ປະຈຳວັນທີ 18 ທັນວາ 2021 | ສຳນັກຂ່າວມີເດຍລາວ ໄດ້ໃຫ້ຮູ້ວ່າ:
7 ວຽກບູລິມະສິດ ໃນການຟື້ນຟູການທ່ອງທ່ຽວແຂວງຄຳມ່ວນ
ເພື່ອຊຸກຍູ້, ສົ່ງເສີມ ເຮັດໃຫ້ການທ່ອງທ່ຽວຂອງແຂວງຄຳມ່ວນ ກັບເຂົ້າສູ່ລະບົບ, ລະບຽບ ແລະ ມີສະພາບປົກກະຕິໂດຍໄວ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ກະກຽມຄວາມພ້ອມ ໂດຍການຮ່າງແຜນຟື້ນຟູ ການທ່ອງທ່ຽວ ເຊິ່ງປະກອບມີ 7 ວຽກງານບໍລິມະສິດ ແລະ 48 ກິດຈະກຳຫຼັກ
ໂດຍ 7 ວຽກງານຈະມີ: 1. ຊຸກຍູ້, ສົ່ງເສີມ ບັນດາຫົວໜ່ວຍທຸລະກິດການທ່ອງທ່ຽວ ປັບປຸງຍົກລະດັບອາຄານສະຖານທີ່, ສິ່ງອຳນວຍຄວາມສະດວກຕ່າງໆ ແລະ ຂອດການບໍລິການຂອງພະນັກງານຕ້ອນຮັບ ໃຫ້ໄດ້ມາດຕະຖານຂອງສາກົນ, 2. ສ້າງຈຸດບໍລິການເຄື່ອງ ທີ່ລະນຶກ ຜະລິດຕະພັນການທ່ອງທ່ຽວ ທີ່ເປັນເອກະລັກຂອງແຂວງຄຳມ່ວນ ແລະ ປັບປຸງການຫຸ້ມຫໍ່ຜະລິດຕະພັນ ສິນຄ້າຫັດຖະກຳ ໃຫ້ໄດ້ຢ່າງໜ້ອຍ ເມືອງລະ 1 ແຫ່ງ ເພື່ອເປັນຈຸດແວະພັກເຊົາ (Checkpoint) ຂອງນັກ ທ່ອງທ່ຽວ, 3. ສົ່ງເສີມກິດຈະກຳໂຄສະນາປະຊາສຳພັນ ທີ່ຕິດພັນກັບການໂຄສະນາ ລາວທ່ຽວລາວ ໃຫ້ເຂົ້າເຖິງ ກຸ່ມຕະຫຼາດເປົ້າໝາຍ ໃຫ້ໄດ້ທັງປະລິມານ ແລະ ຄຸນນະພາບ…ອ່ານຕໍ່
ພິທີມອບ-ຮັບໂຄງການກໍ່ສ້າງຈຸດຊົມວີວ ແຂວງໄຊສົມບູນ
ໂຄງການດັ່ງກ່າວແມ່ນມີໜ້າວຽກທັງໝົດ 2 ໜ້າວຽກຄື ວຽກປູເດີ່ນ ແລະ ວຽກສ້າງສາລາຊົມວີວ ລວມມູນຄ່າການກໍ່ສ້າງທັງໝົດ 120 ລ້ານກີບ ໂດຍໄດ້ກຳນົດໄລຍະເວລາໃນການຈັດຕັ້ງປະຕິບັດແມ່ນ 30 ວັນ ເລີ່ມແຕ່ວັນທີ 15 ກັນຍາ ເປັນຕົ້ນມາ ມາຮອດປັດຈຸບັນແມ່ນໄດ້ສໍາເລັດແລ້ວ 100%
ພ້ອມນັ້ນກໍໄດ້ມອບໂຄງການດັ່ງກ່າວໃຫ້ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງ ເປັນຜູ້ຄຸ້ມຄອງ, ປົກປັກຮັກສາ ແລະ ນໍາໃຊ້ໃຫ້ເກີດປະໂຫຍດສູງສຸດ ພ້ອມທັງປະກາດເປີດຈຸດຊົມວີວ ຢ່າງເປັນທາງການ ໂດຍໃສ່ຊື່ວ່າ ຈຸດຊົມວີວສະຖານີວິທະຍຸ-ໂທລະພາບ ແຂວງໄຊສົມບູນ…ອ່ານຕໍ່
ກໍ່ສ້າງຂົວຂຶ້ນມາໃຫມ່ບ້ານໂຄກສະຫວ່າງ ສຳເລັດແລ້ວປະມານ 85%
