Wednesday, July 17, 2024
Lenovo

ຂ່າວເດັ່ນ ໜັງສືພິມວຽງຈັນທາຍ

ປະຈຳວັນທີ 26 ມິຖຸນາ 2021 | ໜັງສືພິມວຽງຈັນທາຍໄດ້ໃຫ້ຮູ້ວ່າ:

ເຕະບານຍິງຊີງແຊ໋ມອາຊີ 2022 ຮອບຄັດເລືອກ ທີມ​ຊາດ​ລາວ ຖືກຈັດຢູ່ກຸ່ມ A

ຢູ່ທີ່ສຳນັກງານໃຫຍ່ ສະຫະພັນບານເຕະອາຊີ AFC HOUSE ນະຄອນຫຼວງກົວລາລຳເປີ ປະເທດມາເລເຊຍ ໄດ້ມີການຈັບສະຫຼາກການແຂ່ງຂັນເຕະບານຍິງ ຊີງແຊ໋ມອາຊີ 2022 ຮອບຄັດເລືອກ

​ສໍາລັບ ຜົນການຈັບສະຫຼາກການແຂ່ງຂັນຮອບຄັດ ເລືອກ ດັ່ງກ່າວ ໄດ້ແບ່ງອອກ 8 ກຸ່ມ ດັ່ງນີ້: ກຸ່ມ A ປະກອບມີ: ໄຕ້ຫວັນ (ເຈົ້າພາບ), ລາວ, ບາເຣນ ແລະ  ເຕີກເມນິດສະຖານ; ກຸ່ມ B: ຫວຽດນາມ (ເຈົ້າພາບ), ທາຈິກິສະຖານ, ມັນດິບ ແລະ ອັບການິສະຖານ…ອ່ານຕໍ່

ກົມຄວບຄຸມພະຍາດຕິດຕໍ່ ຮຽກຮ້ອງປ້ອງກັນ ແລະທຳລາຍແຫຼ່ງເພາະພັນຍຸງລາຍ

ກົມຄວບຄຸມພະຍາດຕິດຕໍ່, ກະຊວງສາທາລະນະສຸກແຈ້ງໃຫ້ຮູ້ວ່າ: ພະຍາດໄຂ້ຍຸງລາຍ ເປັນອີກພະຍາດໜຶ່ງ ຕ້ອງໄດ້ເອົາໃຈໃສ່ ເຝົ້າລະວັງຢ່າງເຂັ້ມງວດ, ນັບແຕ່ວັນທີ 26 ທັນວາ 2020-20 ມີຖຸນາ 2021 ມີຜູ້ຕິດເຊື້ອໄຂ້ຍຸງລາຍແລ້ວທັງໝົດ 428 ກໍລະນີ ໃນ ຂອບເຂດທົ່ວປະເທດ ແຕ່ບໍ່ມີຜູ້ເສຍຊີວິດ

ກົມຄວບຄຸມພະຍາດຕິດຕໍ່ ຍັງໄດ້ແນະນຳ ແລະຮຽກຮ້ອງ ໃຫ້ພໍ່ແມ່ປະຊາຊົນ, ຊຸມຊົນ ແລະອຳນາດການປົກຄອງທຸກຂັ້້ນ ຮ່ວມແຮງຮ່ວມໃຈ ໃນການປະຕິບັດ 5 ປ ຢ່າງເຄັ່ງຄັດ ໃຫ້ເປັນປະຈຳ ໂດຍສະເພາະທຳລາຍ ແຫຼ່ງເພາະພັນໜອນນ້ຳຍຸງລາຍ…ອ່ານຕໍ່

