ສຳລັບຄົນທີ່ຕ້ອງເຮັດວຽກກັບຄອມພິວເຕີຢູ່ຕະຫຼອດ ການພິມໄວເປັນອີກທັກສະໜຶ່ງທີ່ມີຄວາມຈຳເປັນຫຼາຍໃນວຽກງານ ເຊິ່ງຈະດີກວ່າຖ້າເຮົາພິມໂດຍບໍ່ຕ້ອງເບິ່ງຄີບອດ, ແຕ່ຖ້າຢາກພິມໄວຕ້ອງໄດ້ໝັ່ນຝຶກຝົນຢູ່ເລື້ອຍໆ ເຊິ່ງເຮົາຈະມາແນະນຳແນວທາງໃນການພິວໄວເພື່ອເພີ່ມທັກສະໃຫ້ຕົວເອງ ແລ້ວຈະເຮັດໃຫ້ພິມໄວຂຶ້ນແນ່ນອນໄປເບິ່ງເລີຍ
ພະຍາຍາມຢ່າເບິ່ງແປ້ນພິມ
ໃນຊ່ວງທຳອິດອາດຈະບໍ່ລຶ້ງປານໃດ ແຕ່ຖ້າຝຶກໄປດົນໆກໍຈະເຮັດໃຫ້ມີຄວາມແນ່ນອນຂຶ້ນ ຈົນບໍ່ຈຳເປັນຕ້ອງເບິ່ງແປ້ນພິມ
ພິມຊ້າໆແຕ່ແນ່ນອນ
ການພິມຊ້າໆແຕ່ແນ່ນອນ ດີກວ່າການພິມຜິດ ເຊິ່ງເປັນສິ່ງທີ່ຫຼາຍໆຄົນມັກຈະເຮັດໃນຊ່ວງທຳອິດຄືການພິມໄວແຕ່ບໍ່ແນ່ນອນ ຈຶ່ງເຮັດໃຫ້ຜິດ ແລະຕ້ອງເສຍເວລາໃນການກົດລົບ ຖ້າທຽບກັນແລ້ວຈະເຮັດໃຫ້ຊ້າກວ່າການພິມໃຫ້ຊ້າໆແຕ່ຖືກ
ທ່ານັ່ງທີ່ຖືກຕ້ອງ
ການນັ່ງຊື່ໆ ໃຫ້ແຂນແລະໃຫ້ຂໍ້ສອກຢູ່ໃນມຸມ 90 ອົງສາ ໂດຍຢູ່ໃນແນວເສັ້ນຊື່ ເປັນທ່າທີເໝາະສົມສຳລັບການພິມ
ວາງຕໍາແໜ່ງນິ້ວໃຫ້ຖືກຕ້ອງ
ພະຍາຍາມວາງຕຳແໜ່ງນິ້ວຢູ່ທີ່ (ເບື້ອງຊ້າຍ asdf) (ເບື້ອງຂວາ jkl;) ຖ້າເປັນພາສາລາວກໍ່ແມ່ນ (ເບື້ອງຊ້າຍ ັຫກດ) (ເບື້ອງຂວາ ່າສວ) ເພື່ອສ້າງຄວາມລຶ້ງເຄີຍ ແລະງ່າຍຕໍ່ການພິມໃນສ່ວນຂອງການກົດ Shift ກົດ Enter ແລະບ່ອນກົດ Backspace ຢູ່ໄກເລີຍຍາກ ຕ້ອງພະຍາຍາມຝຶກໃຫ້ລຶ້ງ
ລອງພະຍາຍາມຝຶກຝົນພາສາອັງກິດກ່ອນກໍ່ໄດ້ ຈຶ່ງມາຝຶກຝົນພິມພາສາລາວ ຝຶກໄປເລື້ອຍໆກໍ່ຈະເຫັນຜົນຢ່າງແນ່ນອນ