ປະຈຳວັນທີ 22 ມິຖຸນາ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
4 ປະເທດ ເປີດກອງປະຊຸມທາງໄກກ່ຽວກັບການແກ້ບັນຫາຕ່າງໆຮ່ວມກັນ
ຄະນະຜູ້ແທນກອງບັນຊາການທະຫານແຂວງບໍ່ແກ້ວ ແລະ ຫຼວງນ້ຳທາ ແລະ ຄະນະຜູ້ແທນຈາກ 4 ຝ່າຍລາວ, ຈີນ, ໄທ ແລະ ມຽນມາ ໄດ້ເຂົ້າຮ່ວມກອງປະຊຸມທາງໄກ ແລກປ່ຽນສະພາບກ່ຽວກັບການລາດຕະເວນທາງນ້ຳ ຂອງ 4 ປະເທດ
ເພື່ອການແກ້ໄຂບັນຫາສະພາບຂ້າມແດນຜິດກົດໝາຍ, ຄ້າຂາຍເຖື່ອນ, ຄ້າຂາຍຢາເສບຕິດຕາມຊາຍແດນ, ການກໍ່ອາດສະຍາກຳຂ້າມຊາດ ແລະ ການແຜ່ລະບາດຂອງ ພະຍາດ ໂຄວິດ-19 ທີ່ເປັນບັນຫາຂອງຫຼາຍໆປະເທດໃຫ້ຄວາມສຳຄັນ…ອ່ານຕໍ່
ຫັກແລ້ວຂົວບ້ານໂພນທ່ຽງ ເມືອງກາສີ ແຂວງວຽງຈັນ
ຂົວບ້ານໂພນທ່ຽງ ບ້ານເມືອງເຄິ່ງ ເມືອງກາສີ ແຂວງວຽງຈັນ ໄດ້ຫັກ ຍ້ອນລົດດ້າມ ລຸ່ນ HOWO ບັນທຸກນ້ຳໜັກເກີນ, ເຮັດໃຫ້ການສັນຈອນພົບຄວາມຫຍຸ້ງຍາກ
ແຈ້ງໃຫ້ບັນດາພໍ່ແມ່ປະຊາຊົນ ທ່ານໃດຈະສັນຈອນໄປທາງເມືອງແມດ ຫຼື ໄປທາງເມືອງກາສີ ຜ່ານເສັ້ນທາງດັ່ງກ່າວ ຈົ່ງມີຄວາມລະມັດລະວັງໃນການເດີນທາງ ຄອຍໄປຄອຍມາແນ່ເດີ້…ອ່ານຕໍ່
ຮອງເຈົ້າເມືອງທ່າແຕງ ມອບເບ້ຍໄມ້ 1 ພັນກວ່າເບ້ຍໃຫ້ 6 ເຂດຈຸດສຸມພັດທະນາເມືອງທ່າແຕງ
ທ່ານ ສຸພົນ ໄຊສະຫງ່າ ຮອງເຈົ້າເມືອງທ່າແຕງໄດ້ນຳເອົາເບ້ຍໄມ້ກິນໝາກ, ມອບໃຫ້ 6 ເຂດຈຸດສຸມພັດທະນາ,ໂດຍແມ່ນຫົວໜ້າ ແລະ ຮອງເຂດຈຸດສຸມພັດທະນາເປັນຜູ້ຮັບ ທັງນີ້ ເພື່ອປະຕິບັດຕາມຄາດໝາຍສູ້ຊົນຂອງລັດຖະບານໃນການເຮັດໃຫ້ອັດຕາການປົກຫຸ້ມຂອງປ່າໄມ້ໃນ ສປປ ລາວ
ເບ້ຍໄມ້ທີ່ນຳມາມອບໃຫ້ຄັ້ງນີ້ແມ່ນໄດ້ຮັບການຊ່ວຍເຫຼືອຈາກບໍລິສັດຄູນມີໄຊ ຈຳນວນ 1.284 ເບ້ຍ ໂດຍປະກອບມີເບ້ຍໝາກມີ້ – ໝາກລຳໄຍລວມ ມູນຄ່າ 31 ລ້ານກວ່າກີບ ເຊິ່ງພາຍຫຼັງໄດ້ມອບແລ້ວແມ່ນໃຫ້ແຕ່ລະ ເຂດພັດທະນາເປັນຜູ້ແຈກຢາຍໃຫ້ຄອບຄົວທຸກຍາກໃນຈຳນວນ 42 ບ້ານ 642 ຄອບຄົວທົ່ວເມືອງ…ອ່ານຕໍ່
ເຈົ້າເມືອງທ່າພະບາດ ລົງຊຸກຍູ້ກຸ່ມຜະລິດກະສິກໍາເປັນສິນຄ້າ