ວັກຊິນ 3 ຊະນິດທີ່ໃຊ້ໃນລາວ ແມ່ນບໍ່ມີອັນຕະລາຍ

ທ່ານ ດຣ. ບຸນທະວີ ເດດບັນດິດ ຮອງຫົວໜ້າພະແນກ ສາທາລະນະສຸກ ນະຄອນຫຼວງວຽງຈັນ ໄດ້​ອອກ​ມາ​ຊີ້​ແຈງ​ວ່າ: ການສັກຢາວັກຊີນປ້ອງກັນພະ​ຍາດໂຄວິດ-19 ແມ່ນ​ສັກ​ເພື່ອ​ສ້າງ​ພູມ​ຕ້ານ​ທານ​ ສ້າງພູມຄຸ້ມກັນ ໃຫ້ແກ່ຮ່າງກາຍຂອງຄົນເຮົາແຂງແຮງຂຶ້ນຕື່ມ ໝາຍ​ຄວາມ​ວ່າສັກ​ເພື່ອ​ບໍ່​ໃຫ້​​ຕິດ​ເຊື້ອ​ພະ​ຍາດໂຄວິດ-19 ໄດ້​ງ່າຍກວ່າ​ຄົນ​ປົກ​ກະ​ຕິ​ທີ່​ບໍ່​ໄດ້​ສັກ

ທ່ານ ດ​ຣ. ບຸນ​ທະ​ວີ ຍັງໄດ້ບອກໃຫ້​ຮູ້​ຕື່ມ​ວ່າ: ວັກຊີນ​ທີ່​ສັກ​ຢູ່ ນະ​ຄອນ​ຫຼວງວຽງ​ຈັນ ​ປະ​ກອບ​ມີ 3 ຊະນິດຄື: ຊີໂນຟາມ (Sinopharm), ແອັສຕຣາຊີເນກາ (AstraZeneca) ແລະ ໄຟເຊີ (Pfizer) ຊຶ່ງ​ຢາ 3 ຊະ​ນິດ​ດັ່ງ​ກ່າວທີ່ນໍາມາສັກໃຫ້ພໍ່ແມ່ປະຊາຊົນ ແມ່ນມີຄຸນນະພາບສູງ ແລະ ບໍ່ໄດ້ເປັນອັນຕະລາຍຕໍ່ຮ່າງກາຍ…ອ່ານຕໍ່

ອັດຕະປື ເຂັ້ມງວດກວດຄົນເຂົ້າ-ອອກ ໃຜລະເມີດຈະຖືກດຳເນີນຄະດີ

ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ແຂວງອັດຕະປື ໄດ້ອອກແຈ້ງການສະບັບເລກທີ 140/ຄສກ, ລົງວັນທີ 21 ມິຖຸນາ 2021 ຊຶ່ງມີເນື້ອໃນສໍາຄັນລະບຸໄວ້ ວ່າ: ຫ້າມທຸກອົງການຈັດຕັ້ງ ບຸກຄົນ ຫຼື ນິຕິບຸກຄົນ ນຳເອົາຄົນຕ່າງແຂວງ ຄົນຕ່າງປະເທດເຂົ້າມາ ແຂວງອັດຕະປື ໂດຍທີ່ບໍ່ໄດ້ຮັບອະນຸຍາດ ຈາກຄະນະສະເພາະກິດຂັ້ນແຂວງຢ່າງເດັດຂາດ

ບຸກຄົນໃດທີ່ລັກລອບເຂົ້າ-ອອກ ໄປຕ່າງແຂວງ ໄປຕ່າງປະເທດ ພ້ອມດ້ວຍຜູ້ສົມຮູ້ຮ່ວມຄິດ ທີ່ເອື້ອອຳນວຍຄວາມສະດວກ ຈະດ້ວຍຮູບການໃດກໍ່ຕາມ ທີ່ບໍ່ສອດຄ່ອງກັບລະບຽບກົດໝາຍ ຈະໄດ້ນຳມາດຳເນີນຄະດີ ຕາມກົດໝາຍທີ່ກຳນົດໄວ້, ແຂວງທີ່ບໍ່ມີການຕິດເຊື້ອ ແມ່ນສາມາດເດີນທາງເຂົ້າ-ອອກໄດ້ ແຕ່ຕ້ອງໄດ້ຮັບການສັກວັກຊິນ 2 ເຂັມຂຶ້ນໄປ…ອ່ານຕໍ່

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.