ແຈ້ງການ ເຖິງ: ບັນດາທ່ານທີ່ມີຄວາມສົນໃຈສະຫມັກເຂົ້າເປັນລັດຖະກອນ.
ເລື່ອງ: ສອບເສັງຄັດເລືອກບັນຈຸລັດຖະກອນໃຫມ່ ປີ 2020 ຂອງວິທະຍາໄລເຕັກນິກ ກະສິກໍາດົງຄໍາຊ້າງ.
ຂໍແຈ້ງມາຍັງບັນດາທ່ານທີ່ມີຄວາມສົນໃຈສະຫມັກເຂົ້າເປັນລັດຖະກອນຄູຂອງວິທະຍາໄລເຕັກນິກກະສິກໍາດົງຄໍາຊ້າງ ປະຈໍາສົກປີ 2020 ດັ່ງລາຍລະອຽດລຸ່ມນີ້:
1. ເງື່ອນໄຂຂອງຜູ້ສະຫມັກ:
– ມີສັນຊາດລາວແຕ່ກໍາເນີດ, ອາຍຸ 18 ປີຂຶ້ນໄປ ແຕ່ບໍ່ເກີນ 35 ປີ, ມີສຸຂະພາບແຂງແຮງດີ, ເພດຍິງ ຫຼື ຊາຍ. ເປັນຜູ້ເຫັນດີເຫັນພ້ອມນໍາລະບອບການເມືອງ ປະຊາທິປະໄຕ ປະຊາຊົນ, ເປັນພົນລະເມືອງດີ, ຄຸນສົມບັດດີ, ບໍ່ເຄີຍຖືກສານຕັດສິນລົງໂທດ, ບໍ່ເຄີຍຖືກປະຕິບັດວິໄນມາກ່ອນ ແລະ ມີປະຫວັດຈະແຈ້ງ…
– ສາຂາວິຊາທີ່ຕ້ອງການ: ເຕັກໂນໂລຊີກົນຈັກ, ກົນຈັກກະສິກໍາ
– ລະດັບວິຊາສະເພາະ: ຊັ້ນສູງຂຶ້ນໄປ ຄະແນນສະເລ່ຍ 3,20 ຂຶ້ນໄປ. (ຕ້ອງຈົບສາຍຄູ).
