ນັກສຶກສາຄະນະວິຊາສະຖາປັດຕະຍະກຳສາດ, ມະຫາວິທະຍາໄລແຫ່ງຊາດ ຈຳນວນ 1 ທີມ (ມີນັກສຶກສາ 12 ຄົົນ), ໄດ້ສົ່ງຜົນງານເຂົ້າແຂ່ງຂັນໃນງານວາງສະແດງຜົນງານການອອກແບບໃນລະດັບສາກົນທີ່ຈັດຂຶ້ນທີ່ປະເທດມາເລເຊຍພາຍໃຕ້ຊື່ງານ RESPEXໃນວັນທີ 14-16 ຕຸລາ 2019 ທີ່ຜ່ານມາ,
ໃນງານດັ່ງກ່າວນີ້ແມ່ນມີ 5 ປະເທດສົ່ງຜົນງານເຂົ້າຮ່ວມເຊິ່ງມີ ມະເລເຊຍ, ອິນໂດເນເຊຍ, ສິງກະໂປ, ສ. ເກົາ ຫຼີ, ແລະລາວ ເຊິ່ງມີຜູ້ສົ່ງຜົນງານເຂົ້າທັງໝົດ 121 ຜົນງານທີ່ມີຄວາມຫຼາກຫຼາຍດ້ານການອອກແບບ.
ນັກສຶກສາ ຄະນະວິຊາສະຖາປັດຕະຍະກຳສາດ ມະຫາວິທະຍາໄລແຫ່ງຊາດ ແມ່ນໄດ້ສົ່ງຜົນງານເຂົ້າປະກວດພາຍໃຕ້ຫົົວຂໍ້ Urban Shelter Development ເຊິ່ງເປັນແນວຄວາມຄິດໃນການສ້າງສັນພື້ນທີ່ ເພື່ອຊີວິດສັັງຄົົມເມືອງ, ເປັນການດັັດປັບ ແລະ ນຳໃຊ້ການອອກແບບເພື່ອແກ້ໄຂບັນຫາສັງຄົມທີ່ຕ້ອງໄດ້ພົບພໍ້ໃນສັງຄົມເມືອງ. ຜ່ານການຕັດສິນຂອງຄະນະກຳມະການທີ່ມາຈາກ 5 ພາກສ່ວນເຫັນວ່າຜົນງານກຸ່ມນັກສຶກສາລາວມີຄວາມໂດດເດັ່ນດ້ານແນວຄິດສ້າງສັນ ແລະ ການພັດທະນາ, ດັ່ງນັ້ນ ຈຶ່ງເຫັນດີເປັນເອກະພາບຕັດສິນໃຫ້ກຸ່ມນັກສຶກສາລາວ ໄດ້ລາງວັນດີເດັ່ນທາງດ້ານ ແນວຄິດສ້າງສັນ ແລະການພັັດທະນາ.
ເນື່ອງຈາກວ່ານັກສຶກສາລາວບໍ່ໄດ້ໄປຮັບລາງວັນໂດຍກົງ ດັ່ງນັ້ນ, ທາງ RESPEX ຈຶ່ງຈັດສົ່ງຂັນລາງວັນມາທາງຄະນະສະຖາປັດຕະຍະກໍາສາດ, ມະຫາວິທະຍາໄລແຫ່ງຊາດ ແລະໄດ້ຮັບກຽດຈາກ ທ່ານ ຮສ. ບຸນຖະໄຫວ ແກ້ວປັນຍາ ຮັກສາການຄະນະບໍດີຄະນະວິຊາສະຖາປັດຕະຍະກໍາສາດ ມະຫາວິທະຍາໄລແຫ່ງຊາດ ເປັນຕົວແທນມອບຂັນລາງວັນໃຫ້ກັບນັກສຶກສາໃນວັນທີ 18 ພະຈິກ 2019 ທີ່ຄະນະວິຊາສະຖາປັດຕະຍະກໍາສາດ ທີ່ຜ່ານມາ.
ແຫຼ່ງຂໍ້ມູນ: ເວບໄຊມະຫາວິທະຍາໄລແຫ່ງຊາດ