ອີງຕາມບົດຖະແຫຼງຂ່າວຂອງຄະນະສະເພາະກິດໃຫ້ຮູ່ວ່າ: ສປປ ລາວ ມີກໍລະນີຜູ້ຕິດເຊື້ອໃໝ່ 2 ຄົນ ເຊິ່ງເຂົ້າມາຈາກໄທ
ສຳລັບຜູ້ຕິດເຊື້ອຄົນທີ 1 ( ກໍລະນິທີ 42 ) ເປັນເພດຍິງ ອາຍຸ 33 ປີ ສັນຊາດລາວ ອາຊີບກໍາມະກອນ ເຊິ່ງຜູ້ກ່ຽວໄປເຮັດວຽດກັບຄອບຄົວຢູ່ໄທ ໃນເດືອນກໍລະກົດ ຫຼັງຈາກການລະບາດຂອງໂຄວິດ-19 ຢູ່ປະເທດໄທເຮັດໃຫ້ຫຼາຍກິດຈະກຳປິດລົງ ຜູ້ກ່ຽວເລີຍໄດ້ເດີນທາງກັບມາລາວ ໃນວັນທີ 18 ມັງກອນ 2021 ໄດ້ເດີນທາງຈາກບາງກອກ ຜ່ານ ແຂວງສີສະເກດ ແລະ ໄດ້ເດີນທາງຕໍ່ຜ່ານ ແຂວງອຸບົນລາດສະທານີ ປະເທດໄທ ຮອດວັນທີ 19 ມັງກອນ 2021 ໄດ້ເໝົາລົດຕູ້ໄປ ໂດຍຜ່ານດ່ານຊ່ອງເມັກ ແຂວງຈໍາປາສັກ ເຊິ່ງຜູ້ຂີ່ລົດຕູ້ມານຳກັນ ມີທັງໝົດ 8 ຄົນ ຜູ້ກ່ຽວແມ່ນໄດ້ກັກໂຕຢູ່ສູນຫຼັກ 21 ເມືອງປະທຸມພອນ ແຂວງຈໍາປາສັກ ແລະ ໄດ້ກວດພົບເຊື້ອໃນວັນທີ 20 ມັງກອນ 2021 ຫຼັງຈາກພົບເຊື້ອ ໃນວັນທີ 21 ມັງກອນ 2021 ກໍໄດ້ແຍກຜູ້ກ່ຽວໄປຮັກສາຕໍ່ຢູ່ໂຮງໝໍ ສໍາລັບຜູ້ສຳພັດໃກ້ຊິດມີທັງໝົດ 40 ຄົນເຊິ່ງຜົນກວດທັງໝົດແມ່ນບໍ່ຕິດເຊື້ອ
ສຳລັບຜູ້ຕິດເຊື້ອຄົນທີ 2 ( ກໍລະນີ 43 ) ເປັນເພດຊາຍ ອາຍຸ 29 ປີ ສັນຊາດຈີນ ຜູ້ກ່ຽວໄດ້ເດີນທາງມາຈາກເມືອງແມ່ຊາຍ ແຂວງຊຽງລາຍ ປະທດໄທ ໃນວັນທີ 18 ມັງກອນ 2021 ( ໂດຍບໍ່ຜ່ານດ່ານທາງການ ) ຜູ້ກ່ຽວໄດ້ຂີ່ເຮືອແມ່ນໍ້າຂອງ ຜ່ານເມືອງ ຫ້ວຍຊາຍ ແຂວງບໍ່ແກ້ວ ຫຼັງຈາກນັ້ນໄດ້ມາພັກຢູ່ໂຮງແຮມ ສີສວນ ໜຶ່ງຄືນ, ຫຼັງຈາກນັ້ນຜູ້ກ່ຽວກໍໄດ້ເໝົາລົດເດີນທາງໄປທີ່ ແຂວງຫຼວງນໍ້າທາ ແລະ ໄດ້ເຂົ້າພັກທີ່ ເຮືອນພັກກົງເອີ, ໃນວັນທີ 19 ມັງກອນ 2021 ທາງເຈົ້າໜ້າທີ່ ແຂວງຫຼວງນໍ້າທາ ກໍໄດ້ເກັບຕົວຢ່າງມາກວດ ເຖິງສອງຄັ້ງແຕ່ກໍບໍ່ຊັດເຈນ ເລີຍໄດ້ສົ່ງໄປກວດຢູ່ນະຄອນຫຼວງວຽງຈັນ ໃນວັນທີ 21 ມັງກອນ 2021 ກໍພົບວ່າຕິດເຊື້ອ ປັດຈຸບັນກໍໄດ້ນໍາຜູ້ກ່ຽວໄປຮັກສາຢູ່ໂຮງໝໍຕໍ່ແລ້ວ
ເຊິ່ງສຳລັບຜູ້ກັກໂຕຢູ່ຫຼັກ 21 ເມືອງປະທຸມພອນ ແຂວງ ຈໍາປາສັກ ແມ່ນຈະໄດ້ສືບຕໍ່ກັກໂຕອີກຕັ້ງແຕ່ວັນທີ 22 ມັງກອນ 2021 ຈົນຄົບ 14 ວັນ, ສິ່ງທີ່ຕ້ອງເອົາໃຈໃສ່ແມ່ນ ການກວດກາລາດຕະເວນຕາມຊາຍແດນແມ່ນ ບໍ່ໃຫ້ຄົນຂ້າມມາແບບຜິດກົດໝາຍ, ບັນດາຜູ້ທີ່ນໍາພາລັກລອບຄົນເຂົ້າມາແບບຜິດກົດໝາຍ ແລະ ສືບຕໍ່ຫຄົ້ນຫາຜູ້ຕິດພັບກັບຜູ້ກ່ຽວທັງ 2 ກໍລະນິຕື່ມອີກ