ຂ່າວເດັ່ນ ໜັງສືພິວວຽງຈັນທາຍ

ປະຈຳວັນ ⠚ 26 ມີນາ 2021 ⠓ ໜັງສືພິມວຽງຈັນທາຍໄດ້ໃຫ້ຮູ້ວ່າ:

ມິສ ຢູນິເວີສ ລາວ 2020 ກຽມເປັນຕົວແທນຄົນລາວ ສູ່ເວທີສາກົນ

ນາງຄຣິສຕີນາ ລາຊະສີມມາ ມິສ ຢູນິເວີສ ລາວ 2020 ຈະເປັນຕົວແທນເພື່ອເຂົ້າຮ່ວມປະກວດ ມິສ ຢູນິເວີສ ທີ່ລັດ ຟລໍຣິດ້າ ສະຫະລັດອາເມລິກາ ທີ່ຈະໄດ້ຈັດຂຶ້ນໃນໄວໆນີ້

ຊຶ່ງປັດຈຸບັນນີ້ໄດ້ມີການກຽມຕົວເພື່ອຈະເຂົ້າປະກວດໃນງານດັ່ງກ່າວບໍ່ວ່າຈະເປັນການຍ່າງ, ການວາງຕົວ, ເສື້ອຜ້າ ຫຼື ຊຸດປະຈໍາຊາດ, ພາສາຕ່າງປະເທດ…ອ່ານຕໍ່

ໂຮງໝໍແມ່ ແລະ ເດັກເກີດໃໝ່ ຢູ່ບ້ານໜອງພະຍາ ຈະກໍ່ສ້າງຕຶກນອນພິເສດ ແລະຄາດວ່າອີກ 3 ປີສຳເລັດ

ຕຶກນອນພິເສດດັ່ງກ່າວມີເນື້ອທີ່ດິນປຸກສ້າງ 3.700 ຕາແມັດ, ເປັນອາຄານ 3 ຊັ້ນ, ຍາວ 58,8 ແມັດ ແລະ ກວ້າງ 27,4 ແມັດ, ມີ 52 ຫ້ອງນອນ ຫ້ອງນໍ້າ ແລະ ສິ່ງອຳນວຍຄວາມສະດວກຕ່າງໆ

ໂຮງໝໍແມ່ນຢູ່ທີ່ ເມືອງໄຊທານີ ນະຄອນຫຼວງວຽງຈັນ
ຊຶ່ງໂຮງໝໍແມ່ ແລະ ເດັກເກີດໃໝ່ຈະສົມທົບທຶນ 30% ແລະ ບໍລິສັດ ສົມທົບທຶນ 70% ຊຶ່ງຈະໃຊ້ເວລາໃນການກໍ່ສ້າງ 3 ປີ ເປັນການຮ່ວທຶນລະຫວ່າງ ໂຮງໝໍແມ່ ແລະ ເດັກເກີດໃໝ່ ແລະ ບໍລິສັດ ລິດປັນຍາ ອອກແບບ-ກໍ່ສ້າງ ຈຳກັດ…ອ່ານຕໍ່

ການແຂ່ງຂັນບານເຕະລາວລີກ ປະຈຳປີ 2021 ເລີ່ມຢ່າງເປັນທາງການ ວັນເສົານີ້

ການແຂ່ງຂັນບານເຕະ ເປບຊີ ລາວລີກ 1 ປະຈໍາປີ 2021 ມີທັງໝົດ 5 ສະໂມສອນ ເຂົ້າຮ່ວມຊຶ່ງປະກອບມີ: ສະໂມສອນ ເອັຟຊີ ຈັນທະບູລີ, ສະໂມສອນ ຊ້າງນ້ອຍ ເອັຟຊີ, ສະໂມສອນ ເອສະຣາ ເອັຟຊີ, ສະໂມສອນ ກອງທັບ ເອັຟຊີ ແລະ ສະໂມສອນ ວຽງຈັນ ເອັຟຊີ

ຊຶ່ງມືີ້ເປິດ ຈະມີການແຂ່ງຂັນ 2 ຄູ່ໃນເວລາດຽວກັນ ຄື: ເວລາ 15: 30 ສະໂມສອນ ກອງທັບ ເອັຟຊິ ພົບ ສະໂມສອນ ວຽງຈັນ ເອັຟຊີ ທີ່ສະໜາມກິລາກອງທັບ ແລະ ສະໂມສອນ ເອສະຣາ ເອັຟຊີ ພົບ ສະໂມສອນ ຊ້າງນ້ອຍເອັຟຊີ ຢູ່ສະໜາມກິລາມະຫາວິທະຍາໄລແຫ່ງຊາດລາວ…ອ່ານຕໍ່

ເມືອງທ່າໂທມ ສ້າງບ້ານພັດທະນາໄດ້ 3 ບ້ານ ປະຈຳປີ 2021

ທັງ 3 ບ້ານມີພົນລະເມືອງ 2.800, ຍິງ 1.400 ກວ່າຄົນ, ມີ 487 ຫຼັງຄາເຮືອນ ແລະ 490 ຄອບຄົວຊຶ່ງມີ 3 ຊົນເຜົ່າອາໄສຢູ່ຮ່ວມກັນ ໂດຍການຍຶດຖືອາຊີບປູກຝັງ-ລ້ຽງສັດ ແລະ ຄ້າຂາຍ

ອຳນາດການປົກຄອງເມືອງທ່າໂທມ ແຂວງໄຊສົມບູນ ໄດ້ປະກາດ 3 ບ້ານເປັນບ້ານພັດທະນາ ປະຈຳປີ 2021 ຄື: ບ້ານນາຫ້ອງ, ບ້ານໂພນຮົ່ມ ແລະ ບ້ານວັງໄຮ ໂດຍການເຂົ້າຮ່ວມຂອງທ່ານ ພົນຕີ ຄຳລຽງ ອຸທະໄກສອນ ເຈົ້າແຂວງໄຊສົມບູນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ…ອ່ານຕໍ່