ໃນຊ່ວງນີ້ ບໍ່ມີໃຜທີ່ບໍ່ຮູ້ຈັກ “ສິລິພອນ ສີປະເສີດ” ນັກຮ້ອງສຽງດີ ປະຈຳຊ່ອງຢູທູບ Una studio
ເຊິ່ງຫຼາຍຄົນ! ເຄີຍຊົມຜົນງານຂອງລາວມາຫຼາຍແລ້ວ! ເຮົາມາຮູ້ຈັກທີ່ໄປທີ່ມາຂອງລາວນຳກັນເລີຍ!!!
ອ້າຍເທິ ຢູ່ນາ ເປັນຄົນຊັກຊວນສິລິພອນມາ Cover ເພງດັງ ທັງລາວ ແລະໄທ ແລະເພງ “ເຊລະນອງ” ເປັນເພງທຳອິດຂອງສາວຄົນນີ້ ເຊິ່ງປະພັນໂດຍ ອາຈານດອກເພັດ ແດນຈຳພອນ.
ສິລິພອນ ເກີດທີ່ເມືອງເຊໂປນ ແຂວງສະຫວັນນະເຂດ ເຊິ່ເປັນດິນແດນຂອງຄົນຜູ້ໄທ (ສ່ວນຫຼາຍ) ທີ່ຢູ່ຕິດຊາຍແດນຫວຽດນາມ.
ຄອບຄົວຂອງລາວ ມີວົງດົນຕີເອເລັກໂທນ ຫຼືຮັບຈ້າງເສບສົດ ຕາມງານບຸນທົ່ວໄປ ແລະລາວກໍຮ້ອງເພງມາຕັ້ງແຕ່ອາຍຸ 4 ປີພຸ້ນ.
ໃນທຸກໆມື້, ລາວຈະຊ່ອຍແມ່ຂາຍເຂົ້າໜົມທີ່ຕະຫຼາດເຊໂປນ ກ່ອນໄປເຂົ້າໂຮງຮຽນ.
ຕອນເລີ່ມມີຊື່ສຽງໃນໂລກອອນລາຍ ສິລິພອນ ອາຍຸໄດ້ 14 ປີ ແລະໃນປັດຈຸບັນນີ້ 19 ປີ.
ແລະຮຽນຈົບ ມສ ເຊໂປນ ໃນປີ 2018.
ຄັນມີຂໍ້ມູນເພີ່ມຕື່ມ ແອັດຈະຊອກມາຂຽນລົງເພີ່ມອີກເດີ!!!
ແຫຼ່ງຂໍ້ມູນ: ຮູບພາບ: ເທິ ຢູ່ນາ, ຂໍ້ມູນ: ເປັນເລື່ອງເປັນລາວ
