ຊ່ວງປີໃຫມ່ລາວ ກໍເປັນມື້ພັກຍາວຂອງໃຜຫຼາຍໆຄົນ ເຊິ່ງຈຳນວນຫຼາຍກໍພາກັນເດີນທາງ ບໍ່ວ່າຈະເປັນການໄປທ່ຽວກັບຄອບຄົວ, ກັບບ້ານຢູ່ຕ່າງແຂວງ ແລະ ການຂີ່ລົດໄປສົງພະ ສິ່ງທິ່ເຮົາຄວນຈະກຽມເປັນອັນດັບທຳອິດແມ່ນ ການກວດສະພາບລົດກ່ອນທີ່ຈະອອກເດີນທາງ ເພື່ອປ້ອງກັນການເກີດເຫດສຸກເສີນ ເຮົາມາເບິ່ງກັນເລີຍວ່າຄວນກວດເບິ່ງຫຍັງແນ່.
ເບິ່ງສັນຍານໄຟ
ສັນຍານໄຟຖືວ່າມີຄວາມຈຳເປັນຫຼາຍສຳລັບການອອກເດີນທາງໄກ ແລະ ການຈາລະຈອນ, ໄຟໜ້າ ກໍໃຫ້ແສງສະຫວ່າງໃນຕອນກາງຄືນ ແລະ ກໍມີໄຟສັນຍານບອກເຫດຕ່າງໆ ຄວນເບິ່ງວ່າໄຟໂຕໃນແນ່ທິ່ໃຊ້ການບໍ່ໄດ້ ກໍຄວນປ່ຽນເພາະມັນຈຳເປັນໃນການໃຊ້ງານ
ລະບົບເບກ
ທັງເບກໜ້າ, ເບກຫຼັງ ແລະ ລະດັບນໍ້າມັນເບກ ຄວນຢູ່ໃນລະດັບທີ່ກຳນົດ ເບິ່ງໃຫ້ດີກ່ອນອອກເດີນທາງທຸກຄັ້ງ ເພາະຖ້າເບກບໍ່ຢູ່ຈະເປັນບັນຫາກັບເຮົາ ແລະ ຜູ້ໃຊ້ຖະໜົນຫົນທາງ ເພື່ອຄວາມປອດໄພເບກຈຶ່ງເປັນສິ່ງສຳຄັນ
ເບິ່ງໂສ້ລົດ
ກວດເຊິ່ງວ່າມັນຕຶງ ຫຼື ຍານຢູ່ໃນລະດັບປົກກະຕິຫຼືບໍ່ ແລະ ກໍ່ໃສ່ນໍ້າມັນເຄື່ອງ ກໍເປັນສິ່ງທີ່ເຮົາຄວນເຮັດອັນດັບທຳອິດ
ເບິ່ງນ໋ອດທຸກໂຕ
ເບິ່ງນ໋ອດທຸກໂຕທີ່ຢູ່ໃນລົດ ເຊັກເບິ່ງວ່າແໜ້ນດີແລ້ວບໍ່ ເພາະຖ້ານ໋ອດຫຼຸດອອກໄປແລ້ວ ອາດຈະເກີດອຸບັດເຫດໄດ້ຄືກັນ
ເຕີມນໍ້າມັນເຕັມຖັງ
ຖ້າບໍ່ມີນໍ້າມັນ ລົດກະຊິແລ່ນບໍ່ໄດ້ ເຮົາຄວນເຕີມນໍ້າມັນໄວ້ຫຼາຍໆເພື່ອເດີນທາງໄລຍະໄກ
ເບິ່ງຄວາມພ້ອມຂອງຜູ້ຂັບຂີ່
ອັນດັບສຸດທ້າຍ ຖ້າລົດພ້ອມແລ້ວ ເຮົາຄວນມາເບິ່ງຄວາມພ້ອມຂອງເຮົາກໍຄື ສຸຂະພາບຮ່າງກາຍ ແລະ ສະພາບຈິດໃຈ ກໍເປັນສິ່ງສຳຄັນ
ການກວດເບິ່ງສະພາບຂອງລົດ ແລະ ສະພາບຂອງຜູ້ຂັບຂີ່ ເປັນສິ່ງສຳຄັນກ່ອນທີ່ຮົາຄວນເບິ່ງກ່ອນຈະອອກເດີນທາງໄກ ເພື່ອຄວາມປອດໄພຂອງເຮົາ ແລະ ຜູ້ໃຊ້ລົດໃຊ້ຖະໜົນ
Hits: 3
