ທ່ານ ອຸດົມສັກ ອຸດົມທອງກະເສມ ປະທານສະຫະພັນກິລາວູຊູແຫ່ງຊາດລາວ ກ່າວວ່າ:
ທັບນັກກິລາວູຊູທີມຊາດລາວ ຊຸດນີ້ ແມ່ນເປັນຊຸດທີ່ກຽມໂຕມາດີທີ່ສຸດ ດີກວ່າທຸກປີທີ່ຜ່ານມາ ກ່ອນຈະເຂົ້າຮ່ວມງານດັ່ງກ່າວ ກໍໄດ້ສົ່ງນັກກິລາໄປເກັບຕົວຝຶກຊ້ອມໃນໄລຍະ 1 ເດືອນ ຢູ່ທີ່ສປ ຈີນ ຜ່ານການຝຶກຝົນຫຼໍ່ຫຼອມຂອງທຸກໆຄົນກໍເຫັນວ່າສະພາບຮ່າງກາຍຈິດໃຈ ແລະ ກຳລັງ ແມ່ນມີຄວາມພ້ອມເຕັມ 100 ເປີເຊັນ ຢ່າງໃດກໍດີ ຖ້າຫາກວ່ານັກກິລາຄົນໃດ ສາມາດເປີດສາກສ້າງຜົນງານຄວ້າຫຼຽນຄຳ ໃຫ້ທັບນັກກິລາລາວ ໃນຊີເກມ ຄັ້ງນີ້ ຈະມີເງິນລາງວັນໂບນັດໄວ້ຮອງຮັບອັດສີດໃຫ້ຢ່າງແນ່ນອນ.
ສຳລັບທັບນັກກິລາວູຊູທີມຊາດລາວ ຊຸດກຽມລ່າຫຼຽນຄຳ ຊີເກມ ທີ່ປະເທດຟິລິບປິນ ທ້າຍປີນີ້ ປະກອບມີທ່ານ
ອຸດົມສັກ ອຸດົມທອງກະເສມ ປະທານສະຫະພັນວູຊູແຫ່ງຊາດ ເປັນຄະນະນຳ,
ທ່ານ ສີທາ ຢາທໍຕູ້ເລຂາທິການສະຫະພັນວູຊູແຫ່ງຊາດ ເປັນຄະນະ
ສ່ວນທ່ານ ລັງສັນ ມາໂສພາ ຫົວໜ້າຄູຝຶກ ແລະ ນັກກິລາປະກອບມີ
ທ້າວ ຄໍາພີ ແກ້ວວິໄລສອນ ຮຸ່ນນໍ້າໜັກ 48 ກິໂລກຣາມ,
ທ້າວ ຄາວີ ພົມມະຂັນທອງ ຮຸ່ນນໍ້າໜັກ 52 ກິໂລກຣາມ,
ທ້າວ ຄໍາຫຼ້າ ສຸຂະພອນ ຮຸ່ນນໍ້າໜັກ 56 ກິໂລກຣາມ,
ທ້າວ ໜູຄິດ ລາດສະເພົາ ຮຸ່ນນໍ້າໜັກ 60 ກິໂລກຣາມ,
ທ້າວ ບຸນເພັງ ຫຼວງສຸວັນ ຮຸ່ນນໍ້າໜັກ 65 ກິໂລກຣາມ,
ນາງ ລາຕີ ແກ້ວບຸນທັນ ຮຸ່ນນໍ້າໜັກ 48 ກິໂລກຣາມ
ແລະ ນາງ ມິມີ່ ຍອຍສາຍຄໍາ ຮຸ່ນນໍ້າໜັກ 52 ກິໂລກຣາມ
ການແຂ່ງຂັນກິລາດັ່ງກ່າວມີການຊີງໄຊກັນຫຼາຍລາຍການ ແລະ ຈະເລີ່ມດຳເນີນຊີງໄຊກັນໃນລະຫວ່າງວັນທີ 1-3 ທັນວາ 2019.
ແຫຼ່ງຂໍ້ມູນ: ໂດຍ ປາກກາດຳ Lao su su ລາວ ສູ້ ສູ້
