ເຄີຍເປັນບໍ່ ຢາມທີ່ເຮົາຢາກຮູ້ ຫຼືຢາກສຶກສາກ່ຽວກັບກົດໝາຍໃນຫົວຂໍ້ຕ່າງໆຂອງ ສປປ ລາວ ແຕ່ກໍ່ຫາຂໍ້ມູນບໍ່ເຫັນ ຊອກຢາກ ແລະເຖິງຈະຊອກເຫັນກໍ່ບໍ່ແມ່ນສະບັບລ້າສຸດ
ແອັບພິເຄຊັນ Laolaw ເປັນແອັບທີ່ໃຊ້ງ່າຍສະດວກສະບາຍ, ມີຂໍ້ມູນທັງໝົດກ່ຽວກັບກົດໝາຍໃນ ສປປປ ລາວ ເຊິ່ງເປັນຂໍ້ມູນຈາກກະຊວງຍຸຕິທຳ, ຂໍ້ຕົກລົງ ແລະນິຕິກຳຕ່າງໆບໍ່ວ່າຈະເປັນສະບັບລ້າສຸດ ຫຼືສະບັບເກົ່າກໍ່ມີເຊັ່ນກັນ ສາມາດດາວໂຫລດນິຕິກຳທີ່ເຮົາສົນໃຈມາອ່ານໄດ້ໃນແບບ Offline ແລະເຖິງເຮົາຈະອ່ານແລ້ວອອກ ກໍ່ສາມາດກັບມາອ່ານຕໍ່ໂຕເກົ່າໄດ້ເລີຍ
Laolaw ເປັນແອັບພິເຄຊັນ ລວມກົດໝາຍຂອງ ສປປ ລາວ ທັງຂໍ້ຫ້າມ, ການປະຕິບັດ ແລະການປັບໄໝລົງໂທດກໍ່ມີທັງໝົດ ສາມາດຄົ້ນຫາຄຳສັບກົດໝາຍ ແລະຄຳສັບທາງການໄດ້ທັງ ພາສາລາວ ແລະພາສາອັງກິດ ເຊິ່ງສາມາດໂຫລດມາໃຊ້ງານໄດ້ທັງໃນລະບົບ Android ແລະ iOS
ການປະມວນກົດໝາຍຕ່າງໆໃນ ສປປ ລາວ ຈະງ່າຍຂຶ້ນ ແລະສາມາດກວດສອບກົດໝາຍຕ່າງໄດ້ດ້ວຍແອັບພິເຄຊັນດຽວ ໂດຍບໍ່ຕ້ອງໄປຫາໃຫ້ຍຸ້ງຍາກ ແລະຍັງເປັນຜົນດີສຳລັບນັກສຶກສາອີກດ້ວຍ ຮູ້ກົດໝາຍຕ່າງໆເພື່ອເອົາໄວ້ໃຊ້ໃນຊີວິດປະຈຳວັນ
