ລັດສືບຕໍ່ໂຈະການໃຫ້ບໍລິການຮ້ານອິນເຕີເນັດກາເຟ ທົ່ວນະຄອນຫຼວງວຽງຈັນ

ພາບປະກອບ

ແຈ້ງການ ເຖິງ: ທ່ານ ຫົວຫນ້າຫ້ອງວ່າການເມືອງ 9 ຕົວເມືອງ, ທ່ານ ນາຍບ້ານ ແລະ ບັນດາຫົວຫນ່ວຍທຸລະກິດ ທີ່ໃຫ້ບໍລິການອິນເຕີເນັດກາເຟ ທົ່ວນະຄອນຫຼວງວຽງຈັນ.

ເລື່ອງ: ໃຫ້ສືບຕໍ່ໂຈະການໃຫ້ບໍລິການຮ້ານອິນເຕີເນັດກາເຟ ທົ່ວນະຄອນຫຼວງວຽງຈັນ.

– ອີງຕາມ ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ສະບັບເລກທີ 481/ຫສນຍ, ລົງວັນທີ 15 ເມສາ 2020 ວ່າດ້ວຍການຕໍ່ເວລາ ແລະ ການແນະນໍາເພີ່ມເຕີມ ກ່ຽວກັບການຈັດຕັ້ງປະຕິບັດຄໍາສັ່ງຂອງນາຍົກ ລັດຖະມົນຕີ ສະບັບເລກທີ 06/1ມຍ, ລົງວັນທີ 29 ມີນາ 2020 ວ່າດ້ວຍການເພີ່ມທະວີມາດຕະການສະກັດກັ້ນ, ກັນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານເພື່ອຕ້ານພະຍາດ COVID-19. ອີງຕາມແຈ້ງການຂອງຫ້ອງການກະຊວງໄປສະນີ, ໂທລະຄົມມະນາຄົມ ແລະ ການສື່ສານ ສະບັບເລກທີ 686/ປທສ, ລົງວັນທີ 30 ມີນາ 2020 ວ່າດ້ວຍການໂຈະການໃຫ້ບໍລິການຮ້ານອິນເຕີເນັດກາເຟ.

ເ່ພື່ອເປັນການສືບຕໍ່ເພີ່ມທະວິມາດຕະການສະກັດກັ້ນ, ກັນການລະບາດ, ຄວມຄຸມ ແລະ ກຽມພ້ອມຮອບ ດ້ານ ເພື່ອຕ້ານພະຍາດ COVID-19 ໃຫ້ມີປະສິດຜົນດີ.

ພະແນກໄປສະນີ, ໂທລະຄົມມະນາຄົມ ແລະ ການ ສື່ສານ ນະຄອນຫຼວງວຽງຈັນ ຂໍຖືເປັນກຽດແຈ້ງມາຍັງບັນດາທ່ານທຸກພາກສ່ວນຊາບວ່າ:

ໃຫ້ບັນດາຮ້ານອິນເຕິ ເນັດກາເຟ ສືບຕໍ່ໂຈະການໃຫ້ບໍລິການອິນເຕີເນັດ ທົ່ວນະຄອນຫຼວງວຽງຈັນ ຕາມແຈ້ງການຂອງຫ້ອງການກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ສະບັບເລກທີ 686/ຫກຊ.ກຕຂ, ລົງວັນທີ 30 ມີນາ 2020 ແລະ ແຈ້ງການຂອງພະແນກ ປທສ ນະຄອນຫຼວງວຽງຈັນ ສະບັບເລກທີ 216/ພປທສ, ລົງວັນທີ 26 ມີນາ 2020 ຢ່າງເຂັ້ມງວດ ຈົນກວ່າຈະມີການປ່ຽນແປງ.

ດັ່ງນັ້ນ, ຈິ່ງແຈ້ງການມາຍັງບັນດາທ່ານເພື່ອຊາບ ແລະ ພ້ອມກັນຈັດຕັ້ງປະຕິບັດດ້ວຍ.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ເອັສຊີຈີ ສານຕໍ່ ໂຄງການ “SCG Sharing the Dream 2026”

ມອບທຶນການສຶກສາແກ່ເຍົາວະຊົນ ໃນ ສປປ ລາວ ຕໍ່ເນື່ອງເປັນປີທີ 15 ສ້າງຄົນລຸ້ນໃໝ່ "Green Active Generation" ພັດທະນາປະເທດໃຫ້ຍືນຍົງ 5 ພະຈິກ 2026 - ນະຄອນຫຼວງວຽງຈັນ ສປປ ລາວ: ກະຊວງສຶກສາທິການ ແລະ ກິລາ ສປປ ລາວ ຮ່ວມກັບ ເອັສຊີຈີ...

ຊຳຊຸງ ເປີດໂຕ 3 ຮຸ່ນໃໝ່ ຕ້ອນຮັບທ້າຍປີ ເນັ້ນປະສິດທິພາບດີ ໃນລາຄາທີ່ເຂົ້າເຖິງໄດ້

ຊຳຊຸງວາງຈຳໜ່າຍ Galaxy A18, Galaxy A08 ແລະ Galaxy A07s ແລ້ວໃນ ສປປ ລາວ ຍົກຈຸດເດັ່ນດ້ານປະສິດທິພາບ ດ້ວຍຊິບເຊັດລຸ້ນໃໝ່ MediaTek Helio G99+ ແລະ RAM Plus ທີ່ຊ່ວຍເພີ່ມຄວາມໄວໃນການ ຮັບ-ສົ່ງ ຂໍ້ມູນ ຫຼຸດອາການໜ່ວງ ເປີດແອັບພລິເຄຊັນໄດ້ໄວ,...

ປະຫວັດຄວາມເປັນມາຂອງ “ບຸນຊ່ວງເຮືອ” ປະເພນີລາວ.

ບຸນຊ່ວງເຮືອ ແມ່ນບຸນປະເພນີ ທີ່ໄດ້ປະຕິບັດສືບທອດກັນມາ ແຕ່ບູຮານນະການຈົນເຖິງທຸກວັນນີ້ ແລະ ເປັນກິດຈະກຳແຂ່ງຂັນກັນທາງນໍ້າທີ່ສອດຄ່ອງກັບວິຖີຊີວິດ, ຄວາມເປັນຢູ່ຂອງຄົນລາວ ແລະ ມັກມີການແຂ່ງຂັນເຮືອຄວບຄູ່ໄປກັບການເຮັດບຸນຊ່ວຍສ້າງບັນຍາກາດ ເຮັດໃຫ້ພາຍໃນງານບຸນມີຄວາມຄຶກຄື້ນມ່ວນຊື່ນຍິ່ງຂຶ້ນ.