ເຄີຍເປັນບໍ່? ໃນມື້ທີ່ເຮົາຕ້ອງຄິດ ແລະ ສ້າງບົດລາຍງານ PowerPoint ໃຫ້ດີ ໃຫ້ງາມ ແຕ່ກໍຄິດບໍ່ອອກ ເຖິງເຮັດມາແລ້ວກໍຍັງຮູ້ສຶກສາວ່າມັນທຳມະດາ.
ມື້ນີ້, ເຮົາເລີຍຈະລວມເອົາເວັບທີ່ສາມາດດາວໂຫຼດ Template ສຳລັບເຮັດ PowerPoint ໂດຍສະເພາະມາໃຫ້ ເພື່ອເອົາໄປສ້າງບົດລາຍງານແບບມືອາຊີບ ໂດຍທີ່ເຮົາບໍ່ຈຳເປັນຕ້ອງມີທັກສະໃນການອອກແບບກໍໄດ້.
24 slides
24 slides – ມີໃຫ້ເລືອກທັງ PowerPoint ແລະ Google Slides ເຮົາສາມາດຄົ້ນຫາ Templates ທີ່ເຂົ້າກັບງານທີ່ເຮົາກຳລັງນໍາສະເໜີໄດ້ເຊັ່ນ: ບົດລາຍງານທີ່ເປັນ Chart ຫຼື Graphs, Organization, Text Slides ແລະ ອື່ນໆ.
Slidesgo
Slidesgo – ສາມາດດາວໂຫຼດ Template ຂອງ PowerPoint ແລະ Google Slides ເຊິ່ງຈະມີຫຼາຍໝວດໝູ່ ເຊັ່ນ: Education, Business, Marketing, Medical ແລະ ອື່ນໆ.
Pikbest
Pikbest – ນອກຈາກຈະມີ Template ຂອງ PowerPoint ໃຫ້ໂຫຼດຟຣີແລ້ວ ຍັງມີ Creative Templates ທີ່ຈະຊ່ວຍໃນການອອກແບບ ຮູບພາບ, ພື້ນຫຼັງ, ໂຄສະນາ ແລະ UI.
Canva
Canva – ເວັບຍອດນິຍົມສຳລັບຄົນລຸ້ນໃໝ່ ທີ່ນອກຈາກຊ່ວຍໃນການອອກແບບບົດລາຍງານ Power point ແລ້ວ ຍັງຊ່ວຍໃນການອອກແບບຮູບພາບ ໃນແພຼັດຟອມຕ່າງໆ ອີກດ້ວຍ ແລະ ຍັງມີອີກຫຼາຍຟີເຈີທີ່ໃຫ້ໄປລອງຫຼິ້ນກັນ.
Behance
Behance – ເວັບໄຊດາວໂຫຼດ Templates ທີ່ມີເອກະລັກໂດດເດັ່ນໃນເລື່ອງຂອງ ການຈໍາແນກສີໄດ້, ຖ້າເຮົາຢາກໄດ້ ບົດລາຍງານທີ່ເປັນໄປຕາມທີ່ລູກຄ້າກຳນົດສີມາ ເຮົາກໍສາມາດເລືອກໂທນສີ ແລ້ວກໍຈະມີໃຫ້ດາວໂຫຼດຫຼາກຫຼາຍ Templates.
ນອກຈາກນັ້ນ, ຍັງມີ Templates ໃນການອອກແບບຕ່າງໆ ໃຫ້ດາວໂຫຼດອີກເຊັ່ນ: Art Direction, Fashion, Graphic Design, Adobe, Motion Graphics, UI ແລະ Web Design.
ທັງໝົດທີ່ເຮົານໍາສະເໜີມາ ແມ່ນສາມາດດາວໂຫຼດໄດ້ຟຣີ ແຕ່ກໍຍັງມີບາງອັນທີ່ຕ້ອງໄດ້ລົງທະບຽນກ່ອນໃຊ້ງານ ຫຼື ດາວໂຫຼດ.