ພາຍຫຼັງທີ່ຂົວເກົ່າແຫ່ງນີ້ໄດ້ມີ ການເປ່ເພ ເຮັດໃຫ້ການສັນຈອນ ໄປ-ມາ ແລະ ການຂົນສົ່ງສິນຄ້າທີ່ຜະລິດຈາກພໍ່ແມ່ປະຊາຊົນມີຄວາມຫຍຸ້ງຍາກ, ສະນັ້ນທາງການນຳຂັ້ນເມືອງຈຶ່ງໄດ້ຄົ້ນຄວ້າ ປຶກສາຫາລືພິລາລະນາ ແລະ ໄດ້ຕົກລົງເພື່ອທຳການກໍ່ສ້າງຂົວຂຶ້ນມາໃຫມ່
ໂດຍໂຄງການດັ່ງກ່າວແມ່ນໄດ້ແບ່ງເປັນ 2 ໄລຍະໃນການກໍ່ສ້າງ ເປັນຂົວປະເພດ ເບຕົງປະສົມໄມ້, ມີຄວາມຍາວທັງໝົດ 115 ແມັດ, ກວ້າງ 3,5 ແມັດ, ຕາມການຄິດໄລ່ເບື້ອງຕົ້ນແມ່ນສາມາດຮັບນໍ້າໜັກໄດ້ປະມານ 3,5 ໂຕ່ນ ເຊິ່ງປັດຈຸບັນການກໍ່ສ້າງ ແມ່ນມີຄວາມຄືບໜ້າປະມານ 85% ແລ້ວ…ອ່ານຕໍ່
ທ່ານເຈົ້າແຂວງບໍ່ແກ້ວລົງຢ້ຽມຢາມ ໃຫ້ກໍາລັງໃຈແກ່ນັກສຶກສາຄູ-ອາຈານທີ່ກັກໂຕເພື່ອປິ່ນປົ່ວໂຄວິດ-19
ທ່ານ ປອ ບົວຄົງ ນາມມະວົງ ເລຂາພັກແຂວງ, ເຈົ້າແຂວງໆບໍ່ແກ້ວ ມີບັນດາຮອງເຈົ້າແຂວງ ພ້ອມຄະນະ ໄດ້ລົງຢ້ຽມຢາມ ເພື່ອປ້ອມຂວັນກຳລັງໃຈ ໃຫ້ແກ່ ພະນັກງານ ຄູ ອາຈານ ທີ່ຕິດເຊື້ອພະຍາດໂຄວິດ ແລະ ໄດ້ກັກໂຕເພື່ອປິ່ນປົ່ວສຸຂະພາບ ຢູ່ໂຮງຮຽນການເມືອງ-ການປົກຄອງ ແຂວງບໍ່ແກ້ວ
ພ້ອມທັງນໍາເອົາ ນໍ້າດື່ມ, ເຈວລ້າງມື, ຜ້າອັດປາກ-ອັດດັ່ງ ໝີ່ໄວໄວ ແລະ ເງິນສົດຈຳນວນໜຶ່ງ ມາມອບໃຫ້ຄະນະຮັບຜິດຊອບ ແລະ ຜູ້ກັກກັນຕົວ ເພື່ອນຳໃຊ້ເຂົ້າໃນການປ້ອງກັນພະຍາດໂຄວິດ ແລະ ມີອາຫານ, ນໍ້າດື່ມທີ່ຈໍາເປັນປະຈໍາວັນວັນໃນເວລາກັກໂຕ ເພື່ອເປັນການປ້ອມຂັວນກໍາລັງໃຈໃຫ້ແກ່ຄູ-ອາຈານ ແລະ ນັກສືກສານໍາອີກດ້ວຍ…ອ່ານຕໍ່
ບ້ານບຶງຂາມ ແຂວງສາລະວັນ ເປີດນຳໃຊ້ຈັກສູບນ້ຳດ້ວຍພະລັງງານແສງຕາເວັນໃນຊົນລະປະທານ
ໂຄງການດັ່ງກ່າວນີ້ ໄດ້ຈັດຕັ້ງປະຕິບັດຢູ່ ບ້ານບຶງຂາມ ເມືອງສາລະວັນ ເຊີ່ງໄດ້ມີການຕິດຕັ້ງແຝງໂຊລາເຊວ, ນໍາໃຊ້ແຜ່ນໂຊລາເຊວ ທັງໝົດຈຳນວນ 105 ແຜ່ນ, ໂດຍໄດ້ຮັບທຶນການສະໜັບສະໜູນຊ່ວຍເຫຼືອຈາກ ພະແນກການຄ້າແຂວງຢູນນານ ສປ.ຈີນ ມູນຄ່າ 1 ແສນໂດລາສະຫະລັດ ຫຼື ປະມານ 1 ຕື້ກວ່າກີບ
ດ້ວຍພະລັງງານແສງຕາເວັນ ແຫ່ງນີ້ ໄດ້ປະຕິບັດພາຍໃຕ້ໂຄງການສາທິດ ຊົນລະກະເສດ ເພື່ອຫຼຸດພົ້ນອອກຈາກຄວາມທຸກຍາກ ແລະ ເປັນແຫ່ງທຳອິດຂອງແຂວງ ທີ່ໄດ້ທົດລອງປະຕິບັດນຳໃຊ້ພະລັງງານແສງຕາເວັນ ສະໜອງໃຫ້ແກ່ການຜະລິດກະສິກຳຕ່າງໆ…ອ່ານຕໍ່