ທ່ານ ສົມສົດ ແສງອາພອນ ເຈົ້າເມືອງ ທ່າພະບາດ ພ້ອມດ້ວຍຄະນະ ໄດ້ລົງຢ້ຽມຢາມການຈັດຕັ້ງປະຕິບັດໂຄງການຜະລິດກະສິກໍາເປັນສິນຄ້າ ຢູ່ບ້ານທວາຍໃຫຍ່ ເມືອງທ່າພະບາດ ແຂວງບໍລິຄຳໄຊ ທີ່ໄດ້ຮັບທຶນຈາກໂຄງການຜະລິດກະສິກໍາເປັນສິນຄ້າ
ມາຮອດປະຈຸບັນ ບ້ານ ທວາຍໃຫຍ່ ໄດ້ມີຂະບວນການຈັດຕັ້ງກຸ່ມຜະລິດເຂົ້າເປັນສິນຄ້າ 1 ກຸ່ມ ມີ 50 ຄອບຄົວເຂົ້າຮ່ວມ ເນື້ອທີ່ທໍາການຜະລິດ 54.51 ເຮັກຕ່າ ແລະ ກຸ່ມຜະລິດແນວພັນເຂົ້າ 2 ກຸ່ມ ແລະ ທ່ານເຈົ້າເມືອງ ໄດ້ລົງໂອ້ລົມຢ້ຽມຢາມຄອບຄົວ ທ່ານ ພົມມາ ທີ່ນໍາໃຊ້ເທັກນິກວິທະຍາສາດເຂົ້າໃນຜະລິດກະສິກໍາແບບປະສົມປະສານ ໂດຍມີການຂະຫຍາຍພັນໄມ້ໃຫ້ໝາກ, ໄມ້ປະດັບ, ເພາະພັນປາ, ເພາະພັນກົບ…ອ່ານຕໍ່
ການກໍ່ສ້າງຂົວຂ້າມຫ້ວຍບ້ານເສັດນ້ຳອ້ອມໃກ້ຈະສຳເລັດ 100% ແລ້ວ
ຂົວຂ້າມຫ້ວຍບ້ານເສັດນ້ຳອ້ອມ ມີຄວາມຍາວ 18 ແມັດ, ກວ້າງ 4 ແມັດ, ສາມາດຮັບນ້ຳໜັກໄດ້ 6 ໂຕນ, ແຕ່ມາໃນວັນທີ 25 ພຶດສະພາ 2021 ຜ່ານມາໄດ້ມີລົດບັນທຸກແມ່ລູກ 24 ລໍ້ຂອງບໍລິສັດແຫ່ງໜຶ່ງແກ່ວັດສະດຸກໍ່ສ້າງບັນທຸກມາເຕັມຄັນ ຄາດວ່າມີນ້ຳໜັກ 60 ໂຕນ ເພື່ອນຳໄປສົ່ງໃຫ້ກັບບໍລິສັດຮັບເໝົາເຮັດທາງລຽບຕາມຊາຍແດນເຂົ້າຢຽບຂົວ ເປັນເຫດເຮັດໃຫ້ຂົວດັ່ງກ່າວໄດ້ຫັກລົງ
ຂົວຂ້າມຫ້ວຍບ້ານ ເສັດນ້ຳອ້ອມ ເມືອງໂຂງ ແຂວງຈຳປາສັກ ມາເຖິງປັດຈຸບັນ ການກໍ່ສ້າງຂົວເຫຼັກຮາວດຽວຂ້າມຫ້ວຍບ້ານເສັດນ້ຳອ້ອມປະຕິບັດໄດ້ເກືອບ100% ພາຍຫຼັງທີ່ລົງມື່ກໍ່ສ້າງມາເປັນເວລາ 1 ເດືອນ…ອ່ານຕໍ່
ປກສ ນະຄອນ ໄກສອນ ພົມວິຫານ ມອບລົດຈັກທີ່ເກັບກູ້ໄດ້ຈາກຄະດີລັກຊັບ ມອບຄືນເຈົ້າຂອງ
ໄລຍະຜ່ານມາໄດ້ມີເຫດການຄົນຮ້າຍໄດ້ເຄື່ອນໄຫວກໍ່ເຫດປຸ້ນຊັບ,ຊີງຊັບແລະລັກຊັບພົນລະເມືອງ(ລັກລົດຈັກ)ຢູ່ພາຍໃນນະຄອນ ໄກສອນ ພົມວິຫານ ເຮັດໃຫ້ເກີດຜົນເສຍຫາຍຕໍ່ຊັບສິນຂອງປະຊາຊົນ
ປກສ ນະຄອນ ໄກສອນ ພົມວິຫານ ໄດ້ປະສານສົມທົບກັບທຸກພາກສວນນຳລົດຈັກທີ່ຜູ້ກໍ່ເຫດໄດ້ນຳໄປຂາຍມີຈຳນວນ 19 ຄັນ,ໄດ້ເຄື່ອງຂອງກາງລົດ ເກັບກູ້ຄືນມາໄດ້ຈຳນວນ 8 ຄັນ ແລະ ທາງເຈົ້າໜ້າທີ່ ປກສ ນະຄອນ ຈຶ່ງໄດ້ກວດກາ ແລະ ໄດ້ມອບລົດຈັກຄືນ…ອ່ານຕໍ່