ປະຈຳວັນ ⠚ 8 ເມສາ 2021 ⠓ ໜັງສືພິມວຽງຈັນທາຍໄດ້ໃຫ້ຮູ້ວ່າ:
ກຳນົດ 10 ຈຸດດ່ານກວດກາ ນະຄອນຫຼວງວຽງຈັນ ໃນໄລຍະປີໃໝ່ລາວ
ທັງໝົດ 10ຈຸດນີ້ ກໍ່ເພື່ອຊ່ວຍຫຼຸດຜ່ອນບັນຫາອຸບັດເຫດຕາມທ້ອງຖະໜົນ ໄລຍະສະເຫຼີມສະຫຼອງບຸນປີໃໝ່ລາວ
ເຊິ່ງມີຄື: ຈຸດກວດກາເສັ້ນທາງເລກທີ11 ເຂດບ້ານອ່າງໃຫຍ່, ຈຸດກວດກາເສັ້ນທາງເລກທີ10 ເຂດບ້ານນໍ້າກ້ຽງ, ຈຸດກວດກາໜ້າຫໍວັດທະນະທໍາເມືອງຫາດຊາຍຟອງ, ຈຸດກວດກາຢູ່ບ້ານປາກຕອນ ເມືອງສັງທອງ, ຈຸດກວດກາຢູ່ບ້ານໜອງສາ ເມືອງນາຊາຍທອງ, ຈຸດກວດກາຢູ່ບ້ານສົມສະຫວາດ ເມືອງປາກງື່ມ, ຈຸດກວດກາຈະລາຈອນເມືອງຈັນທະບູລີ, ຈຸດກວດກາຈະລາຈອນເມືອງໄຊເສດຖາ, ຈຸດກວດກາຈະລາຈອນເມືອງສີໂຄດຕະບອງ ແລະ ຈຸດກວດກາຈະລາຈອນເມືອງສີສັດຕະນາກ…ອ່ານຕໍ່
ກະຊວງການຕ່າງປະເທດ ຈັດງານຟຣັງໂກໂຟນີສາກົນ ພາຍໃຕ້ຫົວຂໍ້: “ແມ່ຍິງຟຣັງໂກໂຟນີ ແມ່ຍິງທີ່ມີຄວາມເຂັ້ມແຂງ”
ຄວາມສຳຄັນຂອງວັນຟຣັງໂກໂຟນີສາກົນ ເປັນການຍົກສູງບົດບາດຂອງແມ່ຍິງຟຣັງໂກໂຟນີ ກໍຄືແມ່ຍິງລາວ ໃນການປະກອບສ່ວນເຂົ້າໃນວຽກງານຕ່າງໆ
ໂດຍສະເພາະໃນຂົງເຂດເສດຖະກິດ-ສັງຄົມ ແລະ ການສຶກສາ ແນໃສ່ເພື່ອສ້າງຄວາມເຂັ້ມແຂງໃຫ້ແກ່ແມ່ຍິງແລະຮັບປະກັນຄວາມສະເໝີພາບ ຍິງ-ຊາຍ ຢູ່ໃນສັງຄົມ…ອ່ານຕໍ່
ຈີນລົງທຶນຫຼາຍລ້ານຢວນ ໃນການພັດທະນາປ່າໄມ້ ທີ່ອັດຕະປື
ບໍລິສັດ ເຈ່ຍລັນ ພັດທະນາກະສິກຳ ຈຳກັດ ສປ ຈີນ ຈະລົງທຶນປະມານ 800 ລ້ານຢວນ ຫາ 1 ຕື້ຢວນເພື່ອພັດທະນາໂຄງການຟື້ນຟູປ່າໄມ້ ແລະ ພັດທະນາລະບົບນິເວດກະສິກຳ
ພາຍໃຕ້ໂຄງການໜຶ່ງແລວທາງ-ໜື່ງເສັ້ນທາງ ລາວ-ຈີນ ຈຳນວນ 5.000 ເຮັກຕາ ຢູ່ເມືອງສະໜາມໄຊ ແຂວງອັດຕະປື ແຕ່ໂຄງການດັ່ງກ່າວຍັງຢູ່ໃນຂັ້ນຕອນສຶກສາຄວາມເປັນໄປໄດ້
ໂດຍໂຄງການດັ່ງກ່າວນີ້ຖ້າມີການພັດທະນາ ຈະສາມາດສ້າງວຽກເຮັດງານທໍາໃຫ້ປະຊາຊົນທ້ອງຖິ່ນ ປະມານ 6 ໝື່ນຄົນ…ອ່ານຕໍ່
