຍະຜ່ານມາ ແລະ ປຶກສາຫາລືທິດທາງແຜນການໃນຕໍ່ໜ້າ.

ໃນກອງປະຊຸມ, ບັນດາລັດຖະມົນຕີ ໄດ້ເຫັນດີ ແລະ ຮັບຮອງໃນຫຼາຍວຽກງານ ເຊັ່ນ ເຫັນດີປ່ຽນຊື່ ກອງປະຊຸມລັດຖະມົນຕີໄອຊີທີ ອາຊຽນ ມາເປັນ ກອງປະຊຸມລັດຖະມົນຕີ ດິຈິຕອນອາຊຽນ (ADGMIN) ແລະ ປ່ຽນຊື່ ກອງປະຊຸມເຈົ້າໜ້າທີ່ອາວຸໂສໂທລະຄົມອາຊຽນ ມາເປັນ ກອງປະຊຸມເຈົ້າໜ້າທີ່ອາວຸໂສດິຈິຕອນອາຊຽນ (ADGSOM) ເພື່ອໃຫ້ແທດ ເໝາະກັບພາລະບົດບາດ, ສອດຄ່ອງກັບສະພາບການພັດທະນາເຕັກໂນໂລຊີ ແລະ ການຫັນເປັນດິຈິຕອນ. ກອງປະຊຸມ ໄດ້ຮັບຮອງເອົາເອກະສານຂອບໜ້າວຽກຂອງ ລັດຖະມົນຕີ ດິຈິຕອນ (TOR of ADGMIN ) ແລະ ຂອບໜ້າວຽກຂອງເຈົ້າໜ້າທີ່ອາວຸໂສດິຈິຕອນ (TOR of ADGSOM) ເພື່ອນຳໄປຜັນຂະຫຍາຍ ແລະ ສົ່ງເສີມການຮ່ວມມືກັບຂະແໜງການປິ່ນອ້ອມ ແລະ ພາກສ່ວນກ່ຽວຂ້ອງໃຫ້ຫຼາຍຂື້ນ, ເຫັນດີເພິ່ມທະວີການຮ່ວມມື ເພື່ອຈັດຕັ້ງປະຕິບັດເເຜນແມ່ບົດ 2020 ໃຫ້ສຳເລັດ ແລະ ກະກຽມສ້າງແຜນແມ່ບົດ 2025ເພື່ອຂັບເຄຶ່ອນອາຊຽນໄປສູ່ຍຸກ ເສດຖະກິດ ແລະ ສັງຄົມ ດິຈິຕອນ ທີ່ມີຄວາມປອດໄພ, ຍືນຍົງ ແລະ ເປັນຊຸມຊົນນະວັດຕະກຳຂອງອາຊຽນ.

ກອງປະຊຸມ ໄດ້ຮັບຟັງການລາຍງານຄວາມຄືບໜ້າ ໃນການຮ່ວມມືວຽກງານຄຸ້ມຄອງຂໍ້ມູນຂ່າວສານດິຈິຕອນ (Digital Data Governance) ແລະ ເຫັນດີໃຫ້ສືບຕໍ່ຮ່ວມກັນຄົ້ນຄວ້າກົນໄກການແລກປ່ຽນຂໍ້ມູນຂ້າມຊາຍແດນ (Cross-Border Data Flow Mechanism) ລະຫວ່າງປະເທດສະມາຊິກອາຊຽນ, ຮັບຮອງເອົາທິດທາງຂອງອາຊຽນ ເພື່ອເພີ່ມທະວີການຮ່ວມມື ແລະ ການປັບປຸງລະບົບສາຍສົ່ງໃຕ້ທະເລ, ແລະ ຂອບການຮ່ວມມືຂອງອາຊຽນ ໃນການບໍລິການເພື່ອສັງຄົມ (USO 2.0).

ໃນໂອກາດດຽວກັນນີ້, ບັນດາລັດຖະມົນຕີຍັງໄດ້ສະແດງຄວາມຍິນດີຕໍ່ຜົນການຮ່ວມມື ລະຫວ່າງຄູ່ຮ່ວມເຈລະຈາໃນການຫັນເປັນ ເສດຖະກິດ ແລະ ສັງຄົມ ດິຈິຕອນ ໂດຍສະເພາະການສະໜັບສະໜູນຂອງ ສປ ຈີນ, ຍີ່ປຸ່ນ ແລະ ສ.ເກົາຫຼີ ໃນສົກປີຜ່ານມາ, ໂດຍສຸມໃສ່ ຂົງເຂດຍຸດທະສາດ ເຊັ່ນ: ນະວັດຕະກໍາ, ການເຊຶ່ອມຈອດ, ການພັດທະນາຊັບພະຍາກອນມະນຸດ ແລະ ຄວາມປອດໄພດ້ານຂໍ້ມູນຂ່າວສານ.

ທ່ານ ລັດຖະມົນຕີ ຍັງໄດ້ຢໍ້າຄືນ ຕໍ່ຄວາມມຸງໝັ້ນຂອງອາຊຽນໃນການປຶກສາຫາລື, ແລກປ່ຽນບົດຮຽນ ດ້ານນະໂຍບາຍ ແລະ ລະບຽບການ ກັບບັນດາປະເທດຄູ່ຮ່ວມເຈລະຈາ ລວມທັງການຮ່ວມມືກັບຄູ່ຮ່ວມພັດທະນາ, ຜູ້ປະກອບການພາກເອກະຊົນ ເພື່ອໃຫ້ສອດຄ່ອງກັບເປົ້າໝາຍປະຊາຄົມອາຊຽນ ແລະ ການເຕີບໂຕຂອງເສດຖະກິດ-ສັງຄົມດິຈິຕອນ.

ກອງປະຊຸມຄັ້ງຕໍ່ໄປ ປະເທດມາເລເຊຍ ໄດ້ຮັບກຽດເປັນເຈົ້າພາບ ຈັດກອງປະຊຸມ ລັດຖະມົນຕີດິຈິຕອນອາຊຽນ ຄັ້ງທີ 1 ແລະ ກອງປະຊຸມປິ່ນອ້ອມ ກັບຄູ່ຮ່ວມເຈລະຈາ ແລະ ສະຫະພາບໂທລະຄົມມະນາຄົມສາກົນ ໃນປີ 2020.

ແຫຼ່ງຂໍ້ມູນ: Midia Laos

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

9 ສິ່ງທີ່ບໍ່ຄວນເຮັດ! ຫຼັງຈາກກິນເຂົ້າອີ່ມ ເພາະມັນອາດສົ່ງຜົນກະທົບຕໍ່ຮ່າງກາຍ !!

“ເອັນທ້ອງເຄັ່ງ ເອັນຕາກໍຍານ” ຄຳນີ້ແມ່ນປາກົດວ່າທຸຄົນມີພຶດຕິກຳແບບນີ້ຫລາຍ ແລະ ເຊື່ອວ່າ ຫຼັງຈາກທຸກທ່ານຮັບປະທານອາຫານອີ່ມແລ້ວ ກໍອາດຫຼົງເຮັດສິ່ງເລົ່ານີ້ລົງໄປດ້ວຍຄວາມລຶ້ງເຄີຍ ໂດຍລືມຄຳນຶງເຖິງຜົນກະທົບທີ່ຕາມມາ. 

ກິນແລ້ວນອນທັນທີ! ບໍ່ດີຕໍ່ສຸຂະພາບ

ປັດໄຈທີ່ເຮັດໃຫ້ຕຸ້ຍ ຫຼື ບໍ່ຕຸ້ຍ ມີຢູ່ຫຼາຍຢ່າງ ເຊັ່ນ ພຶດຕິກຳການກິນ, ອາຫານທີ່ມັກກິນ ຫຼື ການນອນເດິກ ກໍສົ່ງຜົນໃຫ້ຕຸ້ຍຂຶ້ນໄດ້ຄືກັນ. ຖ້າວ່າ ການກິນແລ້ວນອນ ເຮັດໃຫ້ຕຸ້ຍຂຶ້ນບໍ່ນັ້ນ, ຍັງບໍ່ມີຜົນສະຫຼຸບທີ່ແນ່ນອນ ເພາະຄວາມຕຸ້ຍຈາກການກິນແລ້ວນອນ ມີຫຼາຍແບບ ຄື ບາງຄົນກິນຫຼາຍໃນຕອນຄ່ຳເຊັ່ນ ອາຫານທອດ,​ ຂອງມັນ, ພິດຊ່າ ຫຼື ອາຫານມະຍິກມະຍ່ອຍແລ້ວເຂົ້ານອນ,

ບຸນບັ້ງໄຟ ປະເພນີ ຄອບໄຂວ່ ເທວະດາຟ້າແຖນ

ພໍຕົກມາ ເດືອນ 6 ລາວ ເປັນໄລຍະຕົ້ນລະດູຝົນ ເຊິ່ງປະຊາຊົນລາວ ໂດຍສະເພາະ ຊາວໄຮ່ຊາວນາ ກໍກະກຽມລົງໄຮ່ລົງນາ ເພື່ອທຳການຜະລິດໃຫ້ຖືກຕາມລະດູການ ແລະ ຕາມປະເພນີທີ່ສືບທອດກັນມາ ຈະໄດ້ມີ ບຸນບັ້ງໄຟ ທີ່ຖືວ່າເປັນ ປາງບຸນໃຫຍ່ໜຶ່ງ ໃນຮີດສິບສອງຄອງສິບສີ່ ຂອງປະເພນີລາວ ຈັດຂຶ້ນທຸກໆປີ ຫຼັງບຸນປີໃໝ່ ໂດຍເຊື່ອກັນວ່າ ເປັນພິທີກໍາ ຄອບໄຂວ່ ເທວະດາຟ້າແຖນ ເພື່ອຂໍຝົນ ໃຫ້ຕົກຕາມລະດູການ ເພື່ອໃຫ້ ພືດພັນ, ຜົນລະປູກຈະເລີນງອກງາມ.